Isaías 5:7 - CHUYA QELLQA La Biblia en Quechua de Ayacucho 2012

⁷ Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Quechua Ayacucho Bible 1987

⁷ Llapallan Kamachiq Tayta Diospa uvas huertanqa Israel casta runakunam. Sumaqllaña paypa plantankunaqa Juda nacionpi *f**yachaqkunam. Paykunamantam allin arreglokuna ruranankuta suyarqa, aswanqa wañuchinakuyllatam payqa qawarqa. Paykunamantam allinkuna ruranankuta suyarqa, aswanqa ñakariqkunapa qapariyllantam uyarirqa.

Chuya Qellqa 1992

⁷ Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Isaías 5:7 Iomraidhean Croise

Génesis 4:10

Hinaptinmi Tayta Dios nirqa: ¿Imatataq kayta ruwarunki? Wawqekipa allpaman chaqchusqayki yawarninmi justicia ruwanaypaq qaparispa qayakamuwan.

2~Samuel 7:10

Israel runaykunapaqpas huk sitiotam akllaruniña, chaypim paykunata churasaq manaña pipapas kuyuchisqan kanankupaq; chaypiqa manañam pipas nitaq mana allin runakunapas ñakarichinqañachu,

Jobwan Sutichasqa Libro 34:28

Paykunam wakchakunata ñakarichirqaku, chay wakchakunapa qayakuyninmi Diospa qayllanman chayarqa.

Éxodo 3:7

Hinaptinmi Tayta Diosqa nirqa: Llaqtaypa Egipto nacionpi ñakarisqantam qawachkani, llamkachiqninkuna ñakarichiptin waqasqankutam uyarichkani, yachanitaqmi nanaypi kasqankutapas.

Proverbios 21:13

Wakchakunapa qayakuyninta mana uyariq runaqa, yanapakuyta mañakuspapas manam uyarisqachu kanqa.

Eclesiastés 4:1

Kay pachata qawarispaymi rikchaqmana ñakarichinakuyta rikurqani: Ñakarichisqakunam waqanku, ichaqa manam pipas consuelaqninku kanchu; atiyniyuqkunam ñakarichinku, manam pipas consuelaqninku kanchu.

Cantares 7:6

Kuyakusqalláy, ¡mayna suma-sumaqmi kanki! ¡Mayna kuyayllapaqmi kanki!

Isaías 1:21

¿Imanasqataq chuchumikayarunki ñoqapi hapipakuq llaqta kachkaspaqa? Ñawpaqtaqa runaykikunapas allin kawsakuqmi karqaku, allin kaqkunallata ruwaspankum paykunaqa sumaqta kawsarqaku, kunanqa runamasinku wañuchiqllañam rikurirunku.

Isaías 1:6

Chaki pampaykichikmanta uma puyuknikichikkamam mana imaykichikpas sanoqa kanchu, aswanqa toqyasqa, punkisqa, mana pipa hampisqan, mana pipa watasqan, mana pipapas aceitewan llusiykusqan kichasqa heridakunallam kachkan.

Isaías 27:2

Chay punchawpiyá, miskillaña vino qokuq uvas chakramanta takiychik.

Isaías 3:14

Tayta Diosmi llaqtanpi ancianokunawan chaynataq kamachikuqkunawan juicioman yaykuspan ninqa: Qamkunaqa llaqtaytam chaqorunkichik, wakchakunamanta suwakusqaykichiktam wasikichikpiraq pakarunkichik.

Isaías 3:15

Tukuy Atiyniyuq Tayta Diosmi kaynata nin: ¿Imata munaspataq llaqtayta ñakarichinkichik, hinaspa wakchakunatañataq usuchinkichik? nispa.

Isaías 3:17

Ñoqa Tayta Dios castigaspaymi paykunapa uma puyukninta isuyachisaq, chay warmikunapa penqayninkutam runakunaman qawachisaq.

Isaías 30:12

Chayraykum Israelpa Chuya Diosnin kaynata nin: Nisqaykunatam qamkuna wischupakunkichik, runamasikichikta ñakarichiypi hinaspa llullakuypim hapipakunkichik, chaykuna ruwasqaykichikpim hapipakunkichik.

Isaías 46:12

Rumi sonqo runakuna uyariychik, allin ruwaymanta karunchasqakuna uyariychik:

Isaías 5:2

Rumicharuspanmi barbecharqa, miski ruruq uvaspa estacantam plantarqa. Cuidananpaqmi chakrapa chawpinpi chukllata ruwarqa, uvasta sarunapaqmi pozota ruwarqa. Miski uvasta rurunantam payqa suyarqa, ichaqa puchqo uvasllatam cosecharurqa.

