Isaías 57:13 - CHUYA QELLQA La Biblia en Quechua de Ayacucho 2012

¹³ Maynataña qayakuptikipas millakuypaq idoloykikunaqa manam librasunkichu, chaykunataqa sinchi wayram aparuspa chinkarachinqa. Ñoqapi hapipakuqkunam ichaqa herencianpaq allpata chaskinqaku, ñoqapaq sapaqchasqa orqopim yachanqaku.

Quechua Ayacucho Bible 1987

¹³ Qayakuptikiqa manam taytacha-mamachaykichu librasunki. Chaykunataqa llapallantam wayra qechurusunki. Chaykunataqa pukurimuq wayrallam chinkarachinqa. Ñoqapi amparakuqkunam ichaqa herencianku nacionta chaskinqa. Hinaspataqmi ñoqapaq sapaqchasqa orqoytapas dueñochakunqa.

Chuya Qellqa 1992

¹³ Maynataña qayakuptikipas millakuypaq idoloykikunaqa manam librasunkichu, chaykunataqa sinchi wayram aparuspa chinkarachinqa. Ñoqapi hapipakuqkunam ichaqa herencianpaq allpata chaskinqaku, ñoqapaq sapaqchasqa orqopim yachanqaku.

Isaías 57:13 Iomraidhean Croise

2~Reyes 3:13

Chaymi Israelpa reyninta Eliseo nirqa: ¿Imatataq ñoqawan munanki? Taytaykipa chaynataq mamaykipa profetankunata tapukamuy, nispa. Israelpa reyninñataqmi nirqa: Manam, Tayta Diosmi kay kimsa reykunata huñuramuwanku moabitakunaman qoykuwanankupaq, nispa.

Jobwan Sutichasqa Libro 21:18

¿Haykapitaq wayrapa apasqan paja hina karqaku? ¿Haykapitaq vientopa apasqan qopa hina karqaku?

Proverbios 28:25

Apuyaruyllata maskaq runaqa peleollatam hatarichin, Tayta Diosman hapipakuqmi ichaqa allin kawsakunqa.

Isaías 11:9

Sapaqchasqay lliw orqopiqa manañam pipas mana allintaqa ruwanqachu. Imaynam lamar qochata yaku pasaypaqta pampaykun, chaynam Tayta Diospa reqsichikuyninpas kay pachata pampaykunqa.

Isaías 14:32

Chay nacionkunamanta kachamusqankumanqa ¿imanisuntaq? Nisunchikqa: Tayta Diosmi Jerusalén llaqtataqa hatarichirqa, chaymanmi ñakarichisqa runankunapas amparakunqaku, nispam.

Isaías 25:4

Qanmi karqanki mana imayuqkunapa amparakunan, wakchakunapa sasachakuyninpi hapipakunan, loco paramanta pakaykuqnin, rupaymanta llantuykuqnin. Mana llakipayakuq runakunapa samatyayninqa poqoy tiempopi sinchi para hinaraqmi.

Isaías 40:24

Paykunaqa chayraq wiñamuq sachakuna hinam, tarpuruptinku chayllaraq sapichakuchkaq hinam. Wayra pukurimuptinmi lliw chakirunku, sinchi wayrapa apasqan qopa hinallam paykunaqa chinkarunku.

Isaías 41:16

Wayrachiptikim wayra apanqa, nisyu wayram lliwta cheqerachinqa. Qanmi ichaqa Tayta Diospi kusikunki, Israelpa Chuya Diosninraykum alabakunki.

Isaías 45:20

Nacionkunamanta lluptiqkuna huñunakuspa asuykamuwaychik. Kullumanta idolokunata llaqllaruspa apaykachaqkunaqa mana serniyuq runakunam, mana salvay atiq idolokunata mañakuqkunaqa mana yuyayniyuq runakunam.

Isaías 49:8

Tayta Diosmi kaynata nin: Allin punchawkuna kachkaptillanraqmi uyariykuyki, salvanay punchawpim yanapaykuyki. Waqaychaspaymi llaqtakunawan qamnintakama pactota ruwanaypaq churasqayki, chaynapi tuñisqa llaqtakunata hatarichinaykipaq, purmachisqa allpakunata hapispa rakinaykipaq,

Isaías 56:7

paykunatam sapaqchasqay orqoman pusasaq, mañakuwananku wasiypim samachisaq; lliw kañana sacrificiotawan ofrendakuna ofrecewasqankutapas chaskisaqmi. Temployqa “llapallan llaqtakunapa mañakunan wasiwan” sutichasqam kanqa.

