Isaías 57:16 - CHUYA QELLQA La Biblia en Quechua de Ayacucho 2012

¹⁶ Manam wiñaypaqchu llaqtaywan churanakusaq, nitaqmi wiñaypaqchu paykunapaq piñakusaq, mana chayqa llapa runakunawan lliw unanchasqaykunam qayllaypi hukmanyanmanku.

Quechua Ayacucho Bible 1987

¹⁶ Manam wiñaypaqchu runaykunapa contranpiqa quejakusaq. Manam wiñaypaqchu paykunapa contranpiqa piñakusaq. Mana chayqa paykunapa espirituntachiki qayllaymanta chinkarachiyman. Mana chayqa unanchasqaypa samaynintachiki qayllaymanta chinkarachiyman.

Chuya Qellqa 1992

¹⁶ Manam wiñaypaqchu llaqtaywan churanakusaq, nitaqmi wiñaypaqchu paykunapaq piñakusaq, mana chayqa llapa runakunawan lliw unanchasqaykunam qayllaypi hukmanyanmanku.

Isaías 57:16 Iomraidhean Croise

Génesis 6:3

Chaymi Tayta Dios nirqa: Manam wiñaypaqchu espirituyqa runakunapi kanqa, cheqaptapunipas payqa runallam, pachak iskay chunka watallatañam kawsanqa, nispa.

2~Samuel 24:16

Jerusalenpi runakunata ángel chinkarachinanpaq kachkaptinmi, castigasqan runakunamanta llakipayarikuspan chay wañuchiq angelta Tayta Dios nirqa: ¡Chaykamallaña! ¡Amaña masta wañuchiychu! nispa. Tayta Diospa angelninñataqmi Jebús casta Araunapa eranpi kachkarqa.

Jobwan Sutichasqa Libro 12:10

Diospa makinpim llapallan kawsaqkunapa vidanqa kachkan, paypa makinpitaqmi llapallan runakunapa espiritunpas kachkan.

Eclesiastés 12:7

Ñutu allpapas manaraq allpaman kutiykuchkaptin, espiritupas Diosman manaraq kutiruchkaptin.

Isaías 27:8

Aswanqa huklaw nacionman presota apachispam paykunataqa ñakarichirqa. Intipa qespimunan lawmanta manchakuypaq pukumuq wayrawan hinaraqmi qarqorurqa.

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Isaías 42:5

Cielokunata unanchaspa mastariq Tayta Diosmi kani, allpa pachata unanchaqmi kani, allpapi wiñaqkunatam mirachirqani, allpa pachapi kawsaq runakunamanmi espirituyta qorqani. Chaykuna ruwaq kaspaymi serviqniyta kaynata nini:

Isaías 64:8

Chaywanpas Diosllayku, qamqa Taytaykum kanki, ñoqaykuqa mitu hinam makikipi kaniku. Qamñataqmi sumaq allpa mankata hina ruwawankiku, llapallaykum qampa ruwasqayki kaniku.

Jeremías 10:24

Dios Taytalláy, ama piñakuspayá allin arregloykiman hina corregiykullaway, piñakuspaqa puchukarachiwankimanmi.

Jeremías 3:5

¿Wiñaypaqchu piñakurunki? ¿Wiñaypaqchu piñakuyniki kanqa? nispayki. Ichaqa chaynata niwachkaspapas, tukuy rikchaq mana allinkunatam ruwarqanki.

Jeremías 38:16

Chaymi rey Sedequiasqa pakasqallapi juraspan Jeremiasta kaynata nirqa: Kawsachiwaqninchik Tayta Diosraykum jurani: Manam wañuchisqaykichu nitaqmi wañuchiy munasuqniki runakunamanpas qosqaykichu, nispa.

Ezequiel 18:4

Llapa runakunaqa ñoqallapam: Taytapa vidanpas hinaspa churipa vidanpas ñoqallapam. Pipas huchallikuqqa wañunqapunim.

Amós 1:11

Tayta Diosmi kaynata nin: Edom llaqtapi yachaqkunatam llumpa-llumpay huchankumanta castigasaqpuni. Paykunam espada makintin mana llakipayarispa ayllunku Israelta qatikacharqaku. Piñakuyninkutapas mismirichispam cheqnikuyninkutapas tukuy tiempo hatallirqaku.

Miqueas 7:18

Dios Taytalláy, qam hinaqa manam pipas kanchu, llaqtaykimanta puchuqkunapa hucha ruwasqankuta pampachaykuspam qonqarunki, wiñaypaq mana piñakuruspaykim kuyapayaykuwankiku.

Zacarías 12:1

Israelpaq Tayta Diospa rimarisqan simikuna. Cielokunata mastariq, kay pachapa cimientonta churaq hinaspa runaman kawsay qoq Tukuy Atiyniyuq Tayta Diosmi kaynata nin:

Números 16:22

Chaymi Moiseswan Aaronñataq qonqoranpa pampaman kumuykuspa nirqaku: Dios Taytallayku, runakuna kawsachiq Dios, ¿chulla runapa huchallanmantachu llapa runakunapaq piñakurunki? nispanku.

Hebreos 12:9

Ñoqanchikpas kay pachapi corregiwaqninchik tayta-mamanchiktaqa kasukurqanchikmi. Chaynaqa, ¿imanasqataq kawsachiqninchik hanaq pachapi Taytanchiktaqa manaqa kasukuchwanchu?