Isaías 5:24 - CHUYA QELLQA La Biblia en Quechua de Ayacucho 2012

²⁴ Imaynam qopata chaylla nina ruparun, imaynam chaki pastota lenwachkaq nina ruparun, chaynam qamkunapas sapinmanta tukusqa kankichik, wayrapa apasqan chaki wayta hina tukusqam kankichik. Chaynaqa, kankichik, Tukuy Atiyniyuq Tayta Diospa yachachikuyninta mana kasukusqaykichikraykum, Israelpa Chuya Diosninpa kamachikuyninkunata wischupakusqaykichikraykum.

Quechua Ayacucho Bible 1987

²⁴ Imaynam qopata nina ratulla ruparun, imaynam chaki pasto lenguachkaq ninaman wichiykurun, chaynam qamkunapas sapinmanta tukusqa hina kankichik. Chaynam qamkunapas wayrapa apasqan chaki wayta hina tukusqa kankichik. Llapallan Kamachiq Tayta Diospa yachachisqankunata mana kasukusqaykichikraykum chaynaqa kankichik. Israelpa Chuya Diosninpa kamachisqankunata despreciasqaykichikraykum chaynaqa kankichik.

Chuya Qellqa 1992

²⁴ Imaynam qopata chaylla nina ruparun, imaynam chaki pastota lenwachkaq nina ruparun, chaynam qamkunapas sapinmanta tukusqa kankichik, wayrapa apasqan chaki wayta hina tukusqam kankichik. Chaynaqa, kankichik, Tukuy Atiyniyuq Tayta Diospa yachachikuyninta mana kasukusqaykichikraykum, Israelpa Chuya Diosninpa kamachikuyninkunata wischupakusqaykichikraykum.

Isaías 5:24 Iomraidhean Croise

2~Reyes 19:22

¿Pitataq kamirqanki? ¿Pitataq ñakarqanki? ¿Pipa contranpitaq qaparispa rimarqanki? ¿Pitataq hatunchakuspa qawarqanki? ¡Israel nacionpa chuya Diospa contranpim chaykunataqa ruwarqanki!

Nehemías 9:26

Paykunam ichaqa mana kasukurqakuchu, contraykipi hatarispankum kamachikuynikita qepancharqaku, qanman kutirikamunankupaq rimapayaqninku profetaykikunatapas wañurachispankum llumpayta piñachisurqanki.

Jobwan Sutichasqa Libro 18:16

Payqa sapinmanta chakiruq sacha hinam kanqa, kallmankuna kuchusqa sacha hinam kanqa.

Jobwan Sutichasqa Libro 8:17

sapinkunapas tukuy qaqa ukunkunakamam chinkaykun, rumikunamanraqmi wankukurun.

Éxodo 15:7

Manchakuypaq atiynikiwanmi contraykipi hatariqkunata chinkarachinki, hatun piñakuynikiwanmi pajata hina ruparachinki.

Éxodo 5:12

Chaymi Israel runakuna, Egipto nacionpi kayman chayman cheqerispanku, pajapa rantinpi rastrojotaña huñumurqaku.

Isaías 1:31

Kallpasapa runapas qopa hinañam rikurirunqa, ruwasqankunapas nina chispa hinañam kanqa, manaña pipas amachaqnin kaptinmi kuskankuña ruparunqa.

Isaías 1:4

¡Ay, huchasapa runakuna imaynaraq kankichik! mana allin ruwaykunawan intusqa runakuna, mana allinlla ruwaq miraykuna, mana penqakuq churikuna. Tayta Diosmantam karunchakurunkichik, Israelpa Chuya Diosnintam piñarachinkichik, hinaspam qepancharunkichik.

Isaías 24:6

Chayraykum kay pachata ñakay intuykun runankunapas chinkanankukama; kay pachapi yachaqkunam qollurun, aschallañam puchurunku.

Isaías 26:11

Dios Taytallayku, qamqa ñakarichinaykipaqmi chaylla kachkanki, paykunam ichaqa mana musyakunkuchu, llaqtaykita llumpay kuyasqaykita qawaspam penqaypi tarikunqaku. Contraykipi kaqkuna ninawan kañasqa kachunku.

Isaías 30:12

Chayraykum Israelpa Chuya Diosnin kaynata nin: Nisqaykunatam qamkuna wischupakunkichik, runamasikichikta ñakarichiypi hinaspa llullakuypim hapipakunkichik, chaykuna ruwasqaykichikpim hapipakunkichik.

Isaías 30:9

Kay runakunaqa mana kasukuq kullukunam, iskay uya llulla miraykunam, Tayta Diospa yachachikuyninta mana uyariy munaqkunam.

Isaías 47:14

Paykunaqa qopa hinallam, ninapa rupasqanmi tukurunqaku; ninamantaqa manam lluptiyta atinqakuchu, chay ninaqa manam ladonpi tiyaspa qonikunapaq sansallachu.

Isaías 7:9

Samaria llaqtaqa Efrainpa otaq Israel nacionpa capitalninmi, Remaliaspa churin Pekañataqmi Samaria llaqtapa reynin. Sichu qamkunapas ñoqapi mana hapipakuspaqa manam unaytaqa takyankichikchu, nispa.

Isaías 8:6

Siria nacionpa reynin Rezinwan kusikuspanku, Remaliaspa churin rey Pekawan kusikuspanku, qasillalla kallpaq Siloé yakuta kay runakuna wischupakusqankuraykum,

Isaías 9:18

Mana allinqa, tukuy rikchaq kichkakunata qorakunata ratachkaq nina hinam, monte sachakunatapas ruparuptinmi chusñankunapas qosninpa chawpinta muyurispa-muyurisparaq wichayman hoqarikun.

