Isaías 53:12 - CHUYA QELLQA La Biblia en Quechua de Ayacucho 2012

¹² Chayraykum ancha reqsisqakunapa chawpinpi payta churasaq, atiyniyuqkunawanmi guerrapi qechusqanta rakinakunqa. Chaynataqa ruwanqa vidanta wañunankama qoykusqanraykum, huchasapakunawan hukllawasqa kasqanraykum, achkaqpa huchankunata qepikuykusqanraykum huchasapakunapaq mañakusqanraykum.

Quechua Ayacucho Bible 1987

¹² Chayraykum Tayta Dios sitiota payman qonqa. Ancha reqsisqa runakunawan kananpaqmi qonqa. Guerrapi qechusqankutam aypunakunqa. Kallpasapa runakunawanmi aypunakunqa vidanta wañunankama qosqanrayku. Vidantam qorqa wañunankama mana kasukuq runakunaman hukllawasqa kasqanrayku. Achkaqpa huchankunatam qepichkaq hina qechurqa. Mana kasukuqkunapa favorninpim mañakurqa.

Chuya Qellqa 1992

¹² Chayraykum ancha reqsisqakunapa chawpinpi payta churasaq, atiyniyuqkunawanmi guerrapi qechusqanta rakinakunqa. Chaynataqa ruwanqa vidanta wañunankama qoykusqanraykum, huchasapakunawan hukllawasqa kasqanraykum, achkaqpa huchankunata qepikuykusqanraykum huchasapakunapaq mañakusqanraykum.

Isaías 53:12 Iomraidhean Croise

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Jobwan Sutichasqa Libro 30:16

Kawsaytapas manañam munaniñachu, ñakariymi ñoqamanta munaychakurun.

Éxodo 15:9

Enemigom nirqa: “Haypanaykamam qatisaq, qechusqaytam rakinakusaq, chayraqmi saksasqa hina kasaq, espadayta hurqospam chinkarachisaq”, nispa.

Isaías 49:4

Ñoqañataqmi nirqani: “Yanqapaqmi llamkarqani, mana imatapas haypanaypaqmi kallpayta usuchirqani”, nispay. Ichaqa ima ruwasqaypas Tayta Diospa makinpim kachkan, pagoypas paypa makinpim kachkan.

Isaías 52:13

Serviqniyqa ima ruwasqanpipas vencenqam, payqa ancha hatunchasqam kanqa, payqa ancha reqsisqam kanqa, altoman hoqarisqam kanqa.

Isaías 52:15

chaypim achka nacionkunapas hukmanyanqakuraq, reykunapas qawaykuspankum mana ima rimaytapas atinqakuchu, mana haykapipas rikusqankutam rikunqaku, mana haykapipas uyarisqankutam entiendenqaku.

Isaías 53:6

Ovejakuna hinam chinkarurqanchik, sapakamam munasqanchikman pasakurqanchik, ichaqa Tayta Diosmi huchanchikta payman qepiykachirqa.

Isaías 53:8

Yanqamanta tumpaspam sentenciarqaku, manam pipas nanachikurqachu, paymantaqa manam pipas llakikurqachu. Kay pachamantam chinkarachirqaku, llaqtaypa huchanmantam wañurachirqaku.

Daniel 2:45

Qamqa reynilláy, rikurqankim orqomanta huk rumi lloqsiramuspan mana pipas kumpaykamuchkaptillan kururakamuspan fierrota, bronceta, kañasqa mituta, qollqeta hinaspa qoritapas ñutuparusqanta. Hatu-hatun Diosmi qanman hamuq punchawkunapi imam pasananmanta qawachisurqanki, chayraykum chay mosqorusqaykiqa cheqap, chaypa imam ninanpas cheqaptaqmi, nispa.

Mateo 26:42

Huktawan kutispanmi kaynata mañakurqa: Taytalláy, sichum ñakarinay kaptinqa, qampa munasqaykiyá ruwasqa kachun, nispa.

