Isaías 53:5 - CHUYA QELLQA La Biblia en Quechua de Ayacucho 2012

⁵ Mana kasukusqanchikmantam tuksipasqa karqa, huchanchikkunaraykum chamchapasqa karqa, hawkayayta qowananchikpaqmi ñakarichisqa karqa, heridasqa kasqanwanmi hampisqa karqanchik.

Quechua Ayacucho Bible 1987

⁵ Aswanqa tuksipasqam karqa mana kasukusqanchikkunarayku. Aswanqa qoyuy-qoyuymi karqa mana allinkuna rurasqanchikrayku. Hawkayaypi kananchikpaqmi castigasqa karqa. Sanoyasqa kananchikpaqmi heridasqa karqa.

Chuya Qellqa 1992

⁵ Mana kasukusqanchikmantam tuksipasqa karqa, huchanchikkunaraykum chamchapasqa karqa, hawkayayta qowananchikpaqmi ñakarichisqa karqa, heridasqa kasqanwanmi hampisqa karqanchik.

Isaías 53:5 Iomraidhean Croise

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Jobwan Sutichasqa Libro 33:24

chay runamanta llakipayarikuspanyá Diosta kaynata nichun: “Wañuymanta libraykuy, payqa tarirunñam salvaqninta”, nispa.

Proverbios 20:30

Azotepa nanayninqa mana allin runatam hampin, castigoqa runapa sonqontam chuyanchan.

Isaías 40:2

Jerusalenpi runaykunata kuyakuywan rimapayaychik, huchankuta Tayta Dios pampachasqantaña, huchankurayku criado kaspa ñakariyninku tukurusqantaña, qaparispa paykunaman willaychik.

Isaías 57:18

Imaynam kawsasqantam qawarqani, chaywanpas hampispaymi payta michisaq, paytaqa ñoqam hawkayachisaq, llakinkunamantam consuelasaq.

Isaías 6:7

Chaywan simiyta tupaykachispanmi niwarqa: Kunanmi simikita kay sansa tupaykun, mana allinkuna ruwasqaykitam qechurun, huchaykikunapas pampachasqañam, nispa.

Daniel 9:24

Qanchis chunka semanam tanteasqa kachkan nacionnikipaqpas chaynataq chuya llaqtaykipaqpas, mana kasukuyninkuwan huchallikuyninkupas tukunanpaq, huchapas puchukachisqa kananpaq, mana allin ruwayta pampachananpaq; allin ruwayta wiñaypaq takyachinanpaq, visionpas profeciapas cumplikunanpaq, Chuyay-chuyay lugarpas Diosllapaqña sapaqchasqa kananpaq.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Mateo 20:28

Chaynam runapa Churinpas, manam servichikunanpaqchu hamurqa, aswanqa servispan runakunapa rantinpi vidanta qonanpaqmi, nispan.

Romanos 4:25

Diospa munasqanman hinam Jesusqa huchanchikrayku wañuspan kawsarimurqa, chaynapi Diospa mana huchayuqpaqña chaskisqan kananchikpaq.

1~Corintios 15:3

Tukuymanta llalliqtaqa chaskisqayman hinam yachachirqaykichik: Qellqapa nisqanman hinam Cristoqa huchanchikkunarayku wañurqa.

2~Corintios 5:21

Cristoqa manam huchallikurqachu, ichaqa ñoqanchikraykum huchanchikkunata Dios qepiykachirqa, chaynapi Cristowan huklla kaspanchik Diospa munasqanman hinaña kawsananchikpaq.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Deuteronomio 11:2

Tayta Diospa corregisusqaykichikta reqsikuychik, chaykunataqa manam churikichikkunaqa yachankuchu nitaqmi rikurqakuchu. Tukuy atiyninwan ruwasqankunata hinaspa hatun kaynintayá yuyariychik,

Hebreos 10:10

Jesucristom wiñaypaq huk kutillata cuerponta sacrificiopi ofrecespan Diospa munasqanta ruwarurqa, chaynapim sapaqchasqaña kachkanchik.

Hebreos 10:14

Chaynatam Cristoqa huk kutillata wañusqanwan wiñaypaq haykam Diospaq sapaqchasqa kaqkunata chuyancharun.

Hebreos 5:8

Diospa Churin kachkaspapas ñakarisqankunawanmi kasukuyta yacharqa.

Hebreos 9:28

chaynataqmi Cristopas huk kutillata achkaqpa huchankunata apaspan wañurqa. Huktawan kay pachaman kutimuspanqa manam hucha pampachaqñachu hamunqa, aswanqa suyaqninkunata salvananpaqñam.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.