Isaías 51:13 - CHUYA QELLQA La Biblia en Quechua de Ayacucho 2012

¹³ ¿Hanaq pachata mastarispa kay pachatapas takyachiq unanchasuqniki Tayta Diostachu qonqarunki? ¿Hinallachu ñakarichisuqnikipa piñakuyninta sapa punchaw manchakunki? ¿Maypitaq ñakarichisuqnikipa piñakuynin kachkan?

Quechua Ayacucho Bible 1987

¹³ ¿Qonqarunkichikchu unanchasuqnikichik Tayta Diosta? Paymi mastarirqa cielokunata. Paymi takyachirqa kay pachata. Ñakarichisuqnikichikpa piñakuynintaqa ¿mancharikunkichikchu? Chaylla wañuchisuqnikichikpaq kaq runakunataqa ¿mancharikunkichikchu? Ñakarichisuqnikichikpa piñakuyninqa manam imanasunkichikpaschu.

Chuya Qellqa 1992

¹³ ¿Hanaq pachata mastarispa kay pachatapas takyachiq unanchasuqniki Tayta Diostachu qonqarunki? ¿Hinallachu ñakarichisuqnikipa piñakuyninta sapa punchaw manchakunki? ¿Maypitaq ñakarichisuqnikipa piñakuynin kachkan?

Isaías 51:13 Iomraidhean Croise

Ester 5:14

Chaymi warmin Zereswan llapa amistadninkuna kaynata nirqaku: Iskay chunka iskayniyuq metro kaspita sayarachiy hinaspa paqarinlla reyta niy Mardoqueo chaypi warkusqa kananpaq, chaynapim qamqa kusisqaña convidoman yaykunki, nispa. Chay nisqankum Amanpaq allinpaq rikchakarapurqa, chaymi payqa huk warkunata sayachirqa.

Ester 7:10

Hinaptinmi Amanta warkururqaku Mardoqueopaq ruwachisqan warkunapi, chayñam reypa piñakuynin tanirurqa.

Jobwan Sutichasqa Libro 37:18

¿Yaqachu cielota mastariptin Diosta yanapaspayki metalta fundispa espejota ruwaq hina ruwaysirqanki?

Jobwan Sutichasqa Libro 9:8

Payqa mana pipa yanapasqanmi cielokunata mastarin, lamar qochapa olankunapim purin.

Isaías 10:24

Tukuy Atiyniyuq Tayta Diosmi kaynata nin: Sión moqopi yachaq llaqtalláy, Asiria runakunataqa ama manchakuychikchu, Egipto runakuna hina tawnawan waqtasuptikichikpas.

Isaías 14:4

Babiloniapi reypa contranpi kaynata takispa asipayankichik: ¡Imaynamá ñakarichikuq reyqa kaynaqa tukurun! ¡Imaynamá hatun tukuspa ruwasqanpas kaynaqa tukurun!

Isaías 16:4

Moab nacionmanta ayqemuqkunayá qamkuna ukupi yachachunku. Wañuchiqkunamantayá pakaykuychik. Ñakarichisqa kayniyku tukuruptinqa, llaqtakuna purmachiq tukuruptinqa, chaynataq enemigopas nacionmanta pasaruptinqa,

Isaías 17:10

Israel, salvaqniki Diostam qonqarunki, amparakunaykipaq kaqtam mana yuyankichu. Kuyayllapaq plantakunatam plantakunki, huklaw nacionmanta apamusqa miskillaña ruruq sachapa takarpunkunataraqmi tarpunkipas,

Isaías 40:21

¿Manachu yacharqankichik? ¿Manachu uyarirqankichik? ¿Manachu qallariyninmantapuni pipas willasurqankichik? ¿Manachu kay pacha unanchasqa kasqanmantaraq yachachisurqankichik?

Isaías 40:22

Tayta Diosqa kay pachapa muyuriq patanpim tiyachkan, runakunapas aqaruwaykuna hinallam paypa qayllanpiqa; cielokunatapas tolderata hinallam payqa mastarin, yachanapaq sayachisqa carpata hina.

