Isaías 51:12 - CHUYA QELLQA La Biblia en Quechua de Ayacucho 2012

¹² Tayta Diosmi kaynata nin: Ñoqam kallpanchaqniki kani, ¿imanasqataq runakunata manchakunki? ¿Imanasqataq qora hina chakiruqlla runakunata manchakunki?

Quechua Ayacucho Bible 1987

¹² Tayta Diosni nin kaynata: Kikiypunim consuelasqaykichik, chaynaqa ¿pitataq qamkunaqa manchakunkichik? ¿Wañuqlla runakunatachu manchakunkichik? Runamasillaykichikmi paykunaqa. Qora hina chinkaruqllam paykunaqa.

Chuya Qellqa 1992

¹² Tayta Diosmi kaynata nin: Ñoqam kallpanchaqniki kani, ¿imanasqataq runakunata manchakunki? ¿Imanasqataq qora hina chakiruqlla runakunata manchakunki?

Isaías 51:12 Iomraidhean Croise

2~Reyes 1:15

Hinaptinmi Eliasta Tayta Diospa angelnin nirqa: Paywan riy, paytaqa ama manchakuychu, nispa. Chaymi Elías hatarispan capitanwan kuska reyman rirqaku.

Proverbios 29:26

Kamachikuqpa yanapakuynintaqa achkaqmi maskanku, chaywanpas Diosllam justiciataqa ruwan.

Isaías 12:2

Diosnilláy, qanmi kanki salvaqniyqa, qamllapim hapipakusaq, ñoqallayqa manañam manchakusaqchu, amparoypas takiypas qamllam kanki, qamllam salvaqniyqa kanki, nispa.

Isaías 2:22

Mana valeq runapiqa ama hapipakuychikchu, runapa kawsayninqa huk samay hinallam.

Isaías 40:1

Yupaychasqaykichik Tayta Diosmi kaynata nin: Llaqtayta consuelaychik, runaykunata kallpanchaychik.

Isaías 43:25

Ñoqam ichaqa Diosniki kasqayrayku lliw mana kasukuynikikunata pampachayki, huchaykikunatapas manañam yuyasaqñachu.

Isaías 49:13

¡Cielokuna, kusikuymanta qapariychik! ¡Allpa pacha, anchata kusikuy! ¡Orqokuna, kusikuymanta takiychik! Tayta Diosmi llaqtanta consuelaykun, ñakariypi kachkaptinkum kuyapayariykun.

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Isaías 52:9

Jerusalén llaqtapa tuñichisqa perqankuna kusikuymanta qapariychik, Tayta Diosmi llaqtanta llakipayariykun, Jerusalén llaqtatam libraykun.

Isaías 57:11

¿Pita manchakuspaykitaq ñoqapi manaña iñispa karunchakurunki? ¿Unayña mana rimarisqayraykuchu manaña kaqpaqpas hapiwanki?

Isaías 61:2

Tayta Diospa kuyapayakuynin watamanta willakamunaypaq, enemigonchikmanta Diospa vengakunan punchawmanta willakamunaypaq, llapallan llakisqakunata consuelamunaypaq.

Isaías 66:13

Imaynam wawanta maman consuelan chaynatam qamkunata consuelasqaykichik, Jerusalén llaqtapim consuelota tarinkichik.

Isaías 8:12

Kay runakunaqa “kamachikuqpa contranpim hoqarikuchkanku” nisqankutaqa amayá “kamachikuqpa contranpi hoqarikuymi” niychikchu. Paykunapa manchakusqantaqa ama manchakuychikchu.

Jeremías 38:19

Chaymi rey Sedequías nirqa: Caldea tropakunaman hukllawakuruq Judá runakunatam manchakuni. Paykunapa makinman wichiykuptiyqa ñakarichiwaspankuchá ñoqamanta burlakunmanku, nispa.

Jeremías 41:18

Chaynataqa tantearqaku Ahicampa churin Gedaliasta Netaniaspa churin Ismael wañurachisqanmanta Caldea runakunata manchakusqankuraykum. Gedaliastaqa Babilonia nacionpa reyninmi gobernador kananpaq churarqa.

Ezequiel 2:6

Runapa churin, paykunataqa chaynataq imam nisusqaykitapas amam manchakunkichu. Kichkapa intusqan hinaña kaspapas otaq atoq-atoq urukunapa chawpichasqanña kaspapas, amam ima rimasqankutapas manchakunkichu, amataqmi paykunapa qayllanpiqa hukmanyankichu. Paykunaqa mana kasukuq runakunam.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.

Juan 14:18

Manam sapallaykichiktachu saqerusqaykichik, qamkunamanmi kutimusaq.

Hechos 9:31

Chaymi tukuy Judea lawpi, Galilea lawpi hinaspa Samaria lawpi iñiqkuna hawkaña karqaku. Iñiyninkupim wiñaqku hinaspam Señorta manchakuspanku kawsaqku, Chuya Espiritupa kallpanchasqan kaspankum aswan-aswan miraqku.

1~Pedro 1:24

Chuya Qellqam kaynata nin: “Llapa runakunaqa qora hinallam, kuyayllapaq kayninkupas qorapa waytan hinallam. Qora chakiruptinqa waytanpas wichirunmi.

1~Samuel 15:24

Chaymi Saúl nirqa: Arí, huchallikurunim, Diospa kama-chiwasqantapas nitaq qampa niwasqaykikunatapas manam kasukurqanichu, runakunata manchakuspaymi paykunapa mañakusqanta kasurqani.

1~Samuel 17:11

Goliatpa rimasqanta uyarispankum Saulwan llapallan Israel runakuna hukmanyaruspanku mancharisqallaña tarikurqaku.

1~Samuel 21:13

Chaymi paykunapa qayllanpi loco tukuruspan llutanpiña rimakurqa, hinaspam punkukunapi qellqayta qallaykurqa lawtanpas barban urayta suturisqa.