Isaías 52:1 - CHUYA QELLQA La Biblia en Quechua de Ayacucho 2012

¹ ¡Sión llaqta rikchariy! ¡Atiywan pachakuy! ¡Chuyanchasqa Jerusalén llaqta, suma-sumaq pachaykiwan churakuy! Manañam haykapipas mana iñiq huchasapa runakunaqa yaykumusunkiñachu.

Quechua Ayacucho Bible 1987

¹ Sion Moqopi llaqta, rikchariy. Kallpanchakunaykipaqyá rikchariy. Yaw Jerusalen llaqta, sumaqllaña pachaykiwanyá churakuy. Tayta Diospaq sapaqchasqa llaqta, sumaqllaña pachaykiwanyá pachakuy. Dios mana yupaychaq mana señalasqakunaqa manañam yaykumusunkichu yapamantaqa.

Chuya Qellqa 1992

¹ ¡Sión llaqta rikchariy! ¡Atiywan pachakuy! ¡Chuyanchasqa Jerusalén llaqta, suma-sumaq pachaykiwan churakuy! Manañam haykapipas mana iñiq huchasapa runakunaqa yaykumusunkiñachu.

Isaías 52:1 Iomraidhean Croise

1~Crónicas 16:29

Tayta Diosta pim kasqanmanta yupaychaychik, ofrendakunata apamuspa qayllanman hamuychik, Tayta Diosta chuya wasinpi qonqorakuspa yupaychaychik.

Nehemías 11:1

Llapa runakunapa kamachiqninkunam Jerusalén llaqtapiña yacharqaku, wakin runakunañataqmi sortearqaku sapa chunka ayllumanta hukta akllanankupaq, chay akllasqa aylluñataq Jerusalén chuya llaqtapi yachananpaq, wakin puchuq isqon ayllukunañataqmi qeparqaku huklaw llaqtakunapi yachanankupaq.

Éxodo 28:2

Wawqeki Aaronpaqmi suma-sumaq pachata ruwapunki chaynapi ancha reqsisqa kananpaq.

Éxodo 28:40

Aaronpa churinkunapaqpas tunicakunata, chumpikunata, mitrakunatam ruwanki, chaynapi ancha reqsisqa suma-sumaqllaña kanankupaq.

Isaías 1:21

¿Imanasqataq chuchumikayarunki ñoqapi hapipakuq llaqta kachkaspaqa? Ñawpaqtaqa runaykikunapas allin kawsakuqmi karqaku, allin kaqkunallata ruwaspankum paykunaqa sumaqta kawsarqaku, kunanqa runamasinku wañuchiqllañam rikurirunku.

Isaías 1:26

Ñawpaq tiempopi hinam jueznikikunatapas chaynallataq umachasuqnikikunatapas hatarichisaq. Chaymi allinkuna ruwaqwan, hinaspa Diosllapi hapipakuq llaqtawan sutichasqa kanki.

Isaías 26:2

Punkuta kichaychik, allin ruwaq runakuna yaykunanpaq, Tayta Diospi hapipakuq nación pasananpaq.

Isaías 35:8

Chaynintam hatun ñan rinqa, Diospaq sapaqchasqa ñanwanmi sutichanqaku. Huchasapakunaqa manam chaynintaqa purinqachu, mana yuyayniyuqkunaqa manam chaynintaqa purinqachu Diospuni paykunawan kasqanrayku.

Isaías 4:3

Sión llaqtapi puchuqkunatam, Jerusalén llaqtapi qepaqkunatam Diospaq sapaqchasqawan sutichanqaku. Chaynataqa sutichanqaku Jerusalén llaqtapi kawsaqkunamanta listasqakunatam.

Isaías 48:2

“Tayta Diospa sapaqchasqa llaqtanmi kaniku” niqkuna, Israelpa Tukuy Atiyniyuq Diosninpi hapipakuq tukuqkuna, kayta uyariychik:

Isaías 49:18

Muyuriqnikita qawariy, lliw huñunakuruspam qanman hamuchkanku. Ñoqa Tayta Diosmi kikiyrayku jurani, llapallanwanmi alhajawan hina llusikunki, noviapa churakunan alhajakunawan hinam churakunki.

Isaías 51:17

¡Jerusalén llaqta rikchariy, rikcharispa hatariy! Qanmi Tayta Diospa makinmanta piñakuynin copata chaskirunki, sinkanaykikamam upyarunki, tukunaykikamam vasopi kaqta tomarunki.

Isaías 51:9

¡Rikchariy! ¡Tukuy Atiyniyuq Dios Taytalláy, rikchariy! Atiywan pachakuy, ñawpaq watakunapi hina rikchariy, ñawpaq tiempokunapi hina rikchariy. ¿Manachum qamqa lamar qochapi manchakuypaq Rahab sutiyuq animalta tuksiparurqanki?

Isaías 60:1

¡Jerusalén llaqta, hatarispa kanchariy! Achkiqnikim chayaramun, Tayta Diospa achkiyninmi kanchariykusunki.

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Isaías 61:10

Isaiasmi kaynata nirqa: Tayta Diospim llumpayta kusikuni, Diosniypim sonqomanta kusikuni. Salvakunapaq pachawanmi pachaykachiwan, allin ruway capawanmi churaykachiwan, noviota hinam coronaykachiwan, alhajakunawan adornasqa noviata hinam adornaykuwan.

