Isaías 5:26 - CHUYA QELLQA La Biblia en Quechua de Ayacucho 2012

²⁶ Tayta Diosmi karupi kaq nacionkunapaq banderata sayachin, silbaspam paykunata qayan, paykunañataqmi chaylla hamunku, utqayllamanñam chayaramunku.

Quechua Ayacucho Bible 1987

²⁶ Tayta Diosqa karupi kaq nacionkunapaqmi banderata sayachin. Silbachkaq hinam kay pachapa cantonmanta paykunata hamuchin. Chayllam paykuna pasamunku. Apurawllamanñam chayaramunku.

Chuya Qellqa 1992

²⁶ Tayta Diosmi karupi kaq nacionkunapaq banderata sayachin, silbaspam paykunata qayan, paykunañataqmi chaylla hamunku, utqayllamanñam chayaramunku.

Isaías 5:26 Iomraidhean Croise

Isaías 10:3

¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Isaías 11:12

Banderatam nacionkunapaq sayachinqa, huklaw nacionkunaman apasqa kasqankumantam Israel runakunata huñumunqa. Judá nacionmanta cheqechisqakunatam lliw kay allpa pachapa patanmanta huñumunqa.

Isaías 13:2

Banderata qala orqopa hawanpi sayachiychik, atacanankupaq soldadokunata qayaychik, kamachikuqkunapa punkunman yaykunanpaq makikichikwan señaschaychik.

Isaías 13:3

Sapaqchasqaykunatam kamarachini, piñakuyniyta ruwayman churaq allinnin qari-qari soldadoykunatam qayaramuni, vencesqaywan kusikuqkunatam qayaramuni.

Isaías 13:4

Orqokunapa hawanpim achkallaña runakunapa chaqwakuynin uyarikuchkan, huñunasqa nacionkunapa, llaqtakunapa qapariyninmi uyarikuchkan, Tukuy Atiyniyuq Tayta Diosmi tropankunata guerrapaq yupachkan.

Isaías 13:5

Karu nacionkunamantam hamuchkanku, kay pachapa cantonkunamantam hamuchkanku. Tayta Diosmi piñakuyninwan armasqa hamuchkan, kay pachata purmachinanpaqmi hamuchkan.

Isaías 18:3

Kay pacha muyuriqpi kawsaq runakuna, orqokunapi banderata sayachiptinkum qawankichik, trompetata tocaptinkum uyarinkichik.

Isaías 30:16

aswanraqmi qamkuna nirqankichik: “Caballokunapim ayqekusaqku”, nispa. Chaynaqa, caballokunapichá ayqenkichik. Nirqankichiktaqmi: “Utqayman kallpaq carretakunapim lluptikusaqku”, nispapas. Ichaqa enemigoykichikpas aswan utqaymanraqmi qatisunkichik.

Isaías 31:9

Mancharikuymantam manaña kallpayuq rikurinqaku, capitanninkunapas banderankuta saqespam ayqekunqaku, Tayta Diosmi chaynata nin. Paypaqqa Sión moqopim lenwachkaq ninan kachkan. Jerusalén llaqtapiñataqmi hornon kachkan.

Isaías 39:3

Hinaptinmi profeta Isaías rey Eze-quiasman hamuspan tapurqa: ¿Imamantaq chay runakuna hamusqaku? ¿Maylawtaqsi kanku? nispa. Ezequiasñataqmi nirqa: Paykunaqa karu-karu Babilonia nacionmantaraqmi hamusqaku, nispa.

Isaías 7:18

Chay tiempopim Tayta Dios silbarispa pusamunqa, Egipto llaqtapa mayun patanpi chuspikunata, Asiria llaqtapi abejakunata.

Jeremías 4:13

Qawariychik, enemigoykichikmi puyu hinaña hamuchkan, guerrapaq carretankupas sinchi wayra hinaraqmi hamuchkan, caballonkupas ankamantapas mastaraqmi pawamuchkan. ¡Ay ñoqanchikya, imaynaraq kasunchik!

Jeremías 5:15

Tayta Diosmi kaynata nin: Israelpa mirayninkuna, contraykichikpim runakunata karumantaraq pusamusaq, paykunaqa allinnin qari-qari runakunam, ñawpaq runakunapa castankunam, rimayninkutapas manam yachankichu, nitaqmi rimasqankutapas entiendenkichu.

Jeremías 51:27

Banderata kay nacionpi hoqariychik, nacionkunapi trompetata tocaychik, Babiloniata atacanankupaq nacionkunata alistamuychik. ¡Araratpi, Minipi hinaspa Askenazpi tropakunata hatarichimuychik! Chay tropakunapa capitanninta churaychik. Caballopi silladakunata aqaruway urukunata hinaña hatarichimuychik.

Lamentaciones 4:19

Qatikachawaqniykuqa ankamantapas utqayman kallpaqkunam karqaku, orqokunapim paykunaqa qatikachawarqaku, chunniqkunapim wichinaykupaq trampata churarqaku.

Ezequiel 38:17

Ñoqa Tayta Diosmi kaynata nini: Ñawpaq tiempokunapi serviqniy profetaykunatakama rimaspayqa qanmantam rimarqani, paykunaqa Israelpa profetankunam karqaku, paykunam ñawpaqta Israelpa contranpi qamta pusamunaymanta unay watakuna profetizarqaku.

Joel 2:7

Allinnin qari-qari soldadokuna hinaraqmi kallpanqaku, guerrapaq tropakuna hinaraqmi perqatapas seqanqaku; mana maymanpas muyurispam sapakama maymi rinanku ñanninta rinqaku.

Habacuc 1:8

Caballonkupas, leopardomanta aswan apurawman kallpaqmi, purunpi lobomantapas aswan manchakuypaqmi. Silladankunapas mana yupay atinam, mikunanman anka pawaykuq hinaraqmi enemigonkumanpas karumantaraq pawaykunku.

Zacarías 10:8

Salvaykuspaymi silbarispay paykunata huñurusaq, hinaptinmi pasaq tiempokunapi hinaraq achkallaña kanqaku.

Malaquías 1:11

Ñoqataqa intipa qespimunan lawmanta qallaykuspa intipa seqaykunan lawkamam lliw nacionkuna hatunchawanku, yupaychawanankupaqpas tukuy hinastinpim inciensokunatawan suma-sumaq ofrendakunata kañapuwanku. Llapallan nacionkunapim sutiyqa hatunchasqa. Tukuy Atiyniyuq Tayta Diosmi chay-nata nin.

Deuteronomio 28:49

Tayta Diosmi kay pachapa patanpi kaq nacionta contraykichikpi pusamunqa. Paykunam pawachkaq anka hinaraq hamunqaku; rimayninkutapas manam entiendenkichikchu.