Isaías 57:5 - CHUYA QELLQA La Biblia en Quechua de Ayacucho 2012

⁵ ¿Manachum encina sachakunapa, llaqesapa sachakunapa ukunpi huchapakunkichik? Wawakunatam wayqokunapi, uchkukunapi idolokunapaq wañuchipunkichik.

Quechua Ayacucho Bible 1987

⁵ Encina sachakunapa ukunpim huchapakunkichik. Llapallan llaqesapa sachakunapa ukunpim huchapakunkichik. Taytachakunapaqmi wayqokunapi wawakunata wañuchipunkichik. Taytachakunapaqmi qaqa uchkukunapi wawakunata wañuchipunkichik.

Chuya Qellqa 1992

⁵ ¿Manachum encina sachakunapa, llaqesapa sachakunapa ukunpi huchapakunkichik? Wawakunatam wayqokunapi, uchkukunapi idolokunapaq wañuchipunkichik.

Isaías 57:5 Iomraidhean Croise

1~Reyes 14:23

Paykunapas alto moqokunapim capillakunata ruwarqaku, hinaspam Asera idolotawan rumimanta kullumanta ruwasqa idolokunata sayachirqaku, sayachirqakutaqmi rapisapa hatun sachakunapa sikinpipas.

2~Reyes 17:10

moqokunapipas chaynataq rapisa-pa sachakunapa sikinkunapipas rumi-manta pilarkunatawan Asera idolokunatañam sayarachirqaku.

2~Reyes 17:7

Chaykunaqa Israel runakunata pasarqa Egiptopa reynin Faraonpa makinmanta hurqomuqninku Tayta Diospa contranpi huchallikuspanku tukuy rikchaq idolokunataña yupaychasqankuraykum;

2~Reyes 23:10

Rey Josiasqa, Hinom qechwapi churinku kañananku Tofettapas milla-kuypaqtam ruwarurqa, chaynapi manaña pipas churinta Moloc idoloman kaña-nankupaq.

2~Crónicas 28:3

Ben-hinom wayqopipas inciensota kañaspanmi churinkunatapas sacrificaspa kañarqa, chaynataqa ruwarqa, Israelpa qayllanmanta Tayta Diospa qarqosqan nacionkunapa millakuypaq costumbrenkunata qatipakuspanmi.

Éxodo 32:6

Chaymi paqarinnintin tutapayta hatarispanku, sacrificiokunata ruwaspanku, Dioswan allinlla kasqankumanta ofrendakunata ofrecerqaku. Chaymantam llapa runakuna tiyaykuspanku mikuspa tomarqaku, hinaspam aychankuta kusichirqaku.

Isaías 1:29

Encina sachakuna kuyasqaykichikmantapas penqakunkichikmi, idoloykichikkuna yupaychanaykichikpaq akllasqaykichik huertakunamantapas uyaykichikraqmi pukayanqa.

Jeremías 17:2

Wawa churikichikkunapas altarkunatawan Asera idolokunatam yuyarinku, chaykunam tarikurqa rapisapa sachakunapa sikinpi, alto moqokunapa puntanpi,

Jeremías 2:20

Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Jeremías 3:13

Mana allin ruwasqaykitayá reqsikuy, Tayta Diospa contranpim hoqarikurqanki; llaqesapa sachakunapa sikinpim mana reqsisqa runakunawan qanrakurqanki, kamachikuyniykunatapas manam kasukurqankichu. Ñoqa Tayta Diosmi chaynata nini.

Jeremías 3:6

Rey Josiaspa munaychakusqan tiempopim Tayta Dios kaynata niwarqa: ¿Rikurqankichu mana kasukuq Israelpa ruwasqanta? Alto orqokunaman rispanmi chuchumika warmi hina qanrakurqa rapisapa sachakunapa sikinpi.

