Isaías 54:3 - CHUYA QELLQA La Biblia en Quechua de Ayacucho 2012

³ Alleqmanpas ichoqmanpas mastarikunkim, miraynikikunam achka nacionta hapikuykunqaku, purmachisqa llaqtakunapim yachakunqaku.

Quechua Ayacucho Bible 1987

³ *f**Alleq lawnikimanmi mastarikunki. *f**Ichoq lawnikimanmi mastarikunki. Miraynikikunam dueñochakunqa achka nacionta. Runakunawanmi huntachinqa tuñichisqa llaqtakunata.

Chuya Qellqa 1992

³ Alleqmanpas ichoqmanpas mastarikunkim, miraynikikunam achka nacionta hapikuykunqaku, purmachisqa llaqtakunapim yachakunqaku.

Isaías 54:3 Iomraidhean Croise

Génesis 26:22

Chaynapim Isaacqa huklawman anchurikuspan chaypipas huk pozota uchkuchirqa, chaypim ichaqa manaña piñanakurqañachu. Chaymi “Hawkayay pozowan” suticharqa, hinaspam nirqa: Kunanqa Diosmi bendeciykuwanchik kay allpapi achkayananchikpaq, nispa.

Génesis 28:14

Chaymi miraynikikuna kanqa ñutu allpa hina mana yupay atina. Paykunam cheqenqa tukuy hinastinman, qamrayku hinaspa miraynikiraykum kay pachapi llapallan ayllukuna bendecisqa kanqa.

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

Isaías 14:1

Tayta Diosmi Jacobpa mirayninkunamanta llakipayarikunqa, Israel runakunata yapamanta akllaykuspanmi allpankupi kawsachinqa. Huklaw nacionmanta kaqkunam Jacobpa castankunaman hukllawakunqa.

Isaías 14:2

Achka nacionkunam Israelpa mirayninkunata chaskispanku nacionninkuman riysinqaku. Israelpa mirayninkunañataqmi chay runakunata warmitapas qaritapas criadonkupaqña hapikuykunqaku, chaynaqa kanqaku Tayta Diospa qosqan allpapim. Presochaqninkutam preso-chanqaku, ñakarichiqninkunapim mu-naychakunqaku.

Isaías 26:15

Qanmi nacionpi runakunata mirarachinki, alabasqa kanaykipaqmi mirarachinki, allpakunapa linderonkunatam hatunyarachinki.

Isaías 45:14

Tayta Diosmi kaynata nin: Egipto allpapi qespiq kawsaykunapas, Etiopía nacionpa kapuqninkunapas, Sabá llaqtayuq hatunkaray runakunapas, qampañam kanqaku. Qepaykitam cadenasqa rinqaku, ñawpaqnikipim qonqorakuspanku mañakusunki: “Cheqaptapunipas Diosmi qanwan kachkan, paymanta sapaq Diosqa manam kanchu”, nispanku.

Isaías 48:19

Miraynikikunapas manaña yupay atinam kanman karqa, lamar qochapi aqo hinañam kanman karqa, sutinpas manam chinkachisqachu kanman karqa, qayllaymantapas manam chinkachisqachu kanman karqa.

Isaías 49:12

Qawariychik, karukunamantaraqmi hamuchkanku: Wakinmi norte lawmanta, wakinmi intipa seqaykunan lawmanta, wakinkunañataqmi Sinim lawmanta.

Isaías 49:8

Tayta Diosmi kaynata nin: Allin punchawkuna kachkaptillanraqmi uyariykuyki, salvanay punchawpim yanapaykuyki. Waqaychaspaymi llaqtakunawan qamnintakama pactota ruwanaypaq churasqayki, chaynapi tuñisqa llaqtakunata hatarichinaykipaq, purmachisqa allpakunata hapispa rakinaykipaq,

Isaías 52:9

Jerusalén llaqtapa tuñichisqa perqankuna kusikuymanta qapariychik, Tayta Diosmi llaqtanta llakipayariykun, Jerusalén llaqtatam libraykun.

Isaías 53:10

Tayta Diosmi sinchi nanaywan ñakarichirqa, huchanchikkunaraykum vidanta ofrendata hina wañuyman churaykurqa, ichaqa unay watakunam kawsakunqa, mirayninkunatam rikunqa, Tayta Diosmi paynintakama munasqanta ruwanqa.

Isaías 55:5

Qamqa mana reqsisqayki runakunatam qayanki, mana reqsisuqniki runakunam qanman kallpamusunki; chaynataqa ruwanqaku ñoqa Diosniki, Israelpa Chuya Diosnin, qamta hatunchasqayraykum.

Daniel 7:27

Kay pachapi gobiernokunapa munaychakuyninpas, atiyninkupas, hatun kayninkupas tukuy imapa hawanpi munaychakuq Diospa llaqtanmanmi qosqa kanqa, munaychakuyninqa wiña-wiñaypaqmi takyanqa, chaymi llapallan llaqtakuna payllataña servispanku kasukunqaku, nispa.

Romanos 10:18

Ichaqa ñoqam tapukuni: ¿Manachu willakuytaqa uyarirqaku? ¡Paykunaqa uyarirqakupunim! Chuya Qellqapim kaynata nin: “Lliw kay pachamanmi willakuyninkuqa chayarqa, palabrankunañataqmi kay pachapa patankama chayarqa”, nispa.

Romanos 11:12

Chaynaqa, judiokunapa pantayman wichisqanku llapa runakunapa allinninpaq hinaspa mana judiokunapa allinninpaq kachkaptinqa, ¡mayna allinraq kanqa judiokuna Diosman huktawan kutirikuyninkuqa!

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.