Isaías 57:1 - CHUYA QELLQA La Biblia en Quechua de Ayacucho 2012

¹ Allin kawsakuq runakunam wañunku, manam pitapas imapas qokunchu. Kuyapayakuq runakunam chinkanku, ichaqa manam pipas musyanchu sasachakuymanta librasqaña kasqankuta.

Quechua Ayacucho Bible 1987

¹ Allin ruraq runakunam wañunku, mana pipapas reparasqanmi wañunku. Kuyapayakuq runakunam chinkanku, ichaqa mana pipapas entiendesqanmi chinkanku. Manam entiendenkuchu imanasqam chinkasqankumanta. Manam entiendenkuchu sasachakuymanta librasqaña kasqankuta.

Chuya Qellqa 1992

¹ Allin kawsakuq runakunam wañunku, manam pitapas imapas qokunchu. Kuyapayakuq runakunam chinkanku, ichaqa manam pipas musyanchu sasachakuymanta librasqaña kasqankuta.

Isaías 57:1 Iomraidhean Croise

1~Reyes 14:13

Hinaptinmi Israelpi llapa runakuna hatun llakikuywan pampanqaku, Jeroboampa ayllunkunamantaqa payllam Tayta Diospa qayllanpi allinpaq qawasqa karqa, chayraykum pay sapallan pampasqa kanqa.

2~Reyes 22:20

Chayraykum ñawpaq taytaykikuna hina wañukuspaqa hawkayaypim pampasqa kanki. Kay llaqtapa contranpi castigo apachimusqaytaqa manam rikunkichu, nispa. Chaymi kutirispanku chaynata reyman willamurqaku.

2~Crónicas 32:33

Ezequías wañukuptinmi, reykunapa pampakunanpa allinnin lawninpi pamparurqaku. Judá nacionpi kaqkunawan Jerusalenpi kaqkunam hatunchaspanku Ezequiasta pamparurqaku. Paypa rantinpim churin Manasesña munaychakurqa.

2~Crónicas 34:28

Chayraykum ñawpaq taytaykikuna hina wañukuspaqa hawkayaypim pampasqa kanki. Kay llaqtapa chaynataq runankunapa contranpi ñakariy apachimusqaytaqa manam rikunkichu, nispaykichik. Chaymi kutirispanku reyman chaynata willamurqaku.

2~Crónicas 35:24

Chaymi serviqninkunaqa carretamanta hurqoruspanku huk carretanman hinaykuspanku Jerusalén llaqtaman aparuptinku chaypiña wañukurqa. Hinaptinmi ñawpaq taytankunapa sepulturanpi pamparurqaku. Chaymi Judá nacionpi chaynataq Jerusalén llaqtapi yachaqkuna paymanta llumpayta waqarqaku.

Isaías 42:25

Chayraykum piñakuspa paykunata ñakarichirqa, lenwachkaq ninata hinam paykunaman mancharikuypaq guerrata kachaykamurqa, chaywanpas paykunaqa manam kasukurqakuchu; chay ninam paykunata ruparurqa, chaywanpas paykunaqa manam kaqpaqpas hapirqakuchu.

Isaías 47:11

Ñakariymi chayamusunki, manam maymanta hamusqantapas yachankichu, chay llakimantaqa layqa kaynikipas manam harkasunkichu; qonqayllamantam tuñichisunki, chayna tarikuruytaqa manam yachakurqankichu.

Isaías 47:7

“Wiñaypaq munaychakuq señoram kasaq”, nispam nirqanki, ichaqa manam kaykunamanta tantearqankichu, nitaqmi imaynam kaykuna tukurunantapas yuyaymanarqankichu.

Isaías 57:11

¿Pita manchakuspaykitaq ñoqapi manaña iñispa karunchakurunki? ¿Unayña mana rimarisqayraykuchu manaña kaqpaqpas hapiwanki?

Jeremías 18:11

Chaynaqa, Judá runakunatawan Jerusalenpi yachaqkunata kaynata nimuy: Ñoqa Tayta Diosmi qamkunata castiganaypaq tanteachkani. Chaynaqa, mana allin kawsasqaykichikmanta wanakuspa vidaykichiktawan ruwaynikichikta allichaychik, nispa.

Jeremías 22:10

Rey Josiaspa wañusqanmantaqa amaña waqaychikchu, waqaychikqa rey Salum preso apasqa kasqanmantayá, payqa manañam haykapipas kutimunqañachu, nacesqan allpatapas manañam rikunqañachu.

Ezequiel 21:3

Ñoqa Tayta Diospa nisqayta paykunaman kaynata niy: Ñoqaqa qampa contraykipim kachkani, chayraykum vainanmanta espadayta hurqoykuspay, allin ruwaq runakunata chaynataq mana allin ruwaq runakunatapas wañurachisaq.

Miqueas 7:2

Llakipayakuq runakunam kay pachapi tukurun, allin ruwaq runakunam chinkarun. Llapallankum wañuchinakuyta maskanku, runamasinta wichichinanpaqmi toqllata churanku.

Malaquías 2:2

Qamkunam kasukuspa cheqaptapuni tukuy sonqowan yupaychawanaykichik. Mana kasukuspaqa ñakasqam kankichik. Cheqaptapuni mana yupaychawaptikichikqa, sacerdote kasqaykichikrayku bendecisqa kasqaykichiktapas ñakaymanmi tikrarusaq. Tukuy Atiyniyuq Tayta Diosmi chaynata nin.

Números 23:10

Jacobpa mirayninkunaqa ñutu allpa hinañam, ¿pitaq yupayta atinman? ¿Pitaq hayka kasqankutapas yachanman? ¡Ima allinraq kanman allin ruwaq runakuna hina ñoqapas wañukuptiyqa! ¡Ima allinraq kanman paykunapa wañukuyninta hina ñoqapas chinkaruptiyqa! nispa.