Isaías 59:6 - CHUYA QELLQA La Biblia en Quechua de Ayacucho 2012

⁶ Chay awasqaykichik llikawanqa manam pipas pachataqa ruwanqachu, chaykunawanqa manam pipas pachakunqachu; qamkunapa ruwaynikichikqa ñakarichiyllam, makikichikwanpas ñakariyllatam hatarichinkichik.

Quechua Ayacucho Bible 1987

⁶ Pachakunataqa manam ruranmankuchu arañapa llikankunawanqa. Desgraciallatam paykunaqa ruran. Paykunapa makinqa dañollatam ruran.

Chuya Qellqa 1992

⁶ Chay awasqaykichik llikawanqa manam pipas pachataqa ruwanqachu, chaykunawanqa manam pipas pachakunqachu; qamkunapa ruwaynikichikqa ñakarichiyllam, makikichikwanpas ñakariyllatam hatarichinkichik.

Isaías 59:6 Iomraidhean Croise

Génesis 6:11

Diospa qayllanpim llapa runakuna paqwayta huchallikurqaku, chaymi kay pachaqa llumpay mana allinpa huntasqan karqa.

Jobwan Sutichasqa Libro 16:17

Mana huchayuq kachkaspaypas, allin sonqowan mañakullachkaspaypas, chaynam kallachkani.

Isaías 30:1

Tayta Diosmi kaynata nin: ¡Imaynaraq kanqaku mana kasukuq churikuna, ruwankupas manam ñoqapa kamachisqaytachu, contratota ruwaspapas manam ñoqataqa kaqpaqpas hapiwankuñachu! Chaynata ruwaspankum aswanraq huchallikunku.

Isaías 5:7

Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Isaías 57:12

Imaynam kawsasqaykitam willakachakusaq, chay ruwasqaykikunaqa manam imapipas yanapasunkichu.

Isaías 58:4

Ayunaspaykichikmi peleayllapi kakunkichik, ayunaspaykichikmi quejanakuyllapi kakunkichik, wañuchinakuq hinam qamkunaqa takanakunkichik, ayunaspaykichikqa amayá kunan ruwasqaykichikta hinachu ayunaychik, chaynapi mañakusqaykichikpas hanaq pachapi uyarisqa kananpaq.

Isaías 64:6

Ñoqaykuqa llapallaykum millakuypaqña kachkaniku, allinkuna ruwasqaykupas millakuypaq qacha latapa hinam kachkan. Qawiruspa wichisqa llaqekuna hinam kachkaniku, mana allinkuna ruwasqaykupa apasqanmi kachkaniku.

Jeremías 6:7

Imaynam pukyumanta yaku mana tukuyta lloqsimun, chaynam Jerusalenmantapas mana allinllaña lloqsimuchkan. Ñakarichinakuywan suwanakuyllañam chaypiqa uyarikuchkan, chaypiqa onqoqkunawan heridasqa kaqkunallañam qawakuchkan.

Ezequiel 18:12

wakchakunatawan mana imayuqkunata ñakarichiq, runamasinpa kaqta suwakuq, prenda mañasqantapas hapikuykuq, idolokunapi hapipakuq, millakusqay kaqkunata ruwaq,

Ezequiel 7:11

Mana allin ruwaymi mirakuchkan. Qamkunamantaqa manam chullapas puchunkichikchu, qori-qollqekichikwan tukuy ima kapuqnikichikpas manam puchunqachu. Qamkunamantaqa manam pipas waqanqachu.

Ezequiel 7:23

Huk cadenata ruway, kay llaqtapiqa wañuchinakuywan yawar chaqchuy hinaspa mana allin ruwanakuyllañam kakuchkan.

Ezequiel 9:9

Hinaptinmi Tayta Dios kaynata niwarqa: Israel runakunapa mana allin ruwasqankuqa hatu-hatunmi. Kay nacionmi yawarpa pampaykusqan rikurirun, kay llaqtapas llumpay mana allin ruwaykunapa huntasqanmi kachkan. Paykunam kaynata nirqaku: “Tayta Diosmi kay nacionmanta karunchakurun, imam ruwasqanchiktapas manam rikunchu”, nispanku.

Amós 3:10

Tayta Diosmi kaynata nin: Paykunaqa manam allin ruwayta yachankuchu; aswanqa mana llakipayarispa suwakusqankuta palacionku ukupi pakayllatam yachanku, nispa.

Amós 6:3

Qamkunam piensankichik sasachakuy punchawta qamkunamanta asurachiyta, ichaqa aswanraqmi qayaypaq qayachkankichik ñakariy tiempokunata.

Miqueas 2:8

Qayna punchawmi llaqtay karqankichik, kunanqa enemigoyñam rikurirunkichik. Guerramanta hawkalla kutimuqkunapatapas enemigoykichikmanta hinaraqmi allin pachallantapas qechunkichik.

Miqueas 6:12

Kay llaqtapi apukunaqa runamasinta ñakarichiqkunam; llapa runakunapas llullakuspa engañakuqkunam.

Sofonías 1:9

Chay punchawpitaqmi punku hawanta pawaykuspa yaykuqkunatapas, patronninkupa wasinta suwakuywan hinaspa engañowan huntachiqkunatapas castigasaq, nispa.

Sofonías 3:1

¡Imallapiraq rikukunqa! mana kasukuq huchapa intusqan ñakarichikuq llaqta.

Malaquías 2:16

Israelpa yupaychasqan Tukuy Atiyniyuq Tayta Diosmi kaynata nin: Ñoqaqa cheqninim rakinakuytaqa, cheqninim millakuypaq huchata ruwaspa warminta ñakarichiq runatapas. Chaynaqa, cuerpoykichikta waqaychaspayá jovenllaraq kachkaspa akllakusqaykichik warmikichiktaqa ama traicionaychikchu, nispa.