Isaías 5:27 - CHUYA QELLQA La Biblia en Quechua de Ayacucho 2012

²⁷ Paykunamantaqa manam mayqanninpas pisipanchu nitaq mitkakunchu. Manam mayqanpas puñuywanqa aysachikunchu nitaq puñunchu, weqaw watankupas manam paskakamunchu, usutankupa watullanpas manam tipimunchu.

Quechua Ayacucho Bible 1987

²⁷ Paykunamantaqa manam mayqanninpas pisipamunchu. Paykunamantaqa manam mayqanninpas mitkamunchu. Manam mayqanpas puñutyanqachu nitaq puñunqachu. Manam mayqanpa chumpinpas paskakamunchu. Manam mayqanpa usutanpa watullanpas tipimunchu.

Chuya Qellqa 1992

²⁷ Paykunamantaqa manam mayqanninpas pisipanchu nitaq mitkakunchu. Manam mayqanpas puñuywanqa aysachikunchu nitaq puñunchu, weqaw watankupas manam paskakamunchu, usutankupa watullanpas manam tipimunchu.

Isaías 5:27 Iomraidhean Croise

1~Reyes 2:5

Qamqa yachankiñam Sarviapa wawan Joabpa imam ruwawasqantapas, paymi Israelpa tropankunapa kamachiqninkunata wañurachirqa: Nerpa churin Abnertawan Jeterpa churin Amasata. Paykunataqa manam guerra tiempopichu wañurachirqa, paykunapa yawarninwanmi weqaw watakunaytawan usutaytapas yawarcharurqa.

Jobwan Sutichasqa Libro 12:18

Reykunatapas mana atiyniyuqtam saqerun, hinaspam mana imayuqta presota apachin.

Jobwan Sutichasqa Libro 12:21

Kamachikuqkunatam penqayman churan, kallpasapakunatam mana kallpayuqta ruwan.

Proverbios 3:23

Ñanta purispapas hawkam purikunki, manam chakikipas haytakunqachu.

Isaías 11:5

Allinkuna ruwayninmi kanqa wasan watakun hina, mana pantaq kayninmi kanqa weqaw watakun hina.

Isaías 45:1

Tayta Diosmi Cirota rey kananpaq sapaqcharqa, nacionkunapi munaychakuspa reykunata tuñichinanpaqmi makinmanta pusamurqa. Tayta Diosmi llaqtakunapa punkunkunata Ciropa ñawpaqninpi kichanqa, manaña pipas wichqayta atinankama. Paytam Tayta Dios kaynata nin:

Isaías 45:5

Ñoqam Tayta Diosqa kani, ñoqamanta sapaq Diosqa manam kanchu. Mana reqsiwachkaptikipas ñoqam kallpanchasqayki.

Daniel 5:6

reyqa llumpayta hukmanyarurqa, manchakuymantam umanmanta chaki pampankama katkatatarqa.

Mateo 3:4

Juanpa pachanqa karqa camellopa pelonmantam, weqaw watanpas qaramantam karqa, mikunanñataqmi karqa aqaruway urukunawan purun abejapa miskin.

Deuteronomio 32:25

Callekunapim churinkupas espadapi wañunqaku, wasinku ukupiñataqmi mancharisqallaña kanqaku; jovenkunawan sipaskunapas, ñuñuq wawakunawan yuyaqkunapas wañunqakum.