Isaías 52:8 - CHUYA QELLQA La Biblia en Quechua de Ayacucho 2012

⁸ Uyariychik, llaqta waqaychaqkunam qaparichkanku, kusikuymantam chulla runa hinalla qaparichkanku, Sión llaqtaman Tayta Diospa kutimusqanta kikinkupuni qawaspankum qaparichkanku.

Quechua Ayacucho Bible 1987

⁸ Uyariychik, llaqta cuidaqkunam qaparichkanku. Kusikuymantam chulla runa hinalla qaparichkanku. Qaparichkankuqa ñawinkuwanpuni rikuspankum, Sion Moqopi llaqtaman Tayta Dios kutimusqanta qawaspankum.

Chuya Qellqa 1992

⁸ Uyariychik, llaqta waqaychaqkunam qaparichkanku, kusikuymantam chulla runa hinalla qaparichkanku, Sión llaqtaman Tayta Diospa kutimusqanta kikinkupuni qawaspankum qaparichkanku.

Isaías 52:8 Iomraidhean Croise

Cantares 3:3

Llaqta waqaychaq guardiakunatam tapukurqani: ¿Icha kuyakusqayta rikukullawaqchik karqa? nispay.

Cantares 5:7

Llaqta waqaychaq guardiakunam tariruwaspa maqaparuwaspanku heridaruwarqaku, wankukusqay mantonniytapas qechuruwarqakum.

Isaías 24:14

Chaymanta puchuqkunam kusikuywan qaparispa takinqaku, intipa seqaykunan lawmantaraqmi Tayta Diospa hatu-hatun kayninmanta takinqaku.

Isaías 26:1

Chay tiempopim, Judá nacionpi kay takita takinqaku: Allin takyasqa llaqtam kapuwachkanchik, salvawanakupaqmi perqakunatawan torrekunata Tayta Dios hatarirachin.

Isaías 27:2

Chay punchawpiyá, miskillaña vino qokuq uvas chakramanta takiychik.

Isaías 30:26

Hinaptinmi killapa achkiyninpas intipa achkiynin hinaraq kanqa, chaynataqmi intipas qanchis kuti mastaraq kancharinqa, imaynam qanchis punchawpi kanchayninta hina. Chaynam kanqa runankunapa isunta kikinpa isuchasqanta Tayta Dios wataspan hampisqan punchawpi.

Isaías 35:10

Tayta Diospa librasqankunallam chay ñannintaqa kutimunqaku, kusikuy qapariyllawanñam Sión llaqtaman yaykunqaku, llakikuywan waqakuypas tukunqañam, nispa.

Isaías 40:9

Sionpi yachaqkuna, orqoman qespispa qapariychik; Jerusalenpi yachaqkuna, kay sumaq willakuyta hatunmanta qaparispa willakuychik; ama manchakuspa Judá nacionpi llaqtakunaman kaynata willakuychik: ¡Diosninchikqa kaypim kachkan! nispa.

Isaías 48:20

Babilonia llaqtamanta lloqsiychik, Caldea nacionpa chawpinmanta ayqeychik, kusikuywan qaparispa willakamuychik, kay pachapa tukupayninkama kaynata uyarichimuychik: “Tayta Diosmi serviqnin Jacobta libraykun”, nispa.

Isaías 56:10

Llaqtay nanachikuqkunaqa ñawsakunam, mana imallatapas yachaqkunam, llapallankupas mana rimariq allqokunam, mana anyakuy atiq allqokunam, wischurayaspa puñuywan arwitakuqkunam, puñukuylla kuyaqkunam.

Isaías 58:1

Tayta Diosmi niwarqa: Ama manchakuspa qayaykachakuy, trompeta hina qapariy, mana kasukusqanmanta llaqtanman willay, huchallikusqankumanta Jacobpa mirayninkunaman willay.

Isaías 62:6

Jerusalén llaqta, murallaykipa hawanpim cuidasuqnikikunata churaruni, paykunaqa tuta punchawmi mana upallaykuspa ninqaku: “Tayta Diosta qayakuqkuna ama upallaychikchu,

Jeremías 31:12

Sión moqomanmi kusikuymanta qaparistin hamunqaku, Tayta Diosmi bendecinqa trigowan, vinowan, aceitewan, ovejankuwan hinaspa vacakunawan; chaymi llumpayta kusikunqaku. Paykunaqa parqosqa huerta hinañam kanqaku, manañam ima sasachakuytapas reqsinqakuñachu.