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Isaías 64:10

Akllakusqayki llaqtaykikunam chunnichkan, Sión llaqtapas chunnirunñam, Jerusalén llaqtapas purmarunñam.

Jeremías 31:23

Israelpa yupaychasqan Tukuy Atiy-niyuq Tayta Diosmi nin: Preso apasqa runakunata kutichimuptiymi kay Judá allpapi hinaspa llaqtankunapipas kaqllamanta ninqaku: “Tayta Diosyá bendecichun sapaqchakusqan moqota, allin ruwaypa kanan moqota”, nispanku.

Ezequiel 44:9

Chayraykum ñoqa Tayta Dios kaynata nini: Santuarioymanqa manam sonqonpi hinaspa cuerponpi mana señalasqa huklaw llaqtayuq runaqa yaykunqachu, Israelpa mirayninkunawan yachaq huklaw llaqtayuqkunapas manam yaykunqakuchu.

Daniel 10:9

Rimasqanta uyariruspaymi pampaman qonqoranpa wichiykurqani.

Joel 3:17

Chaynapim yachankichik Dios Taytaykichik kasqayta, hinaspa sapaqchakusqay Sión moqopi yachasqayta. Jerusalenpas chuya llaqtam kanqa, manañam haykapipas huklaw llaqtayuq runakunaqa munaychakunqakuñachu.

Nahúm 1:15

Qawariychik allin willakuy apamuqta, hawkayaymanta willakuy apamuqta, orqokunapa hawanta hamusqanta. Judá nación, fiestaykikunata ruway, prometekusqaykikunata cumpliy, manañam haykapipas mana allin runaqa hamusunkiñachu, pasaypaqtañam chinkarun.

Hageo 2:4

Chaynaqa, Tayta Diosmi nin: “Zoro-babel kallpanchakuy, Josadacpa churin sumo sacerdote Josué qampas kallpanchakuy; kay allpapi llapallan runakuna, qamkunapas kallpanchakuychik hinaspa llamkaychik, ñoqa Tayta Diosmi qamkunawan kachkani”, nispa. Tukuy Atiyniyuq Tayta Diosmi chaynata nin.

Zacarías 3:4

Chay angelñataqmi ñawpaqninpi kaqkunata kaynata kamachirqa: Chay qachallaña pachankunata chustuychik, nispa. Josueytañataqmi nirqa: Pachaykikunata chustuchkaq hinam huchaykikunata mayllaruyki, kunanqa suma-sumaq pachawanñam pachaykachiki, nispa.

Mateo 4:5

Chaymantam diablo aparurqa Jeru-salén chuya llaqtaman, hinaspam templopa hawanpi sayaykachispan

Lucas 15:22

Taytanñataqmi serviqninkunata kamachirqa: “Allinnin pachawan chaylla pachachiychik, dedonmanpas anillota churaspa usutaykachiychik.

Romanos 13:14

Aswanqa Señorninchik Jesucristowan pachallikuychik, aychapa munaynintapas amaña ruwaychikchu.

Romanos 3:22

Jesucristoman iñikuptillanchik-mi Diosqa llapa runakunata mana huchayuqtaña ruwawanchik. Manam imananchu pim kasqanchikpas.

Efesios 4:24

Hinaspayá musoq runawan pachakuychik, Diosman rikchakuq kanaykichikpaq, chayna runatam Diosqa unancharqa cheqaptapuni mana huchallikuq justo kananpaq.

Efesios 5:14

Chayraykum ninku: “¡Yaw puñuq, puñusqaykimanta rikchariy! Wañusqakunamanta kawsarimuy, hinaptinqa Cristom achkiykusunki”, nispanku.

Efesios 6:10

Chaynaqa, wawqe-panillaykuna, Señorninchikpa tukuy atiyninpi kallpanchakuychik.

Apocalipsis 11:2

Ichaqa amam templopa pationtaqa tupumunkichu, chayqa kachkan mana judío kaqkunaman qosqam. Paykunam chay chuya llaqtataqa tawa chunka iskayniyuq killa sarutyaspa munaychakunqaku.

Apocalipsis 19:14

Hanaq pachapi kaq tropakunam qepanta rirqaku yuraq caballokunapi linomanta fino pachayuqkama.

Apocalipsis 19:8

Noviaqa yuraq-yuraq kancharichkaq lino pachawan pachachisqañam kachkan, chay fino linomanta pachaqa Diosllapaqña kawsaqkunapa sumaq kawsakuyninmi, nispa.

Apocalipsis 21:2

Rikurqanitaqmi Diospa musoq chuya Jerusalén llaqtantapas, chayqa hanaq pacha Diospa qayllanmantam uraykamuchkasqa, chay llaqtaqa novionwan casarakunanpaq sumaqllaña pachasqa novia hinam kachkasqa.

Apocalipsis 21:27

Chay llaqtamanqa manam ima qachapas, millakuypaq kaqkuna ruwaqkunapas nitaq llullakunapas yaykunqachu. Chaymanqa yaykunqaku Corderopa wiñay kawsay libronpi sutinku qellqasqa kaqkunallam.