Isaías 51:1 - CHUYA QELLQA La Biblia en Quechua de Ayacucho 2012

¹ Tayta Diosmi nin: Allin ruwayta munaqkuna, Tayta Diosta maskaqkuna, uyariychik. Mayqan qaqamanta pakimusqa kasqaykichiktayá yuyariychik, mayqan rumimanta hurqomusqa kasqaykichiktayá qawariychik.

Quechua Ayacucho Bible 1987

¹ Tayta Diosmi nin: Uyariychik allin rurayta munaqkuna. Uyariychik ñoqa Tayta Diosta maskaqniykuna. Mayqan qaqa rumimanta pakimusqa kasqaykichiktayá yuyariychik. Mayqan rumi horqomunamanta kasqaykichiktayá yuyariychik.

Chuya Qellqa 1992

¹ Tayta Diosmi nin: Allin ruwayta munaqkuna, Tayta Diosta maskaqkuna, uyariychik. Mayqan qaqamanta pakimusqa kasqaykichiktayá yuyariychik, mayqan rumimanta hurqomusqa kasqaykichiktayá qawariychik.

Isaías 51:1 Iomraidhean Croise

2~Crónicas 15:2

Rey Asawan tupananpaq rispan nirqa: Rey Asa, Judá runakuna hinaspa Benjamín ayllukuna, llapallaykichik uyariwaychik: Tayta Dioswan kaptikichikqa paypas qamkunawanmi kanqa, maskaspaykichikqa tarinkichikmi, saqeruptikichikqa paypas saqerusunkichikmi.

2~Crónicas 15:4

Ichaqa sasachakuypi kaspankum Israelpa yupaychasqan Tayta Diosman kutirikuspa maskaspanku tarirqaku.

Proverbios 15:9

Tayta Diosqa millakunmi mana allin runapa ñannintaqa allin kawsakuq runatam ichaqa kuyan.

Proverbios 21:21

Allin kawsakuytawan kuyapayakuq kayta maskaqqa ancha reqsisqa kaytawan allin ruwayta hinaspa kawsakuytam tarinqa.

Isaías 45:19

Ñoqaqa manam pakasqallapichu rimarqani, nitaqmi kay pachapa tutayay sitionkunapichu rimarqani; Israelpa mirayninkunataqa manam nirqanichu: “Yanqapaqñam maskawankichik”, nispaqa. Ñoqa Tayta Diosqa cheqap kaqtam rimani, ñoqaqa allin kawsakuyllamantam willakuni.

Isaías 48:1

Jacobpa mirayninkuna, Judapa mirayninkuna kachkaspa Israelwan sutichakuqkuna, Tayta Diospa sutinpi juraqkuna, Israelpa Diosninta mañakuqkuna, mana cheqapta rimaspa mana allin ruwaqkuna;

Isaías 48:12

Jacobpa mirayninkuna uyariwaychik, akllakusqay Israel llaqta, uyariway: Ñoqa sapallaymi Diosqa kani, ñoqallam kani punta kaqpas, qepa kaqpas.

Isaías 51:4

Llaqtalláy chaylla uyariway, runaykuna allinta uyariwaychik: Yachachikuykunam ñoqamanta lloqsimunqa, kamachikuyniymi runakunata kancharinqa.

Isaías 51:7

Allin ruwayta yachaqkuna, yachachikuyniyta sonqoykichikpi hatalliqkuna uyariwaychik: Runakuna kamisuptikichikpas ama hukmanyaychikchu, usuchisuptikichikpas ama llakikuychikchu.

Isaías 55:6

Tarinapaqraq kachkaptinyá Tayta Diosta maskaychik, hichpallapiraq kachkaptinyá Tayta Diosta qayakuychik.

Isaías 65:10

Sarón pampapas ovejakunapa huntasqanñam kanqa, Acor qechwapas uywakunapa mikunanñam kanqa, maskaqniy runakunapaqmi chayna kanqa.

Amós 5:6

Tayta Diosman kutirikamuychik kawsanaykichikpaq. Yanqañataq nina hina wichiykamuspay Joseypa mirayninkunata ruparuyman, Bet-elpi manaña pipas wañuchiy atinankama.

Sofonías 2:3

Kay pachapi llapallan llampu sonqo runakuna, kamachikuyninkunata ruwayman churaq runakuna, Tayta Diosta maskaychik. Allin kaqkunata ruwaychik, uchuychakuychik, hinaspaqa icharaqpas Tayta Diospa piñakuynin punchawmanta pakaykusqaraq kawaqchik.

Mateo 5:6

Mayna kusisqam Diospa allin arreglo ruwayninmanta yarqachikuqkunawan yakunayachikuqkunaqa, paykunaqa saksachisqam kanqaku.

Mateo 6:33

Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

Romanos 10:3

Paykunaqa manataqmi yachan-kuchu imaynanpim runakunata mana huchayuqpaqña Dios chaskisqantapas, hinaspam kikinkupa ruwasqallanwan Diospa chaskisqan kayta munaspanku Diospa munasqanta mana kasukurqakuchu.

Romanos 14:19

Chaynaqa, hawkalla kawsakuytayá maskasun, chaynapi iñiqmasinchikkunawan aswan wiñachinakunanchikpaq.

Filipenses 3:13

Wawqe-panillaykuna, manaraqmi ñoqapas haypaniraqchu aswanqa ñawpaq ruwasqaykunata qonqaruspaymi hamuq kaqkunata ruwanaypaq kallpanchakuchkani.

1~Timoteo 6:11

Qanmi ichaqa Diospa runan kanki, chaynaqa chay llapa mana allin ruwaykunamanta ayqekuy hinaspa imatapas allinta ruway, Diosllapaqña kawsaspa, iñiypi, kuyakuypi, pacienciakuspa hinaspa llampu sonqolla kaspa.

2~Timoteo 2:22

Joven kaypa munapayayninkunamanta ayqekuspa allin kaqkunata maskay, allin ruwayta, iñiyta, kuyakuyta hinaspa hawkayayta, haykam chuya sonqonkumanta Señorninchikta qayakuqkunawan kuska.

Hebreos 12:14

Llapallanwanyá hawkalla kawsaychik, chuyanchakuypi kawsaychik, mana chuya kaspaqa manam pipas Señortaqa rikunqachu.