Isaías 51:11 - CHUYA QELLQA La Biblia en Quechua de Ayacucho 2012

¹¹ Tayta Diospa kutichimusqankunaqa, kusikuywan qaparispam Sión llaqtaman kutimunqaku, umankupas wiñaypaq kusikuywan coronasqam yaykunqaku. Ancha kusikuyllapiña tarikuptinkum nanaypas llakikuypas paykunamanta chinkanqa.

Quechua Ayacucho Bible 1987

¹¹ Qampa reclamasqaykikunaqa chaynatam kutimunqaku. Kusikuywan qaparispam Sion Moqopi llaqtaman kutimunqaku. Umanku coronasqa hinam wiñaypaq kusikuywan yaykunqaku. Ancha kusisqallañam paykunaqa tarikunqaku. Paykunamantam llakikuy chinkanqa. Paykunamantam waqaypas chinkanqa.

Chuya Qellqa 1992

¹¹ Tayta Diospa kutichimusqankunaqa, kusikuywan qaparispam Sión llaqtaman kutimunqaku, umankupas wiñaypaq kusikuywan coronasqam yaykunqaku. Ancha kusikuyllapiña tarikuptinkum nanaypas llakikuypas paykunamanta chinkanqa.

Isaías 51:11 Iomraidhean Croise

Isaías 11:15

Egipto lawpi lamar qochapa partentam chakichinqa, atiyninwanmi rupachkaq wayrata Eufrates mayuman pukuchinqa, chay mayutam qanchis kallmaman rakirunqa, runakunapas usutankuta manaña chutukuspam chimpanqaku.

Isaías 25:8

Tayta Diosmi wañuyta wiñaypaq chinkachinqa, lliw runapa weqentam pichanqa, llaqtanpa penqaypi kasqantam kay pachamanta chinkachinqa. Tayta Diosmi chaynata nin.

Isaías 35:10

Tayta Diospa librasqankunallam chay ñannintaqa kutimunqaku, kusikuy qapariyllawanñam Sión llaqtaman yaykunqaku, llakikuywan waqakuypas tukunqañam, nispa.

Isaías 44:23

Tayta Diospa tukuy kaykuna ruwasqanmanta, hanaq pacha kusikuymanta takiy; uku pacha qapariy; orqokuna kusikuymanta qapariychik, chaypi kaq sachakunapas kusikuymanta takiychik. Jacobpa miraynin Israel llaqtata Tayta Dios reclamasqanmanta chaynata ruwaychik. Israel llaqtanpim payqa hatunchakun.

Isaías 48:20

Babilonia llaqtamanta lloqsiychik, Caldea nacionpa chawpinmanta ayqeychik, kusikuywan qaparispa willakamuychik, kay pachapa tukupayninkama kaynata uyarichimuychik: “Tayta Diosmi serviqnin Jacobta libraykun”, nispa.

Isaías 49:13

¡Cielokuna, kusikuymanta qapariychik! ¡Allpa pacha, anchata kusikuy! ¡Orqokuna, kusikuymanta takiychik! Tayta Diosmi llaqtanta consuelaykun, ñakariypi kachkaptinkum kuyapayariykun.

Isaías 55:12

Qamkunaqa kusikuywanmi lloqsimunkichik, hawkallam kutimunkichik. Orqokunawan moqokunam qayllaykichikpi takispa qaparinqaku, llapa sachakunam kusikuymanta taqllakunqaku.

Isaías 61:7

Hatun penqaypi kasqaykichikpa rantinpim, usuchisqa kasqaykichikpa rantinpim, herenciaykichikpiña kusikuymanta qaparinkichik; chayraykum allpaykichikpi achka-achka kapuqniyuq kankichik, hinaspam wiñaypaq kusikunkichik.

Isaías 65:14

Serviqniykunaqa sonqonkupi kusisqam takinqaku, qamkunam ichaqa llaki sonqoyuq qaparkachankichik, ñakarispam llakipi tarikuspa waqankichik.

Isaías 65:19

Ñoqapas Jerusalenraykum anchata kusikusaq, chaypiqa waqaypas manañam uyarikunqañachu, llakimantapas manañam qaparinqakuñachu.

Jeremías 31:13

Sipaskunam kusikuymanta tusunqaku, Jovenkunawan machuchakunam kusikunqaku. Waqayninkutapas kusikuymanñam tikrasaq, consuelaspaymi nanayninkutapas kusikuymanña tikrasaq.

Jeremías 33:11

Chaywanpas ñoqa Tayta Diosmi kaynata nini: Kaypim kaqmanta uyarikunqa runakunapa kusikuymanta qapariyninwan asiyninku chaynataq casarakuqkunapa fiesta ruwasqankupas, uyarikunqataqmi: ¡Tukuy Atiyniyuq Tayta Diosman graciasta qoychik! Payqa allin ruwaqmi, kuyakuyninpas wiña-wiñaypaqmi, nisqankupas. Templomanmi kuyakuy ofrendankuta apamunqaku. Chaynaqa kanqa huklaw nacionkunaman preso apasqakunata kay allpaman kutichimuptiymi, chaynapim ñawpaq watakunapi hinaraq kanqaku. Ñoqa Tayta Diosmi chaynata nini.

2~Tesalonicenses 2:16

Kuyawaspanchik wiñay consuelo qowaqninchik hinaspa kuyakuywan suyakuy qowaqninchik, Señorninchik Jesucristowan Dios Taytanchikyá,

Judas 1:24

Sapallan salvaqninchik Diosmi atiyninwan waqaychasunkichik huchaman mana wichiykunaykichikpaq, payllam mana huchayuqta qayllanman kusisqata chayachisunkichik.

Apocalipsis 21:1

Chaymantam musoq cielotawan musoq allpa pachata rikurqani, ñawpaq cielowan kay pachaqa manam kasqañachu. Lamar qochapas manañam kasqañachu.

Apocalipsis 21:4

Diosmi paykunapa weqenta pichanqa, manañam wañuypas, llakikuypas, waqaypas, allwakuypas nitaq nanaypas kanqañachu. Ñawpaq kaqkunaqa pasarunñam, nispa.

Apocalipsis 22:3

Chaypiqa manañam ima ñakaypas kasqañachu. Diospa hinaspa Corderopa trononñam chaypiqa kanqa hinaptinmi serviqninkunañataq servinqaku.

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.