Isaías 59:13

Mana kasukuspam qepancharqaykiku, iskay uya kaspaykum traicionarqaykiku; contraykipim hatarirqaniku, runamasiykuta ñakarichinaykupaqmi rimarqaniku, engañanaykupaqmi sonqoykupipas tantearqaniku.

Isaías 59:14

Mana pimanpas sayapakuspa allin arreglo ruwaymi karunchakurun, allin ruwaymi chinkarun, plazakunapipas cheqap kaqtaqa manam rimankuñachu, cheqap rimaq runapas manam kanñachu.

Isaías 59:4

Juzgadomanmi llullakuspa quejakuq rinkichik, juezkunamanpas manam cheqap kaqwanchu rinkichik. Aswanqa yanqakunallapim hapipakunkichik, yanqakunallatam rimankichik, mana allin ruwaykunapa huntasqanmi kachkankichik, chayraykum millakuypaq kaqkunallata rikurichinkichik.

Isaías 62:5

Imaynam huk joven huk sipasta casaran chaynam qamtapas Dios casarasunki; imaynam huk esposo esposanwan kusikun chaynam Diosnikipas qanwan kusikunqa.

Jeremías 12:10

Achka michiqkunam uvas huertayta purmarachinku, chakraytam saruparunku. Ancha kuyasqay allpaytam manaña imayuq kanankama chunnirachinku.

Jeremías 24:2

Huknin canastapim kasqa puntata poqoruq allinnin higoskuna, huknin canastapiñataqmi kasqa mana mikunapaq hina higoskuna.

Jeremías 50:46

Babilonia nacionta venceruptinkum allpapas katkatatanqaraq, qapariyninpas wakin nacionkunamanraqmi uyarikunqa.

Ezequiel 22:29

Kay nacionpi runakunaqa mana allin ruwaypi hinaspa suwakuyllapim kachkanku; wakchakunatawan mana piniyuqkunata chaynataq huklaw llaqtayuqkunatam ñakarichinku.

Oseas 10:1

Israelqa sumaqllaña ruruq uvas hinam, ichaqa achkanpi rurusqanman hinam idolokunata aswanraq mirachispan sumaq altarkunata ruwakurqa.

Miqueas 6:12

Kay llaqtapi apukunaqa runamasinta ñakarichiqkunam; llapa runakunapas llullakuspa engañakuqkunam.

Miqueas 6:8

Yaw runa, Tayta Diosmi allin kaqkunata reqsichisurqanki, ¿imatataq qanmanta Pay mañasunki? Allin arreglo ruwaq kanaykita, llakipayakuq kuyanaykita, Diosnikipa qayllanpi uchuychakunaykitam.

Habacuc 1:3

¿Imanasqataq huchallikuytawan ñakariyllata qawachiwanki? Wañuchinakuywan tuñichinakuyllam munaychakuchkan, piñanakuywan wañuchinakuyllañam tukuy hinastinpi kachkan.

Sofonías 3:17

Tayta Diosmi chawpikipi tarikun, payqa Tukuy Atiyniyuqmi, salvaykusunkim. Señorqa anchatam qamrayku kusikunqa. Kuyakuyninwanmi musoq kawsayta qosunki, qamraykum kusikuspan takinqa”, nispanku.

Mateo 23:23

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunam hierbabuenamanta, anismanta hinaspa cominomanta diezmoykichikta qonkichik; allin ruwayta, kuyapayakuyta hinaspa iñiyniyuq kaytam ichaqa qonqarunkichik. Kay hatun kamachikuykunatam kasukunaykichik, diezmo qoytapas ama qonqaspa.

Lucas 18:7

Chaynaqa, ¿manachum Tayta Diospas tuta punchaw qayakuqnin churinkunata nanachikunman? ¿Yaqachu suyachikunman?

Juan 15:2

Ñoqapi kaq kallmakuna mana ruruqtaqa paymi kuchurunqa, ruruq kallmatañataqmi aswanraq rurunanpaq rawmapaykunqa.

Deuteronomio 15:9

Yanqañataq sonqoykichikpi mana allinkunata tanteawaq-chik hinaspa “debekuqkunata pam-pachana qanchis kaq watam hich-pamuchkanña” nispaykichik castamasikichikmanta wakchakunata mana allin ñawikichikwan qawaspa imallawanpas mana yanapaykuwaqchikchu; chayna kaptinqa contraykichikpi Tayta Diosta mañakuptinmi chay ruwasqaykichikwan huchallikuwaqchik.

Santiago 5:4

Cosechaykichikpi llamkaqkunamanmi mana pagarqankichikchu, chaymi paykunapa qayakusqanta Tukuy Atiyniyuq Señor uyarirun. Chay mana pagasqaykichik qollqem Diospa qayllanpi acusasunkichik.