Isaías 9:19

Tukuy Atiyniyuq Tayta Dios piñakusqanraykum lliw nacionkuna rupachkan, runakunañataqmi ninapaq yanta hina kachkan. Runakunaqa runamasinta mana kuyapayarikuqñam kachkanku.

Jeremías 6:19

Allpa pacha, qampas uyariy: Tukuy mana allinkunata piensasqankumantam runaykunaman ñakariyta kachamusaq. Paykunaqa manam rimapayasqaytapas kasukurqakuchu, kamachikuyniykunatapas wischupakurqakum.

Jeremías 8:9

Yachaysapakunam penqayman churasqa kanqaku, toqllapa hapisqan animal hinam mancharikunqaku, Tayta Diospa Chuya siminta qepancharuptinkuqa, ¿maypitaq kachkan yachaysapa kayninkuqa?

Ezequiel 15:6

Chayraykum ñoqa Tayta Dios kaynata nini: Imaynam uvaspa kaspinta rupananpaq ninaman wischuykunku, chaynatam Jerusalenpi yachaqkunatapas ninaman wischuykusaq.

Oseas 11:9

Manam imatapas ruwasaq sinchi piñakuyniyman hinachu Efraintapas kaqmantaqa manam chinkachisaqñachu, ñoqaqa Diosmi kani manam runachu, ñoqaqa chawpikichikpi kaq Chuya Diosmi kani; qamkunamanqa manam piñakuywanchu hamusaq.

Oseas 5:12

Pacha mikuq puyu hinam Efraín castakunata tukurusaq, ismuchichkaq hinam Judá castakunatapas chinkarachisaq.

Oseas 9:16

Efrainmi onqorun, sapinmi chakirun manañam rurunqachu. Wawa-churiyuqña kaptinpas chay ancha kuyasqan wawantam wañurachisaq.

Joel 2:5

Orqonkunata pawasqankupas carretakunapa qapariynin hinaraqmi uyarikun, chapra kañasqa toqyachkaq hinaraqmi uyarikun. Paykunaqa rikchakun guerrapaq alistasqa kallpasapa tropakunamanraqmi.

Amós 2:4

Tayta Diosmi kaynata nin: Judá naciontam llumpa-llumpay huchanmanta castigasaqpuni; kamachikuyniykunatapas wischupakuspankum mana kasukurqakuchu, aswanraqmi tayta-mamanku kaqlla paykunapas idolokunata yupaycharqaku.

Amós 2:9

Israel llaqta, ñoqam qamkunata Egiptomanta hurqomurqaykichik, hinaspaymi mana imapa kanan chunniqninta tawa chunka wata pusamurqaykichik. Ñawpaqnikichikpim Amor casta runakunatapas, encina sacha hina allin poqosqa kachkaptinkupas, cedro hina sayayniyuqña kachkaptinkupas, sapinmanta chinkarachispay munaychakunaykichikpaq allpantapas qorqaykichik.

Nahúm 1:10

Kichka hina wankuy-wankuyña kaspankupas sinkakuyninkupa nuyusqanña kaspankupas chakisqa qopa hinam kañasqa kanqaku.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Mateo 3:12

Payqa makinpim hurkitanta apamuchkan, chaywanmi trigota pajanmanta rakinanqa; trigotam taqeman apaykunqa, pajatañataqmi mana amachay atina ninapi kañanqa, nispa.

Lucas 10:16

Qamkunata uyariq runaqa ñoqatam uyariwan, qamkunata wischupakuq runaqa ñoqatam wischupakuwan, ñoqata wischupakuqñataqmi pim kachamuwaqniyta wischupakun, nispa.

Lucas 3:17

Payqa makinpim hurkitanta apamuchkan trigota pajamanta rakinanpaq, trigota taqenman apaykuspam pajatañataq mana amachay atina ninapi kañanqa, nispa.

Lucas 7:30

Fariseokunawan Diospa leynin yachachiqkunam ichaqa mana Juanwan bautizachikurqakuchu, chaynatam paykunapaq Diospa imam munasqanta wischupakurqaku.

Juan 12:48

Pipas ñoqata wischupakuwaspa palabraykunata ma-na chaskiqpaqqa ñam juzgaqnin kach-kanña, ñoqapa palabraykunam paytaqa tukupay punchawpi juzganqa.

Hechos 13:41

“Diospa nisqanmanta asikuqkuna, uyariychik, admirakuspa chinkaychik. Mana creenaykichikpaq kaqkunatam kay punchawkunapi ruwasaq, pipas chaykunamanta willasuptikichikqa manam creewaqchikchu”, nispa.

Deuteronomio 28:24

Tayta Diosmi parapa rantinpi ñutu allpatawan aqotaña parachimunqa pasaypaqta chinkanaykichikkama.

1~Tesalonicenses 4:8

Chaynaqa, kay yachachisqayta wischupakuqqa, manam runatachu wischupakun aswanqa Chuya Espíritu qosuqnikichik Diostam.

1~Samuel 15:23

Layqanakuy hucha hinam Diospa contranpi sayariyqa, idolokunata yupaychay hucha hinam mana kasukuyqa. Chaynaqa, Tayta Diospa Chuya siminta mana kasukusqaykiraykum rey kaynikimanta qarqosunki.

1~Samuel 15:26

Samuelñataqmi nirqa: Manam qanwanqa kutiymanchu. Qamqa Tayta Diospa kamachisusqaykitam yanqacharqanki, chaymi paypas Israel runakunapa reynin kaynikimanta qarqorusunki, nispa.