Isaías 5:25 - CHUYA QELLQA La Biblia en Quechua de Ayacucho 2012

²⁵ Chayraykum Diosqa llaqtanpaq llumpayta piñakurqa, makinwanmi wañuyman qaraykurqa, chay ruwasqanwanqa orqokunapas katkatatarqam, ayakunapas callekunapim chuta-chuta mana pipa hoqarisqan karqa. Chaywanpas Señorpa piñakuyninqa manam taninchu, chayllam kachkan castigananpaq.

Quechua Ayacucho Bible 1987

²⁵ Chayraykum runankunapa contranpi anchata Tayta Dios piñakurun. Chayraykum atiyninwan paykunata Tayta Dios castigarun. Chaynapim orqokuna katkatatarqa. Paykunamanta wañuqkunam wanu hina callekunapi wischurayarqa. Chaywanpas payqa hinallam atiyninwan castigananpaq kachkan.

Chuya Qellqa 1992

²⁵ Chayraykum Diosqa llaqtanpaq llumpayta piñakurqa, makinwanmi wañuyman qaraykurqa, chay ruwasqanwanqa orqokunapas katkatatarqam, ayakunapas callekunapim chuta-chuta mana pipa hoqarisqan karqa. Chaywanpas Señorpa piñakuyninqa manam taninchu, chayllam kachkan castigananpaq.

Isaías 5:25 Iomraidhean Croise

1~Reyes 14:11

Llaqtapi wañuq aylluykikunapa ayantapas allqokunam mikunqa, campopi wañuqkunatañataqmi ullachkukuna mikunqa. Ñoqa Tayta Diosmi chaynata nini”, nispa.

1~Reyes 16:4

Aylluykikunamanta llaqtapi wañuqkunataqa allqokunam mikunqa, purunpi wañuqkunañataqmi ullachkukuna mikunqa.

1~Reyes 21:24

Acabpa ayllunkunamantam; llaqtapi wañuqkunata allqokuna mikunqa, campopi wañuqkunatañataq ullachkukuna mikunqa”, nispa.

2~Reyes 13:3

Chayraykum Israel nacionpa contranpi Tayta Dios anchallataña piñakuspan, Siria nacionpa reynin Hazaelman chaynataq churin Ben-adadman unay wata munaychakunanpaq qoykurqa.

2~Reyes 9:37

Jezabelpa ayanqa wanu hinam Jezreel llaqtapi chakrakunata wanuchanqa, manañam pipas: “Kayqa Jezabelmi” ninqakuñachu, nispa.

2~Crónicas 36:16

Paykunam ichaqa Diospa kachasqan runakunamanta asikurqaku, profetakunapa willakusqankutapas mana uyariq tukuspankum burlakurqaku. Chayraykum runankunapa contranpi Tayta Dios piñakururqa manaña ima ruwaytapas atinankukama.

Jobwan Sutichasqa Libro 9:13

Diosqa manam qonqarunchu piñakuynintaqa, Rahabta yanapaqkunapas paypa qayllanpim kumuykunqaku.

Éxodo 7:19

Moisestam Tayta Dios nirqa: Aaronta niy: Tawnaykita hapispa ma-kikita haywariy Egipto nacionpi mayu-kunapa, yarqakunapa, qochakunapa, qocharayaq yakukunapa hinaspa llapa-challan yakukunapa hawanman chaynapi yawaryarunanpaq. Chaymi lliw Egipto nacionpi, kullumanta chaynataq rumimanta yaku churanankupipas yawar kanqa, nispayki.

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 14:19

Qanmi ichaqa mana valeq kallma hina sepulturaykimanta wischurachikamunki, espadawan tuksipaspa wañuchisqankupa pachan hina, sarutyasqa aya kaqlla. Uku-uku uchkumanmi wischusqa karunki.

Isaías 23:11

Lamar qochapa hawanmanmi Tayta Dios makinta haywariykun, tukuy hinastinpi nacionkunatam katkatatachin, Canaán llaqta tuñichisqa kananpaqmi kamachikun.

Isaías 25:11

Moabqa allin nadeaq hinaraqmi haywaykachanqapas, nadeaspa sapa maki hoqariyninmi ukuman apaykunqa, chaynatam Tayta Diosqa hatun tukuyninta tuñichinqa.

Isaías 29:2

Ariel llaqtata, ñoqam sasachakuyman churasqayki, waqakuypi hinaspa sinchi llakikuypim tarikunki, kañapuwanankupaq altar hinam kanki.

