Isaías 5:5 - CHUYA QELLQA La Biblia en Quechua de Ayacucho 2012

⁵ Chaynaqa, kunanmi qamkunaman, imatam kay huertaywan ruwanayta nisqaykichik: Llapa rumi perqanta paskaruptiymi purmarachinqaku, perqankunata lliw tuñirachiptiymi saruparunqaku.

Quechua Ayacucho Bible 1987

⁵ Chaynaqa kunanmi qamkunaman imam ruranayta nisqaykichik. Uvas huertaywan imam ruranaytam kunan nisqaykichik. Llapa cerconta paskaruptiymi purmarachinqaku. Perqankunata lliw tuñirachiptiymi saruparunqaku.

Chuya Qellqa 1992

⁵ Chaynaqa, kunanmi qamkunaman, imatam kay huertaywan ruwanayta nisqaykichik: Llapa rumi perqanta paskaruptiymi purmarachinqaku, perqankunata lliw tuñirachiptiymi saruparunqaku.

Isaías 5:5 Iomraidhean Croise

Génesis 11:4

Chaymantam ninakurqaku: Huk llaqtata hatarichisun, cielokama haypaq torretawan perqarusunchik, chaynapi ancha reqsisqa kananchikpaq. Yanqañataq tukuy hinastinman kay pachapi cheqeruchwanchik, nispanku.

Génesis 11:7

Chaynaqa, uraykuspanchikyá rimayninkuta chaqwaramusun, chaynapi rimasqankuta mana entiendenakunankupaq, nispa.

Nehemías 2:3

reyta nirqani: Reynilláy, ¡wiñaypaqyá kawsakuy! ¿Imaynataq manaqa llakikuymanchu taytaykunapa pampakusqan llaqta hinalla purmasqa chaynataq punkunkunapas hina kañasqalla kachkaptinqa? nispay.

Proverbios 24:31

hinaspaymi rikururqani chay chakrapiqa kichkakunallaña wiñarusqanta, cerconkunapas tuñisqa kasqanta.

Eclesiastés 3:3

Kanmi tiempo wañuchinapaq kantaqmi hampinapaqpas, kanmi tiempo tuñichinapaq kantaqmi hatarichinapaqpas.

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 25:10

Tayta Diosmi Sión moqota atiyninwan waqaychanqa; Moab naciontam ichaqa, wanupatapi qopata hina maymi kasqampi saruparunqa.

Isaías 28:18

Wañuywan contrato ruwasqaykichikpas yanqachasqam kanqa, wañusqakunapa kasqanwan contrato ruwasqaykichikpas manaña kaqmi kanqa; chay manchakuypaq sasachakuy hamuruspanmi sarupasunkichik.

Isaías 28:3

Efraín castapa alabakunan llaqtatam sarupanqa, sinkaruspan coronanmanta hina alabakunan llaqtatam sarupanqa.

Isaías 32:10

Hawkalla kakuq warmikuna, kaymanta wata masninmanmi manchakuymanta katkatatankichik. Uvas pallaymi qollurunqa, cosechapas manañam kanqañachu.

Jeremías 18:11

Chaynaqa, Judá runakunatawan Jerusalenpi yachaqkunata kaynata nimuy: Ñoqa Tayta Diosmi qamkunata castiganaypaq tanteachkani. Chaynaqa, mana allin kawsasqaykichikmanta wanakuspa vidaykichiktawan ruwaynikichikta allichaychik, nispa.

Jeremías 21:4

Israelpa yupaychasqan Tayta Diosmi kaynata nin: Ñoqam Babilonia reypa contranpi peleasqaykichik armakunata kikikichikpa contraykichikpi kutiriykachisaq. Murallaykichikpa hawa lawninmanta atacamuq Caldea runakunatañataqmi kay llaqtapa chawpinman huñurusaq.

Jeremías 28:8

Ñawpaq watakunapim, qamtapas ñoqatapas mamanchik manaraq wachakuwachkaptinchik, llapa profetakuna rimarqaku achka nacionkunapa chaynataq hatun munayniyuqkunapa contranpi; paykunaqa rimarqaku chay nacionkuna guerrawan, sasachakuywan hinaspa peste onqoykunawan ñakarichisqa kananmantam.

Jeremías 45:4

Tayta Diosmi kaynata nisunki: Hatarichisqaytam tuñirachini, plantasqaytam pelaruni. Chaynatam kay pachatapas ruwasaq.

Lamentaciones 1:15

Señormi wischururqa qari-qari soldadoykunata, akllasqa jovenniykunata tukurunanpaqmi tropakunata contraypi huñuramurqa, Señorqa uchkupi uvasta saruchkaq hinam Judá nacionpi sipaskunatapas saruparurqa.

Lamentaciones 2:6

Chukllata hinaraqmi templontapas tuñirachin, huñunakunanku templotam purmarachin, Tayta Diosmi Sionpi fiestakunata qollurachin, samana punchawkunatam qonqarachin. Sinchi piñakuyninpim reytawan sacerdotetapas wischururqa.

Lamentaciones 4:12

Nacionkunapi reykunapas manam creerqakuchu kay pachapi yachaqkunapas manam piensarqakuchu, Jerusalenpa punkunta enemigonkuna yaykunantaqa.

Daniel 8:13

Uyarichkaptiymi huk chuya angelñataq angelmasinta kaynata tapurqa: ¿Haykapikamataq kay qawachisqa kaqkuna kanqa? ¿Haykapikamataq Diosman sapa punchaw ofrenda qoy michakusqa kanqa? ¿Haykapikamataq kay mana kasukusqankurayku purmachisqa kaqkuna kanqa? ¿Haykapikamataq paypa makinman Diospa santuarionpas qosqa kanqa? ¿Haykapikamataq sarupasqa chay chaskakunapas kanqa? nispa.

Oseas 2:12

Uvas plantankunatawan higos sachankunatapas wituchisaqmi. Chaykunamantam pay nirqa: “Kaykunaqa kuyaqniykunapa pagawasqanmi”, nispa. Chaykunata qorayarachiptiymi purun animalkunaña mikunqaku.

Oseas 2:14

Chayraykum kuyakuyllawan rimapayasaq, chunniqman pusaruspaymi sonqonta sumaqllata suwaykusaq.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Apocalipsis 11:2

Ichaqa amam templopa pationtaqa tupumunkichu, chayqa kachkan mana judío kaqkunaman qosqam. Paykunam chay chuya llaqtataqa tawa chunka iskayniyuq killa sarutyaspa munaychakunqaku.