Jeremías 32:35

Ben-hinom wayqopipas Baal idolopaqmi altarkunata ruwapurqaku, chaypim churinkuta qaritapas warmitapas Moloc sutiyuq idoloman kañapurqaku. Chaynata ruwaspankum Judá nacionpi runakunata huchallichirqaku. Chay millakuypaq ruwasqankutaqa manam kamachirqanichu nitaqmi piensayllapas piensarqanichu, nispa.

Jeremías 50:38

Mayunkunapa contranpi peleamuychik, chay mayukuna chakichun, Babiloniaqa tukuy rikchaq idolokunapa kananmi, chay idolonkum paykunata locoyarachin.

Jeremías 51:7

Babilonia nacionqa qorimanta vaso hinam makiypi karqa, llapallan nacionkunatam sinkachirqa. Llapa nacionkunam chay vasomanta upyaspanku muspaypi hinaña karqaku.

Jeremías 7:31

Ben-hinom qechwapim Tofet sutiyuq altarta hatarichinku wawa-churinkuta kañanankupaq. Chaykuna ruwanankupaqqa manam kamachirqanichu nitaqmi piensarqanipaschu.

Ezequiel 16:20

Wawaykikunatapas qarita-warmitam mikuyta hinaraq chay idolokunaman ofrecerqanki. ¿Asllapaqchu hapirqanki chuchumikaman tikrakurusqaykita?

Ezequiel 20:26

Llapa idolonkuman ofrendakunata apaspa chaynataq piwi churinkuta sacrificaspa qachachakunankutam saqeykurqani. Chaytaqa ruwarqani paykunaman manchakuy huntaykuptin ñoqa Tayta Dios kasqayta yachanankupaqmi.

Ezequiel 20:28

Paykunaqa juramentowan prometesqay allpaman yaykuruspankupas, alto moqokunata hinaspa rapisapa sachakunata qawaykuspankum animalkunata kañaspa piñachiwarqaku, chaykunapim inciensota kañaspanku vinotapas tallirqaku.

Ezequiel 20:31

Qamkunaqa ofrendata qonaykichikpaq piwi churikichikta ofrecespam chay idoloykichikkunawan hinalla qachachakuchkankichik. Israelpa mirayninkuna ¿chaykunata ruwachkaspachum tapuwaytaraq munachkankichik? Ñoqa Tayta Diosqa manam tapuwaptikichikpas contestasqaykichikchu.

Ezequiel 6:13

Altarkunapa muyuriqninpi, idolokunapa chawpinpi, alto moqokunapi, orqokunapa puntankunapi, llaqesapa sachakunapa sikinkunapi, encina sachakunapa sikinkunapi hinaspa idolonkunaman incienso qontichinankunapim wañusqakunata rikunqaku. Chaykunata qawaspankum ñoqa Tayta Dios kasqayta yachanqaku.

Levítico 18:21

Moloc idolopaqqa amam churikitaqa ninapi kañankichu. Chaynata ruwaspaqa ñoqapa sutiytam penqayman churawaq. Ñoqa Tayta Diosmi chaynata nini.

Números 25:6

Diosman asuykuna carpapa punkunpi Moiseswan Israelpa mirayninkuna waqachkaptinkum, huk israelita runa lliwpa qawasqanta madianita warmita carpanman pusaykurqa.

Deuteronomio 12:2

Yaykunaykichik llaqtakunapa idolonkuna yupaycha-nanku sitiokunataqa tuñichinkichik-mi, tuñichinkichiktaqmi orqokunapa puntankunapi, moqokunapi chaynataq llaqesapa sachakunapa sikinpi kaqkunatapas.

Apocalipsis 18:3

Llapallan nacionkunam vino upyachkaq hina huchapakuyninwan sinkarqaku. Kay pachapi reykunam paywan waqllikurqaku, kay pachapi negociantekunapas Babiloniapa millakuypaq kaqkunata ruwaspa qollqechasqankuwanmi apuyarurqaku, nispa.