Isaías 42:25

Chayraykum piñakuspa paykunata ñakarichirqa, lenwachkaq ninata hinam paykunaman mancharikuypaq guerrata kachaykamurqa, chaywanpas paykunaqa manam kasukurqakuchu; chay ninam paykunata ruparurqa, chaywanpas paykunaqa manam kaqpaqpas hapirqakuchu.

Isaías 51:20

Wawaykikunam manaña kallpayuq rikurirunku, mallapi wichqasqa luwichu hinam callekunapi wischurayachkanku, paykunaqa Diosnikipa piñakuyninwan ñakarichisqam kachkanku.

Isaías 64:3

Mana suyasqayku manchakuypaq kaqkunata ruwaspayki kay pachaman uraykamuptikim, orqokunapas qayllaykipi katkatatarqa.

Isaías 66:15

Tayta Diosqa ninapa chawpinpim hamuchkan, carretankunapas kallpasapa viento hinaraqmi hamuchkan; llumpay piñakuynintam kacharimunqa, lenwachkaq nina hina piñakuyninwami castiganqa.

Isaías 66:24

Lloqsimuspankum contraypi hoqarikuq runakunapa ayankunata qawanqaku. Aychankuta mikuq urukunapas manam wañunqachu, cuerponkuta rupaq ninapas manam tukunqachu. Chaykunaqa llapallan runakunapa millakusqanmi kanqa, nispa. Ñoqa Tayta Diosmi chaynata nini.

Isaías 9:11

Ichaqa Tayta Diosmi hatarichinqa Rezinpa contranpi enemigonkunata, paymi atacanankupaq enemigonkunata hatarichimunqa.

Isaías 9:16

Kayna kamachikuqkunam llaqtata pantarachin, kamachisqan runakunañataqmi pantaypi rikurirun.

Isaías 9:17

Chaymi Señorqa mana llakipayanqachu jovenkunatapas, viudakunatapas, mana tayta-mamayuqkunatapas, llapallanku millakuypaq llullallaña kasqankurayku, chaynataq yanqakunata rimaq kasqankurayku. Chaywanpas Tayta Diosqa, hinallam piñasqa kachkan atiyninwan castigananpaq.

Isaías 9:20

Runaqa alleq lawpi mikuchkaspapas manam saksanchu, ichoq lawpi mikuchkaspapas hinallam yarqaymanta, churinkuta mikuchkaspapas manam contentankuchu.

Isaías 9:21

Manasesmi Efrainta tuñichin Efrainñataqmi Manasesta wichichin, iskayninñataqmi Judá ayllupa contrapi hatarinku. Chaywanpas Diosqa, hinallam atiyninwan castigananpaq kachkan.

Jeremías 15:3

Ñoqa Tayta Diosmi kaynata nini: Tawa castigokunatam paykunaman kachamusaq: Guerrawanmi wañuchisqa kanqaku, allqokunam paykunata llikipanqa, alton pawaq animalkunam paykunata mikunqa, purun animalkunam paykunata tisapanqa.

Jeremías 16:4

Paykunaqa ñakarichikuq onqoykunawanmi wañunqaku, paykunamantaqa manam pipas waqanqachu nitaqmi pipas pampanqachu. Hatun ispay hinam pampapi wischurayanqaku. Guerrawan yarqaywanmi paykunataqa tukurunqa, ayankutapas alton pawaq animalkunawan purun animalkunam mikunqa, nispa.

Jeremías 17:4

Herenciaykichik kananpaq qosqay allpatam saqenkichik, mana reqsisqaykichik nacionpim enemigoykichikkunata servichimusqaykichik, piñakuyniymi nina hina ratarirun kañasunaykipaq.

Jeremías 4:24

Orqokunata qawariptiymi katkatatachkasqaku, qawariptiymi moqokunapas kuyuchkasqaku.

Jeremías 4:8

Chaynaqa, qachqa pachawan pachakuychik, nanaymanta qaparkachaspa waqaychik, Tayta Diospa piñakuyninqa manam qamkunamanta asurinchu.

Jeremías 6:12

Wasinkuwan chakrankupas hukpaqñam kanqa, warminkupas hukpaqñam kanqa. Kay nacionpi yachaqkunata castigaptiymi chaynaqa kanqa.

Jeremías 8:2

Chay tullukunam intiman, kullaman, chaynataq chaskakunamanpas machqepasqa kanqa; chaykunatam paykuna kuyarqaku, servirqaku, qatirqaku, tapukurqaku hinaspa hatuncharqaku. Chay tullukunataqa manam pipas huñunqachu nitaq pampanqachu, wanu hinañam allpa hawanpi qepanqa.