Marcos 15:27

Jesustawan kuskatam iskay suwakunata chakatarurqaku, huknintam alleq lawninpi, huknintañataq ichoq lawninpi.

Marcos 15:28

[Chaynapim Qellqapa kayna nisqan cumplikurqa: Huchasapakunawan hukllawasqam karqa], nispa.

Lucas 22:37

Nikichikmi, Qellqapa nisqanmi ñoqapi cumplikunan, chaypim nin: “Mana allin runakunawan yupasqam karqa”, nispa. Ñoqamanta qellqasqa kaqkunaqa cumplikunanpunim, nispa.

Lucas 23:25

Hinaspam mañakusqankuman hina Romapa contranpi llapa runakunata hatarichisqanmanta hinaspa runa wañuchisqanmanta carcelpi kaq Barra-basta kachaykurqa, Jesustañataqmi munasqankuta ruwanankupaq paykunaman entregaykurqa.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

Romanos 8:34

¿Pitaq condenawachwanchik? Cristom wañuspan kawsarimurqa, hinaspam Diospa alleq lawninpi kaspan ñoqanchikpaq mañakuchkan.

2~Corintios 5:21

Cristoqa manam huchallikurqachu, ichaqa ñoqanchikraykum huchanchikkunata Dios qepiykachirqa, chaynapi Cristowan huklla kaspanchik Diospa munasqanman hinaña kawsananchikpaq.

Filipenses 2:17

Diospi iñisqaykichikwanmi ofrenda hina ofrecekurqankichik, chay ofrendaman completanaypaq wañunay kaptinpas, chaytaqa kusikuywanmi ruwasaq, hinaspam llapallaykichikwan kusikusaq.

Colosenses 2:15

Diosmi llapallanpa qayllanpi Jesucristontakama cruzpi vencespan, mana allin espiritupi atiyniyuqkunatawan, munayniyuqkunata penqayman churarun.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Hebreos 12:2

Jesusta qawaspayá kallpasunchik, paymantam iñiyninchikqa hamurqa paytaqmi qespichiwaqninchikpas. Jesusmi penqakuytapas qepaman churaykuspan cruzpi ñakarirqa, chaypa qepanta kusikuy kananta yachaspanmi, Diospa alleq lawninpi tiyaykurqa.

Hebreos 7:25

Chayraykum pipas paynin-takama Diosman asuykuqkunataqa wiñaypaq salvanman. Jesusqa wiñay-paqmi kawsachkan, paykunapaq Diosta mañakunanpaq.

Hebreos 9:24

Cristoqa manam runakunapa ruwasqan santuariomanchu yaykurqa. Moisespa ruwasqan chay sitioqa hanaq pachapi cheqap santuarioman rikchakuqllam karqa. Cristoqa hanaq pachamanpunim yaykurun, chaypim ñoqanchikrayku Diospa qayllanpi mañapuwachkanchik kachkan.

Hebreos 9:26

Chayna kanan kaptinqa kay pacha unanchasqa kasqanmantachiki Cristoqa achka kutita ñakarinman karqa. Kunanqa tiempokuna cumplikuruptinmi rikuriramuspa Cristoqa kikillanmanta huk kutillata wañurqa huchakunata chinkachinanpaq.

Hebreos 9:28

chaynataqmi Cristopas huk kutillata achkaqpa huchankunata apaspan wañurqa. Huktawan kay pachaman kutimuspanqa manam hucha pampachaqñachu hamunqa, aswanqa suyaqninkunata salvananpaqñam.

1~Juan 2:1

Kuyasqay churillaykuna, mana huchallikunaykichikpaqmi kaykunata qellqamuykichik. Sichum pipas huchallikuruptinqa Dios Taytanchikpa qayllanpi rimarinanpaqmi abogadonchik Jesucristo kapuwachkanchik.

1~Juan 2:12

Churillaykuna, qamkunamanmi qellqamuykichik Jesucristopa sutinpi huchaykichikkunata Dios pampachas-qanrayku.