Isaías 50:2 - CHUYA QELLQA La Biblia en Quechua de Ayacucho 2012

² ¿Imanasqataq hamuspayqa mana pitapas tarirqanichu? ¿Imanasqataq qayakuptiypas mana pipas rimarirqachu? ¿Makiychu pisiparun qamkunata manaña libray atinaypaq? ¿Atiyniychu tukurun qamkunata manaña salvanaypaq? Kamachispallaymi lamar qochata chakichini, kamachispallaymi mayukunata chakichini, challwankunapas yakumantam wañuruspa ismurunku.

Quechua Ayacucho Bible 1987

² ¿Imanasqataq hamuptiyqa mana pipas kanchu? ¿Imanasqataq qayaptiyqa mana pipas contestawanchu? ¿Mana atiyniyoqchu kani libranaypaq? ¿Icha manachum kallpayoq kani salvanaypaq? Kamachispallaymi lamar qochata chakichini. Kamachispallaymi mayukunata chunnichini. Challwankunapas yakumantam wañurunku. Challwankunapas yakumantam lliw ismurunku.

Chuya Qellqa 1992

² ¿Imanasqataq hamuspayqa mana pitapas tarirqanichu? ¿Imanasqataq qayakuptiypas mana pipas rimarirqachu? ¿Makiychu pisiparun qamkunata manaña libray atinaypaq? ¿Atiyniychu tukurun qamkunata manaña salvanaypaq? Kamachispallaymi lamar qochata chakichini, kamachispallaymi mayukunata chakichini, challwankunapas yakumantam wañuruspa ismurunku.

Isaías 50:2 Iomraidhean Croise

Génesis 18:14

¿Kanmanchu Diospaq imapas mana ruway atinan? Wataman kunan hinatam huktawan watukamusqayki, chaypaqqa Sarapas wawayuqñam kanqa, nispa.

2~Crónicas 32:15

Amañayá Ezequiaswanqa engañachikuychikchu nitaq pantaymanqa pusachikuychikchu, ama paytaqa creeychikchu. Sichum chay nacionkunapa diosninkuna llaqtanta ñoqamanta nitaq ñawpaq taytaykunamantapas mana librayta atichkaptinqa ¿imaynataq ñoqamanta Diosnikichik librasunkichikman?” nispa.

Éxodo 14:21

Moisesmi lamar qochapa hawanman makinta haywarirqa, hinaptinmi tukuy tuta intipa qespimunan lawmanta Tayta Dios sinchi wayrawan lamar qochata iskayman rakinarurqa, hinaptinmi chaki allpa rikurirurqa.

Éxodo 14:29

Israelpa mirayninkunam ichaqa lamar qochapa chawpinta, chaki allpanta pasarurqaku. Yakukunam alleq lawninkupi hinaspa ichoq lawninkupi perqa hina karqa.

Éxodo 7:18

Chaymi mayupi kaq challwakunapas wañurunqa, mayupas asnariruptinmi Egipto runakunaqa mayupi yaku tomaytapas millakurunqaku, nispa.

Éxodo 7:21

Challwakunapas wañu-ruptinmi mayu asnarirurqa Egipto runa-kunapas mana tomay atinankukama. Lliw Egipto nacionpim yawar karqa.

Proverbios 1:24

Qamkunaqa qayachkaptiypas manam uyarirqankichikchu, makiyta haywarimuchkaptiypas manam kaqpaqpas hapirqankichikchu.

Isaías 11:15

Egipto lawpi lamar qochapa partentam chakichinqa, atiyninwanmi rupachkaq wayrata Eufrates mayuman pukuchinqa, chay mayutam qanchis kallmaman rakirunqa, runakunapas usutankuta manaña chutukuspam chimpanqaku.

Isaías 19:5

Nilo mayupa yakunmi chinkarunqa, pasaypaqtam chay mayuqa chakirunqa.

Isaías 23:11

Lamar qochapa hawanmanmi Tayta Dios makinta haywariykun, tukuy hinastinpi nacionkunatam katkatatachin, Canaán llaqta tuñichisqa kananpaqmi kamachikun.

Isaías 36:20

Chay nacionkunapa llapallan diosninkunamanta ¿mayqannintaq ñoqamanta nacionnin librayta atirqa? Chaynaqa, ama niychikchu Tayta Diospas Jerusalén llaqtata ñoqamanta waqaychanantaqa, nispa.

