Isaías 52:2 - CHUYA QELLQA La Biblia en Quechua de Ayacucho 2012

² ¡Jerusalén llaqta hatariy! ¡Hawaykipi allpata taspikuy! ¡Kamachikunaykipaq tronoykipi tiyay! ¡Presochasqa sipas kaqlla Jerusalén llaqta, ñakarichisuqniki cadenata kunkaykimanta hurqokuy!

Quechua Ayacucho Bible 1987

² Jerusalen llaqta, hatariyña. Hawaykipi allpatayá taspirikuyña. Gobiernanaykipaqyá tiyayña. Presochasqa sipas hina sumaq Jerusalen llaqta, horqokuy presochaqniki kunkaykipi cadenata.

Chuya Qellqa 1992

² ¡Jerusalén llaqta hatariy! ¡Hawaykipi allpata taspikuy! ¡Kamachikunaykipaq tronoykipi tiyay! ¡presochasqa sipas kaqlla Jerusalén llaqta, ñakarichisuqniki cadenata kunkaykimanta hurqokuy!

Isaías 52:2 Iomraidhean Croise

Isaías 10:27

Chay punchawpim wasaykiman llasaq qepi churkususqayki qechusqa kanqa, servichikusunaykipaq matankaykiman yugo churasusqaykipas pakisqam kanqa, qamqa akllakusqay llaqtay kasqaykirayku.

Isaías 14:25

Hina allpaypim Asiria runakunata puchukarachisaq, orqoykunapim paykunata saruparusaq. Yugonkupas manañam llaqtayta ñakarichinqañachu, llasaq qepi churasqankupas manañam llaqtayta ñakarichinqañachu.

Isaías 29:4

Chaynapim allpaman wichichisqa kanki, qamqa allpamantam rimarimunki, qaparimusqaykipas allpa ukumantam uyarikamunqa, rimasqaykipas wachachachay hinam uyarikunqa.

Isaías 3:26

Llaqtapi runakunam waqaspa lutokunqaku, saqesqa warmi hinam allpapi tiyanqaku.

Isaías 49:21

Chaymi sonqoykipi kaynata ninki: “¿Pitaq ñoqapaq kaykunata wachakurqa? Ñoqaqa mana wawayuq qolluqmi karqani, qarqosqa hinaspa preso apasqam karqani. ¿Pitaq kaykunata qespichirqa? Ñoqaqa sapallayñam qeparurqani, ¿maypitaq paykunaqa karqaku?”, nispa.

Isaías 51:14

Ñakarichisqa presokunam chaylla kacharisqa kanqaku, calabozopiqa manam wañunqakuchu, mikunankupas manam pisinqachu.

Isaías 51:23

Aswanqa ñakarichisuqniki nacionkunamanmi chay vasomanta tomachisaq; paykunam nisuq kanki: “Hawaykita purinaykupaq pakchakuy”, nispanku. Chaymi allpata hina sarupasunaykipaq, ñanta hinam wasaykita pampaman churarqanki.

Isaías 60:1

¡Jerusalén llaqta, hatarispa kanchariy! Achkiqnikim chayaramun, Tayta Diospa achkiyninmi kanchariykusunki.

Isaías 61:1

Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa wakchakunaman allin noticiata willakamunaypaq, llakisqakunata consuelamunaypaq, presochasqakunata kacharimunaypaq, carcelpi kaqkunata libramunaypaq,

Isaías 9:4

Qanmi llasaq yugota pakipachkaq hina ñakarichiqninkumanta libraykurqanki, hombronkupi kaspita pakipachkaq hinam ñakarichiqninkuta vencerurqanki. Chaynataqa ruwarqanki Madián llaqtata ruwasqaykita hinam.

Jeremías 51:45

Kuyasqay llaqtalláy, chay nacionmanta lloqsiy, vidaykichikta sapakama libraychik. Tayta Diospa nina hina piñakuyninmanta vidaykichikta lluptichiychik.

Jeremías 51:50

¡Wañuymanta lluptiqkuna, ama sayaykuspa ayqeychik! ¡Karupiña kaspapas, Tayta Diosmanta yuyariychik! ¡Jerusalén llaqtamanta yuyariychik!

Jeremías 51:6

¡Vidaykichikta salvanaykichikpaq Babiloniamanta lluptiychik! ¡Ama paykunapa huchanmanta wañuychikchu! ¡Ñoqa Tayta Diospa vengakunay punchawmi chayaramun! ¡Imam ruwasqankuman hinam pagapusaq!

Ezequiel 34:27

Campopi sachakunapas sumaqllatañam rurunqa, chakrapas achkanpim rurunqa, hinaptinmi paykunaqa chakrankupiña hawka kawsakunqaku. Servichikuqninku nacionkunapa yugo churasqanta pakiruspa libraykuptiymi Tayta Dios kasqayta yachanqaku.

Zacarías 2:6

Tayta Diosmi kaynata nin: ¡Lluptiychik, lluptiychik! norte lawpi yachaqkuna. Ñoqam kay pachapi tukuy hinastinman cheqechirqaykichik. Tayta Diosmi chaynata nin.

Zacarías 2:7

¡Babilonia nacionpi yachaq Sión runakuna chaymanta lloqsispa lluptiychik! Tayta Diosmi chaynata nin.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Lucas 4:18

“Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa, wakchakunaman allin noticiata willakamunaypaq, llakisqa sonqoyuqkunata sanoyachimunaypaq, presokuna kacharisqa kanankupaq willamunaypaq, ñawsakunata ñawinta kichamunaypaq, ñakarichisqakunata libramunaypaq,

Apocalipsis 18:4

Huktawanmi hanaq pachamanta uyarirqani kayna qayakuyta: Kuyasqay runallaykuna, chay llaqtamanta lloqsiychik, paykunapa huchallikuqmasin ama kanaykichikpaq, chaynapi ima ñakariyninkupas ama haypamusunaykichikpaq.