Isaías 54:4 - CHUYA QELLQA La Biblia en Quechua de Ayacucho 2012

⁴ Ama manchakuychu, manam penqaypichu kanki, ama pinqakuychu manam kamisqachu kanki; warma kaspa penqaypi kasqaykitapas qonqankiñam, viuda kaspayki kamisqa kasqaykitapas manam yuyarinkiñachu.

Quechua Ayacucho Bible 1987

⁴ Manam penqachisqachu kanki. Chaynaqa amayá manchakuychu. Manam humillasqachu kanki. Penqaypi kaytaqa amayá manchakuychu. Qonqankim sipas kaynikipi penqakusqaykita. Manañam yuyarinkichu viuda kaspayki kamisqa kasqaykita.

Chuya Qellqa 1992

⁴ Ama manchakuychu, manam penqaypichu kanki, ama pinqakuychu manam kamisqachu kanki; warma kaspa penqaypi kasqaykitapas qonqankiñam, viuda kaspayki kamisqa kasqaykitapas manam yuyarinkiñachu.

Isaías 54:4 Iomraidhean Croise

Jobwan Sutichasqa Libro 11:16

Ñakariynikitapas qonqarunkim, yuyarispapas yuyarinki pasaruq yakuta hinallam.

Isaías 25:8

Tayta Diosmi wañuyta wiñaypaq chinkachinqa, lliw runapa weqentam pichanqa, llaqtanpa penqaypi kasqantam kay pachamanta chinkachinqa. Tayta Diosmi chaynata nin.

Isaías 29:22

Chayraykum Abrahamta libraq Tayta Diosqa Jacobpa mirayninta kaynata nin: Kunanmanta hamuq punchawkunapiqa Jacobpa mirayninkunaqa manañam penqakuypaqchu kanqaku, nitaqmi ayayasqa uyayuqchu kanqaku,

Isaías 4:1

Chay tiempopim qarikuna asllaña qepanqaku, hinaptinmi qanchis warmikuna chullalla qarita qechunakuspa ninqaku: “Ñoqaykum mikunaykutapas maskakusaqku hinaspa pachaykutapas ruwakusaqku, qosaykuñayá kaykuy sutikita apanaykupaq, chaynapi amaña penqaypi kanaykupaq”, nispanku.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Isaías 50:7

Tayta Diosmi yanapaqniyqa, imataña niwaptinkupas manam manchakusaqchu; chaymi qaqa hina sayani, manam penqaypiqa tarikusaqchu.

Isaías 51:7

Allin ruwayta yachaqkuna, yachachikuyniyta sonqoykichikpi hatalliqkuna uyariwaychik: Runakuna kamisuptikichikpas ama hukmanyaychikchu, usuchisuptikichikpas ama llakikuychikchu.

Isaías 54:14

Allinkuna ruwasqaykim kallpanchasunki, ñakariymantapas karupim tarikunki, manchakuypas manañam hukmanyachisunkiñachu.

Isaías 61:7

Hatun penqaypi kasqaykichikpa rantinpim, usuchisqa kasqaykichikpa rantinpim, herenciaykichikpiña kusikuymanta qaparinkichik; chayraykum allpaykichikpi achka-achka kapuqniyuq kankichik, hinaspam wiñaypaq kusikunkichik.

Isaías 65:16

Pipas kay nacionpi bendicionta mañakuspanqa cheqap Diosmantam mañakunqa, pipas kay allpapi juraspaqa hapipakunapaq Diosraykum juranqa. Ñawpaq ñakariykunaqa qonqasqañam kanqa, qayllaymanta chinkachisqañam kanqa.

Jeremías 31:19

Qanmantam rakikururqani, ichaqa wanakunim; huchaykunatam reqsikuni, qasqoytam takakuni; joven kayniypi huchaykunamantam penqakuspay uchuychakuni”, nispa.

Lamentaciones 1:1

¡Ay, Jerusalén llaqtam, achkallaña runayuq llaqtam, sapallanña qeparun! ¡Nacionkunapa ancha reqsisqan llaqtam, viuda hinaña rikurirun! ¡Nacionkunapi munaychakuq llaqtam, esclavoña rikurirun!

Ezequiel 16:22

Qamqa millakuypaq kaqkunata ruwaspam chaynataq hukwan-hukwan qanrakuspam imaynam wawa kaspayki qalalla kasqaykitawan yawarnikipi qochpasqaykitapas manaña yuyankiñachu.

Ezequiel 16:43

Qanmi sipas kaspa imaynam kasqaykita qonqarurqanki, hinaspam tukuy chay mana allinkunata ruwaspa piñachiwarqanki; chayraykum imaynam kawsasqaykimanta castigasqayki. Ñoqa Tayta Diosmi chaynata nini.

Ezequiel 36:15

Manañam huklaw nacionniyuq-kunapa kamikuynintawan tratakuynintaqa uyarichisqaykichikñachu. Nacionnikichikpi wawa-churikunatapas manañam wañuchinkichikñachu. Ñoqa Tayta Diosmi chaynata nini.

Joel 2:21

Allpapi yachaqkuna, ama manchakuspa anchata kusikuychik, Tayta Diosmi hatun kaqkunata ruwanqa.

Sofonías 3:11

Kuyasqay llaqtalláy, chay punchawpiqa manañam penqakunkiñachu mana allinkunata ruwaspa contraypi hatarisqaykimantapas, pay tukuqkunatawan hatun tukuqkunata chawpikimanta chinkarachisqayrayku. Chaynapim sapaqchakusqay orqopiqa manaña haykapipas mastaqa contraypi hatarinkiñachu.

Zacarías 10:6

Judapa mirayninkunatam kallpanchasaq, Joseypa mirayninkunatam salvaykusaq, llakipayasqayraykum paykunata allpankuman kutichimusaq, mana haykapipas qepanchasqay hinam kanqaku. Ñoqa Tayta Dios, Diosninku kasqayraykum mañakuyninkutapas uyariykusaq.

1~Pedro 2:6

Chayraykum Qellqapas kaynata nin: “Ñoqam Sión moqopi cimientopaq churani kuyayllapaq suni takyaq akllasqa esquina rumita, pipas chay rumipi hapipakuqqa manam penqaypichu kanqa”, nispa.