Isaías 55:3 - CHUYA QELLQA La Biblia en Quechua de Ayacucho 2012

³ Ñoqaman asuykamuspa uyariwaychik, uyariwaspaykichikqa kawsankichikmi. Qamkunawanmi pactota wiñaypaq ruwasaq, rey Davidta kuyasqayraykum payman prometesqaykunata cumplisaq.

Quechua Ayacucho Bible 1987

³ Atiendespa ñoqaman hamuychik. Sumaqta uyariwaspam kawsankichik. Qamkunawanmi wiñaypaq contratota rurasaq. Rey Davidman prometesqaykunatam cumplisaq. Payta kuyapayasqayraykum confianapaq contratota cumplisaq.

Chuya Qellqa 1992

³ Ñoqaman asuykamuspa uyariwaychik, uyariwaspaykichikqa kawsankichikmi. Qamkunawanmi pactota wiñaypaq ruwasaq, rey Davidta kuyasqayraykum payman prometesqaykunata cumplisaq.

Isaías 55:3 Iomraidhean Croise

Génesis 17:7

Pactotam qanwan ruwani chaynataq miraynikikunawanpas, qampa chaynallataq miraynikikunapaqpas wiña-wiñaypaq Diosnikichik kanaypaq.

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

2~Samuel 23:5

Mirayniykunapas Diospim allin hapipasqa kachkan; paymi ñoqawan wiñaypaq pactota ruwarqa, allin terminonpi hinaspa allin ruwasqata. Payqa salvaykuwaspam tukuy munasqayta ruwanqa.

2~Samuel 7:29

Kunanyá kay serviqnikipa mirayninta bendeciykuy qampa qayllaykipi wiñaypaq takyananpaq. Dios Taytalláy qanmi prometewarqanki, bendicionnikiwanmi kay serviqnikipa mirayninkuna wiñaypaq bendecisqa kanqaku, nispa.

2~Crónicas 6:42

Dios Taytalláy, akllakusqayki reytaqa amayá qepanchaychu, Serviqniki Davidpaq kuyapayakuynikitayá yuyariy, nispa.

Éxodo 15:26

Tayta Diosmi nirqa: Ñoqaqa Tayta Diosmi kani, sichu ñawpaqniypi allin kaqkunata ruwaspa kamachikuyniykunata uyariptikiqa chaynataq decretoykunatapas kasukuptikiqa, Egipto runakunaman apachisqay mayqannin onqoykunatapas manam apachimusqaykichu. Ñoqaqa hampiqniki Diosmi kani, nispa.

Proverbios 4:20

Churilláy, rimapayasqaykunata uyariy, yachachikuyniykunata sumaqta uyariy,

Proverbios 7:2

Kamachikuyniykunata kasukuy, yachachikuyniykunata ñawi ruruykita hina waqaychay, hinaspaqa kawsankim.

Isaías 51:4

Llaqtalláy chaylla uyariway, runaykuna allinta uyariwaychik: Yachachikuykunam ñoqamanta lloqsimunqa, kamachikuyniymi runakunata kancharinqa.

Isaías 54:10

Orqokuna suchuruptinpas, moqokuna maymi kasqanmanta asuriptinpas, kuyakuyniymi ichaqa qanmanta mana rakikunqachu, hawka kanapaq pacto ruwasqaypas manam tukunqachu. Llakipayasuqniki Tayta Diosmi chaynata nin.

Isaías 54:8

Pisi piñakuyniypim ratollapaq qanmanta pakakururqani, ichaqa wiñaypaq kuyakuyniywanmi llakipayarqayki”. Librasuqniki Tayta Diosmi chaynata nin.

Isaías 61:8

Ñoqa Tayta Diosqa allin ruwaytam kuyani, suwakuytawan mana allin ruwaykunatam ichaqa cheqnini. Hapipakunaykichik kasqayraykum imam kaqta pagapusqaykichik, hinaspaymi qamkunawan wiñaypaq pactota ruwasaq.

Jeremías 30:9

Aswanqa ñoqa Tayta Diostawan reyninkupaq churasqay Davidtañam serviwanqaku.

Jeremías 32:40

Paykunawanmi wiñaypaq pactota ruwasaq, hinaspaymi prometekusaq tukuy tiempo allinllata ruwanaypaq. Sonqonkumanmi manchakuyta churasaq, ñoqamanta mana haykapipas rakikuwanankupaq.

