Isaías 52:9 - CHUYA QELLQA La Biblia en Quechua de Ayacucho 2012

⁹ Jerusalén llaqtapa tuñichisqa perqankuna kusikuymanta qapariychik, Tayta Diosmi llaqtanta llakipayariykun, Jerusalén llaqtatam libraykun.

Quechua Ayacucho Bible 1987

⁹ Kusikuyllawanñayá llapallaykichik qapariychik. Jerusalen llaqtapi tuñichisqa sitiokuna, qapariychik. Runankunatam Tayta Dios llakipayaykurqa. Jerusalen llaqtatam payqa reclamaykurqa.

Chuya Qellqa 1992

⁹ Jerusalén llaqtapa tuñichisqa perqankuna kusikuymanta qapariychik, Tayta Diosmi llaqtanta llakipayariykun, Jerusalén llaqtatam libraykun.

Isaías 52:9 Iomraidhean Croise

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 14:7

Kunanqa kay pachapas hawkañam kachkan, kusikuymantam takichkan.

Isaías 40:1

Yupaychasqaykichik Tayta Diosmi kaynata nin: Llaqtayta consuelaychik, runaykunata kallpanchaychik.

Isaías 43:1

Jacobpa miraynin Israel llaqta, unanchaqniki Tayta Diosmi kaynata nisunki: Ama manchakuychu, ñoqam libramurqayki sutikimantam qayamurqayki, qamqa ñoqapam kanki.

Isaías 44:22

Ñoqam mana kasukuynikikunata puyuta hina chinkarachini, lliw huchaykikunatam sullata hina waspirachini. Ñoqaman kutirikamuway, reclamaqnikim kani.

Isaías 44:23

Tayta Diospa tukuy kaykuna ruwasqanmanta, hanaq pacha kusikuymanta takiy; uku pacha qapariy; orqokuna kusikuymanta qapariychik, chaypi kaq sachakunapas kusikuymanta takiychik. Jacobpa miraynin Israel llaqtata Tayta Dios reclamasqanmanta chaynata ruwaychik. Israel llaqtanpim payqa hatunchakun.

Isaías 44:26

Serviqniykunapa rimasqantam ichaqa cumplichini, kachasqaykunapa willakuyninkutapas allintam qespichini, chaymi ima ruwayninkupas allin lloqsin. Jerusalentam nini: Llaqtayankim nispay; Judatañataqmi nini: Kaqllamantam hatarichisqa kanki, tuñichisqa perqaykikunatam musoqmanta hatarichisaq, nispay.

Isaías 48:20

Babilonia llaqtamanta lloqsiychik, Caldea nacionpa chawpinmanta ayqeychik, kusikuywan qaparispa willakamuychik, kay pachapa tukupayninkama kaynata uyarichimuychik: “Tayta Diosmi serviqnin Jacobta libraykun”, nispa.

Isaías 49:13

¡Cielokuna, kusikuymanta qapariychik! ¡Allpa pacha, anchata kusikuy! ¡Orqokuna, kusikuymanta takiychik! Tayta Diosmi llaqtanta consuelaykun, ñakariypi kachkaptinkum kuyapayariykun.

Isaías 51:12

Tayta Diosmi kaynata nin: Ñoqam kallpanchaqniki kani, ¿imanasqataq runakunata manchakunki? ¿Imanasqataq qora hina chakiruqlla runakunata manchakunki?

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Isaías 55:12

Qamkunaqa kusikuywanmi lloqsimunkichik, hawkallam kutimunkichik. Orqokunawan moqokunam qayllaykichikpi takispa qaparinqaku, llapa sachakunam kusikuymanta taqllakunqaku.

Isaías 61:4

Ñawpaqmantaraq tuñichisqa llaqtakunatam musoqmanta hatarichinqaku, ñawpaq watakunapi purmachisqakunatam musoqmanta tiyarichinqaku, ñawpaq miraykunapa purmachisqankunatam musoqyachinqaku.

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Miqueas 4:10

Sión llaqtapi yachaqkuna, wachakuq warmi hinayá qewipakuychik, kunanqa llaqtamanta lloqsispam purunkunapiña yachankichik. Babilonia nacionkama chayaruspam chaypiña librasqa kankichik, chaypiñam enemigoykikunapa makinmanta Tayta Dios librasunkichik.

Gálatas 4:27

Chuya Qellqapim kaynata nin: “¡Yaw, mana wachakuq qolluq warmi, kusikuymanta qapariy! ¡Yaw, mana wachakuy reqsiq warmi, kusikuymanta qapariy! Qosanpa saqesqan warmiraqmi wawasapapas kanqa, qosanwan kuska kaq warmimantaqa”, nispa.