Isaías 57:18 - CHUYA QELLQA La Biblia en Quechua de Ayacucho 2012

¹⁸ Imaynam kawsasqantam qawarqani, chaywanpas hampispaymi payta michisaq, paytaqa ñoqam hawkayachisaq, llakinkunamantam consuelasaq.

Quechua Ayacucho Bible 1987

¹⁸ Qawarqanim imaynam kawsasqankuta. Chaywanpas hampisaqmi paykunata. Chaynataqmi paykunata ñoqa pusasaq. Yapamantam llakisqakunata consuelasaq.

Chuya Qellqa 1992

¹⁸ Imaynam kawsasqantam qawarqani, chaywanpas hampispaymi payta michisaq, paytaqa ñoqam hawkayachisaq, llakinkunamantam consuelasaq.

Isaías 57:18 Iomraidhean Croise

Eclesiastés 9:4

Kawsaq runapaqqa kanraqmi ñan akllakunanpaq, wañusqa leonmantaqa kawsaq allqoraqmi aswan allinqa.

Isaías 1:18

Tayta Diosqa nintaqmi: Chaynaqa, tanteanakunapaqyá ñoqaman hamuychik, cochinilla hina moradoña huchaykichik kaptinpas ritita hinam yuraqyachisqaykichik, carmesí hina pukay-pukayña huchaykichik kaptinpas yuraq millwata hinam yuraqyachisqaykichik.

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Isaías 19:22

Tayta Diosmi Egipto runakunata onqochinqa, chaywanpas kikillantaqmi hampiykunqa. Tayta Diosman kutirikuspa mañakuptinkum paykunataqa sanoyachinqa.

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Isaías 30:26

Hinaptinmi killapa achkiyninpas intipa achkiynin hinaraq kanqa, chaynataqmi intipas qanchis kuti mastaraq kancharinqa, imaynam qanchis punchawpi kanchayninta hina. Chaynam kanqa runankunapa isunta kikinpa isuchasqanta Tayta Dios wataspan hampisqan punchawpi.

Isaías 49:10

Manam yarqachikunqakuchu, nitaqmi yakunayachikunqakuchu, intipa rupayninpas manam ñakarichinqachu; kuyapayaspaymi paykunata pusasaq, pukyumanta lloqsiq yakupa kasqanmanmi pusasaq.

Isaías 51:12

Tayta Diosmi kaynata nin: Ñoqam kallpanchaqniki kani, ¿imanasqataq runakunata manchakunki? ¿Imanasqataq qora hina chakiruqlla runakunata manchakunki?

Isaías 52:12

Manam kallpayllachu lloqsinkichikqa, nitaqmi ayqechkaq hinachu ripunkichikqa, aswanqa Tayta Diosmi ñawpaqnikichikta rinqa, hina kikintaqmi qepaykichiktapas hamunqa.

Isaías 53:5

Mana kasukusqanchikmantam tuksipasqa karqa, huchanchikkunaraykum chamchapasqa karqa, hawkayayta qowananchikpaqmi ñakarichisqa karqa, heridasqa kasqanwanmi hampisqa karqanchik.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 58:11

Ñoqa Tayta Diosmi sapa punchaw pusasqayki, mana imapa kananpim saksasqata uywasqayki, cuerpoykitam kallpanchasqayki, parqosqa huerta hinam kanki, mana chakiq pukyu hinam kanki.

Jeremías 13:17

Mana kasukuptikichikqa hatun tukuq kasqaykichikmantam mana pipa rikusqanta waqasaq; Tayta Diospa runankuna preso apasqa kasqankumantam waqasaq, weqeypas yaku hinañam kallpanqa.

Jeremías 3:22

Mana kasukuq churikuna, ñoqaman kutirikamuychik, mana kasukuynikichikkunatam pampachasqaykichik. Dios Taytallayku, yupaychasqayku Diosmi qamqa kanki, qanmanmi kutirikamullaniku, qamllam Diosniykuqa kanki.

Jeremías 30:17

Ñoqa Tayta Diosmi kaynata nini: “Sión moqopi llaqtaqa wischusqañam, manañam pipas nanachikunñachu” niptinkupas ñoqam heridaykikunamanta hampisqayki, onqoynikitapas ñoqam sanoyachisqayki, nispa.

Jeremías 31:3

Tayta Diosqa unayñam rikuriwarqa, hinaspam kaynata niwarqa: Wiñaypaq kuyakuywanmi kuyarqayki, chay kuyakuyniyman hinallam kuyapayachkayki.

Jeremías 33:6

Chaywanpas llaqtaytaqa hampispaymi sanoyachisaq, paykunataqa imankumantapas mana pisisqatam hawkallata hinaspa mana pipapas imanasqanta kawsachisaq.

Zacarías 1:13

Hinaptinmi rimapayawaqniy angelta rimapayamuspan, kuyapayakuq hinaspa consuelakuq simikunata Tayta Dios nimurqa.

Lucas 15:20

Hinaspanmi hatarispan taytanpa kasqanman kutirqa. Taytanñataqmi karullataraq hamuchkaqta rikuruspan sinchita paymanta llakirikuspan chaskiqnin kallparqa, hinaspam muchaykuspan abrazaykurqa.

Romanos 5:20

Leyqa qomusqa karqa hucha astawan achkayananpaqmi, ichaqa hucha astawan rikuriptinmi, Diospa kuyapayakuyninpas aswan chaninchasqa karqa.

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.