Isaías 42:5

Cielokunata unanchaspa mastariq Tayta Diosmi kani, allpa pachata unanchaqmi kani, allpapi wiñaqkunatam mirachirqani, allpa pachapi kawsaq runakunamanmi espirituyta qorqani. Chaykuna ruwaq kaspaymi serviqniyta kaynata nini:

Isaías 43:1

Jacobpa miraynin Israel llaqta, unanchaqniki Tayta Diosmi kaynata nisunki: Ama manchakuychu, ñoqam libramurqayki sutikimantam qayamurqayki, qamqa ñoqapam kanki.

Isaías 44:24

Reclamaqniki Tayta Diosmi, manaraqpas nacechkaptiki unanchasuqnikim kaynata nin: Ñoqaqa tukuy imapas unanchaq Tayta Diosmi kani, ñoqam cielokunata mastarirqani, mana pipapas yanapasqanmi kay pachata takyachirqani.

Isaías 45:12

Kay pachatapas runankunatapas ñoqam unancharqani, atiyniywanmi hanaq pachatapas mastarirqani, chaskakunapas rikurinankupaqmi kamachirqani.

Isaías 45:18

Hanaq pacha unanchaqmi, kay pachata ruwaspa takyachiqmi, runakunata chaypi yachananpaq unanchaq Tayta Diosmi kaynata nin: Ñoqallam Diosqa kani, manam hukqa kanchu, nispa.

Isaías 48:13

Makiywanmi kay pachata takyachirqani, atiyniywanmi cielokunata mastarirqani, qayaykuptillaymi chaykunaqa paqarimurqaku.

Isaías 49:26

Ñakarichisuqnikikunatam kikinkupa aychanta mikuchisaq, kikinkupa yawarninwanmi vinowan hina sinkachisaq, chaymi llapa runakuna Salvaqniki Tayta Dios kasqayta reqsinqaku, Jacobpa Atiyniyuq Diosnin kasqaytam reqsinqaku, libraqnikiqa ñoqa Dios kasqaytam yachanqaku.

Isaías 54:14

Allinkuna ruwasqaykim kallpanchasunki, ñakariymantapas karupim tarikunki, manchakuypas manañam hukmanyachisunkiñachu.

Isaías 57:11

¿Pita manchakuspaykitaq ñoqapi manaña iñispa karunchakurunki? ¿Unayña mana rimarisqayraykuchu manaña kaqpaqpas hapiwanki?

Isaías 7:4

Paytam ninki: Cuidakuy hinaspa hawkalla kay ama manchakuychu nitaq sonqoykipas hukmanyachunchu chay iskay qosniq yantakunaraykuqa, Siriapa reynin Rezinpa chaynataq Remaliaspa churin Pekapa sinchi piñakuyninraykuqa.

Isaías 9:4

Qanmi llasaq yugota pakipachkaq hina ñakarichiqninkumanta libraykurqanki, hombronkupi kaspita pakipachkaq hinam ñakarichiqninkuta vencerurqanki. Chaynataqa ruwarqanki Madián llaqtata ruwasqaykita hinam.

Jeremías 2:32

¿Yaqachu alhajankunata huk sipas qonqarunman? ¿Yaqachu casarakusqan alhajankunata novia qonqarunman? Llaqtaymi ichaqa unayña ñoqata qonqaruwan.

Jeremías 38:19

Chaymi rey Sedequías nirqa: Caldea tropakunaman hukllawakuruq Judá runakunatam manchakuni. Paykunapa makinman wichiykuptiyqa ñakarichiwaspankuchá ñoqamanta burlakunmanku, nispa.

Jeremías 41:18

Chaynataqa tantearqaku Ahicampa churin Gedaliasta Netaniaspa churin Ismael wañurachisqanmanta Caldea runakunata manchakusqankuraykum. Gedaliastaqa Babilonia nacionpa reyninmi gobernador kananpaq churarqa.