Isaías 41:28

Paykunata qawariptiyqa manam hukllapas yachaywan consejakuq kasqachu kaykunamanta tapukuptiy contestawananpaq.

Isaías 42:15

Orqokunatawan moqokunatam purmachisaq, sachankunatawan pastonkunatam chakirachisaq, mayukunatam aqo pampata ruwarusaq, qochakunatam chakirachisaq.

Isaías 43:16

Tayta Diosmi, lamar qochanta ñanta kichaqmi, olallaña lamar qochapa ukunta ñanta kichaqmi,

Isaías 44:27

Ñoqam hatun lamar qochata chakinanpaq kamachini, kallpaq mayuykikunatam chakichini.

Isaías 51:10

¿Manachum qamqa kachkanki uku-uku lamar qochata chakichispa, salvasqaykikuna chayninta lluptinankupaq ñanta kichaykuq?

Isaías 54:6

Qosan saqeruptin llakisqa sonqoyuq warmita hinam, sipasllaraq kayninpi qosanpa saqesqan warmita hinam, Tayta Dios qayasurqanki, hinaspam nisunki:

Isaías 59:1

Tayta Diospa atiyninqa manam pisirunchu mana salvawananchikpaq hinaqa, rinrinpas manam upayarunchu manaña uyarinanpaq hinaqa.

Isaías 59:16

Tukuy chaykunata allichaq mana kasqanmantam Tayta Dios hukmanyarurqaraq, chaymi kikinpa atiyninwanña salvarqa, allinkuna ruwasqanwanmi takyachirqa.

Isaías 63:13

¿Maypitaq kachkan llaqtanta lamar qocha ukunta pusamuqqa? ¿Maypitaq kachkan caballota hina chunniqninta mana urmachispa llaqtanta pusamuqqa? nispanku.

Isaías 64:6

Ñoqaykuqa llapallaykum millakuypaqña kachkaniku, allinkuna ruwasqaykupas millakuypaq qacha latapa hinam kachkan. Qawiruspa wichisqa llaqekuna hinam kachkaniku, mana allinkuna ruwasqaykupa apasqanmi kachkaniku.

Isaías 65:12

guerrapi wañunaykichikpaq citaykichik, qonqoraykachispam kunkaykichikta kuchusunkichik. Qamkunaqa qayaptiypas manam uyariwarqankichikchu, rimapayaptiypas manam kasuwarqankichikchu; aswanqa qawachkaptiymi mana allinkunata ruwarqankichik, mana munasqay kaqkunatam akllarqankichik, nispa.

Isaías 66:4

Ñoqapas ñakariytam paykunapaq akllasaq, ancha manchakusqankutam paykunaman apamusaq. Qayakuptiymi mana pipas contestawarqachu, rimapayaptiymi mana pipas uyariwarqachu, aswanqa qawachkaptiymi mana allinta ruwarqaku, mana munasqay kaqtam akllakurqaku.

Jeremías 14:9

¿Imanasqataq muspaypi runa hina rikurirunki? ¿Imanasqataq allin qari kachkaspa mana ima ruway atiq rikurirunki? Chaywanpas Dios Taytallayku, qamqa ñoqaykuwanmi kachkanki, lliwmi yachanku llaqtayki kasqaykutaqa, amayá saqerullawaykuchu.

Jeremías 35:14

Recabpa churin Jonadabpa mirayninkunam, vinota ama tomanankupaq kamachisqanta cumplirunku. Chayraykum vinotaqa kunan punchawkamapas mana tomankuchu. Ñoqapas mana samaykuspaymi ñataq-ñataq kamachirqaykichik, ichaqa manam kasuwarqankichikchu.

Jeremías 35:15

Mana samaykuspam profetaykunawan kaynata willachirqaykichik: Mana allinkuna ruwasqaykichikta saqespa munasqayman hina kawsaychik. Idolokunataqa amaña yupaychaychikchu, chaynapi taytaykichikkunamanpas chaynataq qamkunamanpas qosqay allpapi yachanaykichikpaq, nispay. Ichaqa manam uyariwarqankichikchu nitaqmi kasuwarqankichikchu.

Jeremías 5:1

Tayta Diosmi kaynata nin: Jerusalenpa callenkunapiyá purimuychik, allinta qawamuspayá maskamuychik; icharaqpas pillatapas allin arreglo ruwaq runata tarimuwaqchik, cheqap rimaq runata tarimuwaqchik, hinaptinqa Jerusalentam pampachasaq.