Jeremías 33:26

Chaynaqa, Jacobpa mirayninku-natawan serviqniy Davidpa mirayninkunataqa manam haykapipas qepanchakusaqchu. Paykunamantam hatarichisaq Abrahampa, Isaacpa hinaspa Jacobpa mirayninkunapi munaychakuqta. Huklaw nacionkunaman preso apasqakunatapas, llakipayarispaymi kutichimusaq, nispa.

Jeremías 38:20

Hinaptinmi Jeremías nirqa: Judá runakunamanqa manam entre-gasunkichu. Tayta Diospa nisqanta ka-sukuspaqa allinmi kanki, vidaykitapas librankim.

Jeremías 50:5

Sión llaqtaman maynin chayanankutam tapukunqaku, hinaspam chay llaqta lawman qawarispanku ninqaku: “Tayta Diospaman hakuchik, mana haykapipas qonqanapaq wiñaypaq pactota ruwaspa payman hukllawakamusunchik”, nispanku.

Ezequiel 16:60

Ñoqam ichaqa warma kaptikiraq pacto ruwasqayta yuyarisaq, hinaspaymi wiñaypaq pactota qanwan ruwasaq.

Ezequiel 34:24

Ñoqa Tayta Diosmi paykunapa Diosnin kasaq, serviqniy Davidñataqmi kamachiqninku kanqa. Ñoqa Tayta Diosmi chaynata nini.

Ezequiel 34:25

Ovejaykunawanmi hawkaña kawsakunankupaq huk pactota ruwasaq. Mikukuq purun animalkunata nacionninkumanta chinkarachiptiymi chunniqpipas hawkaña kawsakunqaku, montekunapipas hawkañam puñukunqaku.

Ezequiel 37:26

Hawka kawsakunankupaqmi pay-kunawan pactota ruwasaq. Chay pactoqa wiñaypaqmi kanqa. Paykunata anchallataña mirachispaymi temploytapas chawpinkupi wiñaypaq churasaq.

Levítico 18:5

Chaynaqa, kamachikuyniykunatawan decretoykunata kasukuychik. Pipas chaykunata ruwayman churaqqa kawsanqam. Ñoqa Tayta Diosmi chaynata nini.

Amós 5:4

Tayta Diosmi Israel nacionta nin: Maskawaychik hinaspaqa kawsankichikmi.

Amós 5:6

Tayta Diosman kutirikamuychik kawsanaykichikpaq. Yanqañataq nina hina wichiykamuspay Joseypa mirayninkunata ruparuyman, Bet-elpi manaña pipas wañuchiy atinankama.

Mateo 11:28

Haykam pisipasqakuna hinaspa ñakariqkuna ñoqaman hamuychik, ñoqapim samayta tarinkichik.

Mateo 13:16

Qamkunaqa mayna kusisqam kan-kichik, ñawikichik qawakusqanwan chaynataq rinrikichik uyarikusqanwan.

Mateo 17:5

Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa: Paymi kuyasqay Churiy, payraykum kusisqa kachkani. Payta uyariychik, nispa.

Juan 10:27

Ovejaykunaqa simiytam uyarin, ñoqapas paykunataqa reqsinim, chaymi paykunaqa qatiwanku.

Juan 6:37

Taytapa qowasqankunaqa llapallanmi ñoqaman hamunqa, ñoqaman hamuqtaqa manam qarqonichu.

Juan 7:37

Fiestapa tukupaynin punchawqa hatun punchawmi karqa. Chaypim Jesús sayaykuspan kaynata qaparirqa: Pipas yakunayachikuqqa ñoqaman hamuspa tomachun.

Juan 8:47

Diospaq kaqkunaqa Diospa nisqankunatam uyarin, qamkunam ichaqa mana Diospa kasqaykichikrayku mana uyarinkichikchu, nispa.

Hechos 13:34

Diosmi Jesuspa cuerponta mana ismurunanpaq kawsarichimunanmanta nirqaña. “Qamkunamanmi qosqaykichik Davidman prometesqay cheqap kuyakuyniykunata”, nispa.

Romanos 10:5

Leynintakama mana huchayuqpaqña Diospa chaskisqan kananchikmantaqa Moisespas ñam kaynata nirqaña: Pipas leyninta cumpliqqa, chaywanmi kawsanqa, nispa.

Hebreos 13:20

Hawkayay qokuq Diosyá, yawar-ninwan wiñaypaq musoq pactota ruwaq otaq ovejakunapa hatun michiqnin Señorninchik Jesucristo kawsarichiq Diosyá