Jeremías 32:39

Paykunatam tukuy tiempo kasuwaspa munasqayman hina kawsaqtaña ruwasaq, chaynataqa ruwasaq paykunapa chaynataq mirayninkunapa allinninkupaqmi.

Jeremías 33:11

Chaywanpas ñoqa Tayta Diosmi kaynata nini: Kaypim kaqmanta uyarikunqa runakunapa kusikuymanta qapariyninwan asiyninku chaynataq casarakuqkunapa fiesta ruwasqankupas, uyarikunqataqmi: ¡Tukuy Atiyniyuq Tayta Diosman graciasta qoychik! Payqa allin ruwaqmi, kuyakuyninpas wiña-wiñaypaqmi, nisqankupas. Templomanmi kuyakuy ofrendankuta apamunqaku. Chaynaqa kanqa huklaw nacionkunaman preso apasqakunata kay allpaman kutichimuptiymi, chaynapim ñawpaq watakunapi hinaraq kanqaku. Ñoqa Tayta Diosmi chaynata nini.

Jeremías 33:7

Judá runakunatawan Israel runakunata preso risqankumanta kutichimuptiymi, ñawpaq tiempokunapi hinaraq kaqllamanta hatarichisqa kanqaku,

Jeremías 6:17

Tayta Diosmi llaqta waqaychaqkunata churaspan runankunata nirqa: Trompeta waqamuptin uyarinaykichikpaqmi uyan-uyanlla kankichik, nispa. Paykunam ichaqa nirqaku: Manam ñoqaykuqa uyarisaqkuchu, nispanku.

Ezequiel 3:17

Runapa churin, qamtam llaqta waqaychaqta hina Israelpa mirayninkunapaq churayki. Imapas qanman nisqaytam ñoqapa rantiypi paykunaman willanki.

Ezequiel 33:7

Runapa churin, qamtam Israelpa mirayninkunata cuidanaykipaq churayki, qanmi uyariwaspayki ñoqapa kamachisqayta paykunaman willanki.

Sofonías 3:9

Chay punchawkunapim ñoqa Tayta Diosta qayakamuwanankupaq runakunapa siminta chuyanchaykusaq, hinaptinmi huk sonqollaña serviwanqaku.

Zacarías 12:8

Chay punchawpim Jerusalenpi yachaqkunata Tayta Dios waqaychanqa; chay tiempopiqa manchati runapas rey David hinam allinnin qari-qari kanqa, rey Davidpa mirayninkunañataqmi Dios hinaraq kanqaku, ñawpaqninkuta riq Tayta Diospa angelnin hinaraqmi kanqaku.

Hechos 2:1

Pentecostés fiesta chayaramuptinmi lliw iñiqkuna huñunasqa kachkarqaku.

Hechos 4:32

Lliw iñiqkunam huk sonqolla kaspanku huk runa hinalla karqaku, manam pipas ima kapuqninkutapas “ñoqallapam” niqkuchu, aswanqa tukuy imankupas lliwchankupaqmi karqa.

1~Corintios 1:10

Wawqe-panillaykuna, Señorninchik Jesucristopa sutinpim ruegakamuykichik, rimaynikichikpas hukllayá kachun, amayá qamkunapiqa rakinakuyqa kachunchu; qamkunaqa huk sonqollayá hinaspa huk piensayniyuqllayá kaychik.

1~Corintios 13:12

Kunanqa espejopi hinam chinka-chinkallata qawachkanchik, ichaqa huk punchawmi imam kaqta rikusunchik. Kunanqa reqsini wakillantam, chay punchawmi ichaqa tukuy imata reqsisaq imaynam ñoqata Dios reqsiwasqanta hina.

Hebreos 13:17

Michiqnikichikta kasukuspa paykunaman sujetakuychik. Paykunam almaykichikmanta nanachikunku, hi-naspam Diosman cuentata qonqaku. Kasukuptikichikqa mana hukmanyaspam kusisqalla pusasunkichik, mana chayqa manam allinnikichikpaqchu kanman.

Apocalipsis 18:20

Hanaq pachapi kaqkunapas kusikuychikyá, Diosllapaqña kawsaqkunapas kusikuychikyá, apostolkunawan profetakunapas kusikuychikyá, chay llaqtata Dios castigasqanmanta kusikuychik. Qamkunapaq allin arreglota Diospa ruwasqanmanta kusikuychik”, nispanku.

Apocalipsis 19:4

Hinaptinmi iskay chunka tawayuq ancianokunapiwan chay tawa kawsaqkuna qonqorakuykuspanku trononpi tiyaq Diosta hatunchaspanku kaynata nirqaku: ¡Amén! ¡Aleluya! nispanku.