Isaías 59:4 - CHUYA QELLQA La Biblia en Quechua de Ayacucho 2012

⁴ Juzgadomanmi llullakuspa quejakuq rinkichik, juezkunamanpas manam cheqap kaqwanchu rinkichik. Aswanqa yanqakunallapim hapipakunkichik, yanqakunallatam rimankichik, mana allin ruwaykunapa huntasqanmi kachkankichik, chayraykum millakuypaq kaqkunallata rikurichinkichik.

Quechua Ayacucho Bible 1987

⁴ Manam pipas razonninpichu juzgadopiqa quejakunku. Manam cheqap razonwanchu juzgadopiqa reclamanku. Aswanqa confiakuchkanku chaqwakunallapim. Aswanqa hapipakuchkanku yanqakunallapim. Mana allinkuna wiksayasqam kachkanku. Wachakuruq warmi hinaraqmi desgraciallata apaykamunku.

Chuya Qellqa 1992

⁴ Juzgadonmanmi llullakuspa quejakuq rinkichik, juezkunamanpas manam cheqap kaqwanchu rinkichik. Aswanqa yanqakunallapim hapipakunkichik, yanqakunallatam rimankichik, mana allin ruwaykunapa huntasqanmi kachkankichik, chayraykum millakuypaq kaqkunallata rikurichinkichik.

Isaías 59:4 Iomraidhean Croise

Jobwan Sutichasqa Libro 15:31

Mana allin runaqa amayá engañakuchunchu, amayá yanqakunapiqa hapipakuchunchu, chaymantaqa manam imatapas hurqonqachu.

Jobwan Sutichasqa Libro 15:35

Paykunaqa nanaytam wiksayakurunku, mana allintam wachakunqaku; paykunaqa engañollatam rikurichinku, nispa.

Proverbios 4:16

Paykunaqa manam puñuytapas tarinkuchu ima mana allintapas mana ruwaspankuqa, pitapas urmachinankukamam rikchankupas,

Isaías 10:1

¡Ay, imaynaraq kankichik, mana allin kamachikuykuna decretaqkuna, ñakarichinaykichikpaq kamachikuykunata qellqaqkuna!

Isaías 26:18

Wiksayakuruspam nanaywan wachakurqaniku, ichaqa wayrallatam wachakurqaniku, llaqtamanpas manam salvacionta apamuyta atirqanikuchu, kay pachapi yachanankupaqpas manataqmi nacenqakuchu.

Isaías 28:15

Qamkunam ninkichik: “Contratotam wañuywan ruwaruniku, wañusqakunapa kasqanwanpas contratotam ruwaruniku, sasachakuy hamuspa mana haypawanankupaq; llulla rimaykunapim amparakuruniku, engaño ruwaykunapim pakakuruniku”, nispaykichik.

Isaías 29:20

Runamasin ñakarichiqpas tukunqam, asipayakuqkunapas chinkanqam, mana allinkunalla maskaqkunapas chinkarunqakum.

Isaías 30:12

Chayraykum Israelpa Chuya Diosnin kaynata nin: Nisqaykunatam qamkuna wischupakunkichik, runamasikichikta ñakarichiypi hinaspa llullakuypim hapipakunkichik, chaykuna ruwasqaykichikpim hapipakunkichik.

Isaías 30:9

Kay runakunaqa mana kasukuq kullukunam, iskay uya llulla miraykunam, Tayta Diospa yachachikuyninta mana uyariy munaqkunam.

Isaías 33:11

Qamkunapa tanteasqaykichikqa qora hinallam, qamkunapa ruwasqaykichikqa qopa hinallam, ichaqa samayniymi nina hina ruparusunkichik.

Isaías 44:20

Cheqaptapunipas, chayna runaqa uchpallatam mikun, mana allin ruwayninmi sonqonta pantarachin. Chayna ruwaqkunaqa manam salvakuyta atinqakuchu, paykunaqa manam ninkuchu: Alleq makiypi kaqqa ¿manachum pantay? nispaqa.

Isaías 47:10

Mana allin ruwasqaykikunapi hapipakuspam nirqanki: “Manam pipas rikuwanchu”, nispayki. Yuyaysapa hinaspa yachaysapa kaynikim pantarachisunki. “Ñoqallam kani, ñoqa hinaqa manam pipas kanchu”, nispam nirqanki.

Isaías 5:18

¡Ay, imaynaraq kanqaku! Sakrillawan mana allin ruwayta apamuqkuna, carretata hinaraq huchankuta aysaqkuna.

Isaías 5:7

Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Isaías 59:15

Cheqap rimaymi chinkarun, mana allinmanta rakikuqpatam tukuy imanta suwarunku. Allin ruway manaña kasqanta rikuspanmi Tayta Dios piñakurun.

Isaías 59:16

Tukuy chaykunata allichaq mana kasqanmantam Tayta Dios hukmanyarurqaraq, chaymi kikinpa atiyninwanña salvarqa, allinkuna ruwasqanwanmi takyachirqa.

Isaías 59:3

Qamkunaqa runa wañuchiqmi kankichik, millakuypaq mana allinkuna ruwaqmi kankichik, simikichikmantapas llullakuywan mana allinkunallam lloqsimun.

Isaías 64:7

Manam pipas qayakamusuqnikiqa kanñachu, hapipakamusuqnikipas manam kanñachu. Qanmi ñoqaykumanta karunchakurunki, mana allin ruwasqaykupa munaychakusqantam saqeruwankiku.

Isaías 9:15

Ancianokunapiwan reqsisqa runakunam chay animalpa uman hina, mana cheqap kaqta willakuq profetakunañataqmi chay animalpa chupan hina.

Jeremías 48:7

Moab runakuna qamkunaqa kallpaykichikpiwan qori-qollqekichikpim hapipakurqankichik, ichaqa qamkunapas pasaypaq vencesqam kankichik. Quemos sutiyuq idoloykichikpas, llapa sacerdotenkunawan hinaspa ancha reqsisqa runakunawan kuskam preso apasqa kanqaku.

Jeremías 5:1

Tayta Diosmi kaynata nin: Jerusalenpa callenkunapiyá purimuychik, allinta qawamuspayá maskamuychik; icharaqpas pillatapas allin arreglo ruwaq runata tarimuwaqchik, cheqap rimaq runata tarimuwaqchik, hinaptinqa Jerusalentam pampachasaq.

Jeremías 7:4

Kaqmanta-kaqmanta “kaymi Tayta Diospa templonqa” nispa nisuqnikichikkunamanqa amayá hapipakuychikchu.

Jeremías 7:8

Qamkunam ichaqa llulla rimaykunapi, mana valeq rimaykunapi hapipakunkichik.

Oseas 4:1

Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Miqueas 2:1

¡Ay, imallapiraq rikukunqaku! Puñusqankupi mana allinta tantearuspa achikyaramuptinñataq kamachikuq kasqankurayku chay mana allin tanteasqankuta ruwayman churaqkuna.

Hechos 24:9

Chaynata Tértulo rimaruptinmi chaypi kaq judiokunapas nirqaku: Arí, tukuy kaykunaqa cheqappunim, nispanku.

Santiago 1:15

Chayna mana allin munaykunamantam huchakuna rikurimun; huchañataqmi llumpayta wiñaruspaqa wañuyta apamun.