Jeremías 9:22

Runakunapa ayanmi hatun ispay hina chakrakunapi wischurayachkan, rutuqkunapa qepanpi gavillakuna hinam wischurayachkan, manam pipas hoqariq kanchu. Ñoqa Tayta Diosmi chaynata nini.

Lamentaciones 5:22

¿Pasaypaqtachu qepanchakuruwankiku? ¿Pasaypaqtachu contraykupi piñakurunki?

Ezequiel 15:6

Chayraykum ñoqa Tayta Dios kaynata nini: Imaynam uvaspa kaspinta rupananpaq ninaman wischuykunku, chaynatam Jerusalenpi yachaqkunatapas ninaman wischuykusaq.

Ezequiel 30:25

Babilonia nacionpa reyninta kallpanchaptiymi rey Faraonpa makinñataq manaña kallpayuq rikurirunqa. Babilonia nacionpa reyninpa makinman espadayta churaptiymi Egipto nacionpa contranpi hatarinqa. Chaynapim Tayta Dios kasqayta yachanqaku.

Ezequiel 6:14

Paykunata ñakarichinaypaqmi contrankupi hatarisaq, nacionninkutapas sur law chunniqmanta qallaykuspam norte lawpi Ribla llaqtakama pasaypaqta purmarachisaq. Chaynapim ñoqa Tayta Dios kasqayta yachanqaku, nispa.

Daniel 9:16

Señornillayku, allin ruwaq kasqaykiraykuyá akllakusqayki Jerusalén llaqtaykipa contranpiqa amaña piñakuyñachu nitaq rabiakuyñachu. Huchaykuraykum hinaspa ñawpaq taytaykupa mana allinkuna ruwasqankuraykum Jerusalén llaqtaykiwan runaykikunapas muyuriqniykupi nacionkunapa usuchisqan kachkaniku.

Oseas 14:4

Tayta Diosmi kaynata nin: Mana kasukuynikichiktam hampiykusqaykichik, mana pipapas harkakusqanmi kuyasqaykichik, qamkunamantaqa piñakuyniypas ñam karunchakurunña.

Amós 8:8

¿Manachum chayrayku allpapas kuyurinqa? ¿Manachum chaypi yachaq llapa runakuna waqanqaku? Mayu hinaraqmi llimparinqa, llimparispanmi Egiptopi mayu hinaraq yawyarinqa.

Miqueas 1:4

Ninapi chulluchisqa vela hinam orqokunapas chakinpa ukunpi chullurunqa. Achka yakupa wayqorusqan hinam qechwakunapas rakinakunqa.

Nahúm 1:5

Orqokunapas qayllanpiqa katkatatanmi, moqokunapas qayllanpiqa chullurunmi. Allpa pachapas, hawanpi kaqkunapas paypa qayllanpiqa mancharikunmi.

Habacuc 3:10

Orqokunapas rikususpaykim katkatatanku, parapas cielomantam lloqlla hinaraq tallikamun, lamar qochapa ukunkunañataqmi olankuna orqochakuspa hoqarikuptin qaparimun.

Sofonías 1:17

Chay punchawpim runakunata ñakarichisaq, Tayta Diospa contranpi huchallikusqankuraykum ñawsa hinaña purinqaku. Yawarninkupas ñutu allpa hinam pampaman tallikunqa, aychankuñataqmi hatun ispay hina montorayanqa.

Deuteronomio 31:17

Hinaptinmi contrankupi piñakuruspay paykunata saqerusaq. Qepancharuptiymi puchukaytaña qallaykunqaku. Chaymi hatun sasachakuypi hinaspa hatun ñakariypi kaspa ninqaku: “Kay ñakariykunaqa hamuruwanchik Tayta Dios manaña ñoqanchikwan kasqanraykum”, nispanku.

Deuteronomio 31:18

Chayna ñakariypi kaptinkum astawanraq paykunamanta karunchakurusaq, chaynataqa ruwasaq tukuy mana allinkunata ruwaspa idolokunataña yupaychasqankuraykum.

1~Tesalonicenses 2:16

paykunaqa mana judío kaqkuna salvakunankupaq allin noticia willanaykutam harkakuwanku. Chaynata ruwaspankum aswan mastaraq huchankuta llimparichichkanku, ichaqa ñam paykunapaq wiñay castigo chayaramunña.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.