Isaías 53:7 - CHUYA QELLQA La Biblia en Quechua de Ayacucho 2012

⁷ Ñakarichiptinkupas uchuychakuykuspam mana kutipakurqachu, nakanapaq carnerota hinam wañuchinankuman aparqaku, millwan rutuchikuq oveja hinam ñakarichiqninkunapa qayllanpi simillanta wichqaykuspan mana imatapas rimarirqachu.

Quechua Ayacucho Bible 1987

⁷ Ñakarichispa humillachiptinkum mana rimarirqachu. Nakanankupaq carnerota hina pusaptinkum mana rimarirqachu. Imaynam oveja kanman millwan rutuqninpa qayllanpi upallalla, chaynam paypas karqa ñakarichiqninkunapa qayllanpi upallalla.

Chuya Qellqa 1992

⁷ Ñakarichiptinkupas uchuychakuykuspam mana kutipakurqachu, nakanapaq carnerota hinam wañuchinankuman aparqaku, millwan rutuchikuq oveja hinam ñakarichiqninkunapa qayllanpi simillanta wichqaykuspan mana imatapas rimarirqachu.

Isaías 53:7 Iomraidhean Croise

Isaías 50:6

Wasaytam azoteqkunaman qorqani, barbayta chutapaptinkupas manam kutichikurqanichu, cheqniwaspa toqawaqniykunamantapas manam uyayta asurichirqanichu.

Isaías 53:6

Ovejakuna hinam chinkarurqanchik, sapakamam munasqanchikman pasakurqanchik, ichaqa Tayta Diosmi huchanchikta payman qepiykachirqa.

Jeremías 11:19

Nakanankupaq pusasqanku manso carnero hinam ñoqaqa karqani. Manam yachakurqanichu contraypi kayna rimanakusqankutaqa: Ruruchkaq sachata hinayá kuchurusunchik, kay pachapi kaqkunamantayá chinkarachisunchik, paymanta manaña pipas yuyarinankupaq, nispa.

Mateo 26:63

Jesusmi ichaqa upallalla karqa. Chaymi sumo sacerdote nirqa: Kawsaq Diospa sutinpim tapuyki: ¿Qamchu Diospa Churin Cristo kanki? nispa.

Marcos 14:61

Jesusmi ichaqa mana imatapas rimarispan upallalla karqa. Hinaptinmi sumo sacerdote huktawan tapurqa: ¿Qamchu kachkanki Diospa Churin Cristo? nispa.

Marcos 15:5

Jesusmi ichaqa mana imatapas rimarirqachu, chaymi Pilatoqa hukman-yarurqaraq.

Lucas 23:9

Herodesmi achka tapukuykunata tapurqa, Jesusmi ichaqa mana imatapas rimarirqachu.

Juan 1:29

Juanmi paqarinnintin punchaw rikururqa Jesusta paypa lawman hamuchkaqta, hinaspanmi nirqa: Qawaychik, paymi llapa runakunapa huchanta mayllaq Diospa Corderonqa.

Juan 19:9

Palacioman kutichispanmi Jesusta tapurqa: ¿Maymantataq kanki? nispan. Jesusñataqmi mana imatapas rimarirqachu.

1~Pedro 2:23

Insul-taptinkupas manam kutipakurqachu, ñakarichiptinkupas manam amenazarqachu, payqa mana piman sayapakuspa allin arreglo ruwaq Diospa makinmanmi churaykurqa.

Apocalipsis 5:6

Hinaptinmi Diospa trononpa chawpinpi hinaspa tawa kawsaqkunapa chawpinpi chaynataq ancianokunapa chawpinpi rikurqani huk Cordero sayachkaqta, payqa maqapasqa hinam kasqa. Chay Corderoqa kasqa qanchis waqrayuqmi hinaspa qanchis ñawiyuqmi. Chay ñawinkunaqa tukuy kay pachaman kachasqa Diospa qanchis espiritunkunam.