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Isaías 65:11

Qamkunatam ichaqa, ñoqamanta karunchakurusqaykichikrayku, sapaqchasqay orqoyta qonqarusqaykichikrayku, “suerte qokuq”, nispa Gad idoloman, “allin destino qokuq”, nispa Meni sutiyuq idoloman, mikuytawan vinota qosqaykichikrayku,

Isaías 65:25

Atoqwan malta ovejapas kuskankum mikunqaku, leonpas toro hinam pajataña mikunqa, maqta urupas allpatañam mikunqa. Chuyanchasqay orqopiqa manañam ima mana allin ruwanakuypas kanqañachu, nispa.

Isaías 65:9

Jacobpa churinkunatam mirachisaq, Judapa mirayninkunam orqoykunata hapikuykuspanku chaypi yachanqaku, akllakusqaykunam chay allpata chaskinqaku, serviqniykunam chaypi yachanqaku.

Isaías 66:20

Hinaspam llapa nacionkunamanta llaqtamasikichikkunata pusamunqaku, caballokunapi, carretakunapi, andaskunapi, mulakunapi hinaspa camellokunapi. Paykunatam ñoqa Tayta Diospaq ofrendata hina chuyanchakusqay Jerusalén llaqtaman pusamunqaku. Paykunam kanqaku Israelpa apamusqan ofrenda hina, nispa.

Jeremías 2:28

Judá runakuna, ¿maytaq idolokuna ruwakusqaykichik? Llaqtakunata hinañam achkallataña ruwakurunkichik, chaynaqa paykunayá kallpamuchunku, yaqachus ñakariynikichik punchawpi salvarusunkichik.

Jeremías 22:20

Jerusalén llaqta, Líbano orqoman qespispa qayakuy, Basán law orqokunapi qapariy, Abarim law orqokunaman quespispa qayaykachakuy, waynaykikunam lliw vencerachikun.

Jeremías 22:22

Kamachiqnikikunam wayrapa apasqan kanqaku, waynaykikunam preso apasqa kanqaku; tukuy mana allinkuna ruwasqaykimantam penqaypi tarikuspa uchuychasqa kanki.

Jeremías 30:14

Waynaykikunapas qonqarusunkiñam, manañam yuyasunkiñachu, enemigoyki hinam ñakarichirqayki, huchaykikuna llumpay kasqanraykum llumpayta ñakarichirqayki.

Ezequiel 20:40

Israelpa llapallan mirayninkunam sapaqchakusqay hatun orqopi, Israelpa kaq hatun orqonpi yupaychawankichik. Chaypim ofrendaykichikkunatawan primiciaykichikkunata chaynataq tukuy ima sapaqchapuwasqaykichiktapas chaskisqaykichik. Ñoqa Tayta Diosmi chaynata nini.

Oseas 13:3

Chayraykum paykunaqa achikyay puyu hina waspirunqaku, achikyaq sulla hina chinkarunqaku; wayrapa apasqan qopa hinam chinkarunqaku, wasi uchkunta lloqsiq qosni hinam chinkarunqaku.

Joel 3:17

Chaynapim yachankichik Dios Taytaykichik kasqayta, hinaspa sapaqchakusqay Sión moqopi yachasqayta. Jerusalenpas chuya llaqtam kanqa, manañam haykapipas huklaw llaqtayuq runakunaqa munaychakunqakuñachu.

Zacarías 7:13

Chaynaqa, Tukuy Atiyniyuq Tayta Diosmi kaynata nin: Imaynam paykuna qayakuyniyta mana kasukurqakuchu, chaynam ñoqapas mañakuyninkuta mana uyarirqanichu.

Jueces 10:14

Chaynaqa, rispayá akllakusqaykichik dioskunata qayakamuychik, ñakarichisqa kasqaykichik tiempopi paykuna librasunaykichikpaq, nispa.