Jeremías 7:13

Mana allin kawsasqaykichikmanta achka kutita rimapayachkaptiypas manam uyariwarqankichikchu, nitaqmi kasukurqankichikchu; Ñoqa Tayta Diosmi chaynata nini.

Jeremías 7:27

Yaw, Jeremías, mana kasusunayki kaptinpas, tukuy kaykunata paykunaman willamuy. Paykunam ichaqa qapariptikipas mana uyarisunkichu.

Jeremías 8:6

Uyarisqayman hinaqa manam pipas cheqap rimaqqa kanchu, manam pipas huchanmantaqa wanakunchu, manam pipas huchanta reqsikuspa ninchu: ¿Imatataq kayta ruwaruni? nispaqa. Guerraman kallpaq caballo hinaraqmi llapallanku pantay ñanman kallpanku.

Daniel 3:15

Chaynaqa, ¿listochu kachkankichik tocasqankuta uyariykuspa ruwachisqay idolopa ñawpaqninpi qonqorakunaykichikpaq hinaspa hatunchanaykichikpaq? Mana hatunchaspaykichikqa chaypunillam rupachkaq hornoman wischusqa kankichik. Hinaptinqa, ¿yaqachu mayqan diospas makiymanta librarusunkichikman? nispa.

Daniel 3:29

Chayraykum llapallan runakunata, llapallan nacionkunata chaynataq huk rikchaq rimayniyuq runakunatapas kamachini; Sadracpa, Mesacpa, Abed-negopa Diosninkupa contranpi rimaqkunaqa tisapasqam kanqaku, wasinkupas ispakuna raqaymanñam tikrasqa kanqa, paykunapa Diosnin hina kayna librakuykuqqa manam kanchu, nispa.

Daniel 6:20

Chayaruspanmi llakillawanña Danielta qayarqa: Kawsaq Diospa serviqnin Daniel, mana samaspa servisqayki Diosniki, ¿yaqachu leonkunamanta libraykusunki? nispan.

Daniel 6:27

Paymi salvaqninchikpas chaynataq libraqninchikpas, kay pachapipas hanaq pachapipas payllam milagrokunata ruwan, payllataqmi Danieltapas libraykun leonkunapa mikusqan kananmanta.

Oseas 11:2

Ichaqa aswan-aswan qayachkaptiypas aswanraqmi ñoqamanta karunchakurqaku, Baal idolomanraqmi sacrificiokunatapas qorqaku, idolokunapaqraqmi inciensokunatapas qontichipurqaku.

Oseas 11:7

Llaqtayqa hinallaraqmi ñoqamanta karunchasqa kachkan, chayraykum qayakamuwaptinpas mana uyarisaqchu.

Nahúm 1:4

Lamar qochapas mayukunapas qaqchaptinqa chakirunmi, Basanpiwan Carmelo orqopi sachakunapas qawirunmi. Líbano orqopi waytakunapas qawirunmi.

Habacuc 3:8

Dios Taytalláy, ¿mayukunapa contranpichum piñakurunki? ¿Lamar qochapa contranpichum rabiakurunki? ¿Chayraykuchu caballoykikunapi sillakuspa kallpanki? ¿Chayraykuchu venceruq carretaykikunapi kallpanki?

Números 11:23

Chaymi Moisesta Tayta Dios nirqa: ¿Pisi atiyniyuqlla kasqaytachu piensanki? Kunanmi yachanki nisqaykuna cumplikusqanta otaq mana cumplikusqantapas, nispa.

Marcos 4:39

Jesusñataqmi hatarispan wayrata qaqcharqa, qochatañataqmi nirqa: ¡Hawkayay! nispan. Chaymi wayra samaruptin lliw hawkayarurqa.

Juan 1:11

Paypa kaqmanmi hamurqa, paypa kaqkunam ichaqa mana chaskirqakuchu.

Juan 3:19

Condenasqaqa kachkanku, kay pachaman achkiy hamuchkaptin, tukuy mana allinkunata ruwaspanku tutayaytaraq kuyasqankuraykum.

Josué 3:16

hanaymanta kallpamuq yakukuna qocharurqa chimpanankumanta allin karu hanaypi, Saretán llaqtapa waqtanpi tarikuq Adam llaqtapa hichpanpi. Arabá lawpi Puchqo lamar qochaman riq yakuñataqmi chakinankama hina kallparqa. Chaynapim mayu hanayman urayman rakikururqa. Hinaptinmi Israelpa mirayninkuna Jericó lawman chimparurqaku.