Isaías 5:29 - CHUYA QELLQA La Biblia en Quechua de Ayacucho 2012

²⁹ Leonpa hinam qapariyninkupas, malta leonkunapa hinam qapariyninkupas. Qaparillawanñam mikunankutapas hapinku, mana pipapas qechusqantam apakunku.

Quechua Ayacucho Bible 1987

²⁹ Qapariyninkupas leonpa qapariynin hinaraqmi. Qaparinkupas malta leonpa qapariyninta hinaraqmi. Qaparispam leonqa mikunanpaqpas hapin. Mana pipapas qechusqantam seguro sitioman kallpachin.

Chuya Qellqa 1992

²⁹ Leonpa hinam qapariyninkupas, malta leonkunapa hinam qapariyninkupas. Qaparillawanñam mikunankutapas hapinku, mana pipapas qechusqantam apakunku.

Isaías 5:29 Iomraidhean Croise

Génesis 49:9

Churilláy Judá, uña león hinam qamqa kanki, hapimusqaykiwan saksaspam waqtapanki. Hatun león hinaraq kurkuykuspa siriykuptiki ¿pitaq rikchachisunkiman?

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 31:4

Tayta Diosmi kaynata niwarqa: Imaynam ovejata hapiruspan michiqkuna huñunakuruspa qaparispanku manchachiptinkupas leonqa sunita sayan, chaynam Tukuy Atiyniyuq Tayta Diospas llaqtanta harkaykunanpaq Sión moqoman uraykamunqa.

Isaías 35:9

Chaypiqa manañam leonkunapas kanqachu, tukuy rikchaq purun animalkunapas manañam purinqachu, chay ñannintaqa salvasqakunallañam hamunqaku.

Isaías 42:22

Chaywanpas kay runakunatam llapa imankuta suwaspa sarunku, machaykunapi hinaspa carcelkunapim presocharunku. Qechuchikuptinkupas manam kanchu paykunamanta nanachikuq, suwachikuptinkupas manam kanchu “qasipuychik” nispa harkaqninku.

Isaías 47:15

Chaynam kanqa layqaykikunaqa, warma kasqaykimantaraq layqapusuqnikikunaqa. Sapakamam paykunaqa pantay ñanninkuta pasakunqaku, manam pipas salvayta atisunkichu.

Jeremías 2:15

Malta leonkunam paykunapa contranpi qaparkachanku, manchakuypaqta qaparispam allpankutapas chunnirachinku; llaqtankutapas kañarunkum, manañam pipas yachanñachu.

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Jeremías 49:19

Imaynam Jordán mayupa patanpi montemanta león lloqsispa sumaq pastopa kasqanman kallpan, chaynam ñoqapas qonqaymanta hamuruspay Edom nacionniyuq runakunata ayqerachisaq, hinaptinmi ñoqapa akllasqay runaña paykunapi munaychakunqa. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqapa contraypi hatarinman?

Jeremías 50:17

Israelqa leonkunapa cheqerachisqan chinkasqa oveja hinam. Puntatam Asiria nación mikururqa, paypa qepantañataqmi Babilonia nacionpa reynin Nabucodonosor tullunkunatawanpas katkarqa.

Jeremías 51:38

Leonkuna hinam qaparinqaku, malta leonkuna hinam qaparkachanqaku.

Oseas 11:10

León hinaraq Tayta Dios qapariptinmi paykunañataq qepanta qatikunqaku, león hinaraq qapariptinmi, churinkuna katkatatastin intipa seqaykunan lawmanta hamunqaku.

Amós 3:8

León qaparimuptin, ¿Pitaq mana mancharikunmanchu? Tayta Dios rimariptin, ¿pitaq mana profetizanmanchu?

Miqueas 5:8

Jacobpa mirayninkunamanta puchuqkunam, nacionkunapa llaqtakunapa chawpinpi, purun animalkunapa chawpinpi león hinaraq kanqaku, ovejakunapa chawpinpi uña león hinaraqmi kanqaku, payqa hapiruspanmi tisaparun, paymantaqa manam imapas lluptinmanchu.

Nahúm 2:11

¿Imataq pasarun leonpa machayninta hinaspa uña leonkunapa uchkunta? Chaypiqa leonpas wawankunawan kuskam mana pipa manchachisqan hawka yachakuqku.

Sofonías 3:3

Kamachiqninkunapas piña león hinam, juezninkunapas chunniqpi atoq hinam, paykunaqa manam tullutapas paqarinnintinkamaqa puchunkuchu.

Zacarías 11:3

Michinanku pastokuna chinkarusqanraykum michiqkuna qapariyllawanña waqachkanku, Jordanpa sumaqllaña saqñunkuna tukurusqanraykum leonkuna qaparkachachkanku.

Números 24:9

Israelqa león hinaraqmi kurkuykunpas, china león hinaraqmi waqtapanpas, ¿pitaq rikchachiyta atinman? ¡Bendecisuqnikikuna bendecisqa kachun! ¡Ñakasuqnikikuna ñakasqa kachun! nispa.