Jeremías 51:15

Tayta Diosmi kay pachata atiyninwan ruwarqa, Tukuy kay pachapi kaqtam yachayninwan takyachirqa, yachayninwanmi cielokunata mastarirqa.

Jeremías 51:19

Jacobpa Diosninqa manam chaynachu, payqa tukuy imapas unanchaqmi. Israeltam llaqtanpaq akllakurqa Tukuy Atiyniyuq Tayta Diosmi sutinpas.

Daniel 3:15

Chaynaqa, ¿listochu kachkankichik tocasqankuta uyariykuspa ruwachisqay idolopa ñawpaqninpi qonqorakunaykichikpaq hinaspa hatunchanaykichikpaq? Mana hatunchaspaykichikqa chaypunillam rupachkaq hornoman wischusqa kankichik. Hinaptinqa, ¿yaqachu mayqan diospas makiymanta librarusunkichikman? nispa.

Daniel 3:18

Chaynaqa, reynillay-ku, manaña Diosniyku librawaptinkupas manam idoloykikunataqa yupaychasaqkuchu, nitaqmi qorimanta sayachisqayki idolotapas hatunchasaqkuchu, nispanku.

Daniel 3:19

Rey Nabucodonosormi uyanpas pukayanankama llumpa-llumpayta piñakururqa Sadracpa, Mesacpa hinaspa Abed-negopa contranpi, hinaspam kamachikurqa hornota imaynam caldeachinankumantapas qanchis kuti mastaraq caldeachinankupaq.

Hechos 12:23

Chayllamanmi Señorpa angelnin hamuruspan Herodesta onqorachirqa, Diosta mana hatunchasqanmanta. Hinaptinmi urukunapa mikusqan wañu-rurqa.

1~Corintios 1:20

¿Maypitaq yachaysapa kachkan? ¿Maypitaq Diospa leynin yachachiq kachkan? ¿Maypitaq kay pachapi kaqkunamanta rimaq kachkan? Diosmi kay pachapi runakunapa yachayninta yanqacharun.

1~Corintios 15:55

yaw wañuy, ¿maytaq wañuchikuq kayniki? ¿Maytaq wañuchina puyaykiqa?”

Deuteronomio 32:18

Israelpa mirayninkuna, amparaqnikichik taytaykichiktam qonqarunkichik, kawsay qosuqnikichik Tayta Diostam qonqarunkichik.

Deuteronomio 6:12

Tayta Diostaqa amam qonqarunkichikchu, paymi Egipto nacionpi esclavo kachkaptinchik hurqomuwarqanchik.

Deuteronomio 8:11

Señornikichik Tayta Diostaqa amam qonqarunkichikchu. Kay kamachisqay kamachikuyninkunata, estatutokunata hinaspa decretokunataqa amam qonqarunkichikchu.

Hebreos 11:15

Sichum maymi lloqsimusqanku llaqtamanta yuyarispankuqa chay tiempokunallachá kutikunmanku karqa.

Apocalipsis 19:20

Manchakuypaq ani-malmi presochasqa karqa, paypa qay-llanpi admirakuypaq kaqkunata ruwaspa pantachikuq profetawan kuska. Chay señalkunawanmi pantachikuq profetaqa haykam manchakuypaq ani-malpa marcan chaskiqkunata hinas-pa imagennin yupaychaqkunata enga-ñarqa. Chay manchakuypaq animalmi pantachikuq profetapiwan kuska azufreyuq rupachkaq qochaman kawsachkaqlla wischuykusqa karqaku.

Apocalipsis 20:9

Chay tropakunam tukuy kay pachapi purimunqaku, hinaspam Diosllapaqña kawsaqkunapa campamentontawan kuyasqan llaqtanta muyurirurqaku, chaymi Diosñataq hanaq pachamanta ninata kachaykamuspan llapallanta kañarurqa.