Isaías 5:23 - CHUYA QELLQA La Biblia en Quechua de Ayacucho 2012

²³ Qamkunaqa qollqeta chaskikuykuspam mana allin ruwaq runata mana huchayuqta hina kachaykunkichik, inocente runamantañataqmi mana imapas qokusunkichikchu.

Quechua Ayacucho Bible 1987

²³ Qamkunaqa qollqeta chaskikuykuspam mana allin ruraq runata mana huchayoqta hina kachaykunkichik. Qamkunaqa qollqeta chaskikuykuspam allin ruraq runapa derechonkunata qechunkichik.

Chuya Qellqa 1992

²³ Qamkunaqa qollqeta chaskikuykuspam mana allin ruwaq runata mana huchayuqta hina kachaykunkichik, inocente runamantañataqmi mana imapas qokusunkichikchu.

Isaías 5:23 Iomraidhean Croise

1~Reyes 21:13

Chaymantam iskay mana allin runakuna hamuruspanku Nabotpa chimpanpi tiyaykurqaku, paykunam llullakuspanku runakunapa qayllanpi Nabotpa contranpi nirqaku: Nabotmi Diostawan reyta insultarun, nispanku. Chaymi llaqtamanta hawaman pusa-ruspanku rumiwan choqapaspa wañurachirqaku.

2~Crónicas 19:7

Chaynaqa, Tayta Diosta kasukuspaykichikyá allinta ruwaychik, Tayta Diosqa manam munanchu mana allin ruwaq kanaykichiktaqa, nitaq pimanpas sayapakuspa soborno chaskinaykichiktapas, nispa.

Proverbios 17:15

Mana allin runata mana huchayuqpaq hapispa inocente runatañataq huchayuqpaq hapiqtaqa Diosmi anchata cheqnin.

Proverbios 17:23

Mana allin ruwaq runaqa allin arreglota qewinanpaqmi pakasqallapi sobornachikun.

Proverbios 24:24

Huchayuq runata “mana huchayuqmi kanki” niq jueztaqa, llaqtakunam ñakanqaku, nacionkunam cheqninqaku.

Isaías 1:23

Kamachiqnikikunapas pasaypaq mana kasukuqkunam, suwakunamanpas sayapakuqkunam. Llapallankum qollqewan rantichikunku, imapas chaskiruyllatam paykunaqa maskanku. Mana piniyuqkunatapas manam nanachikunkuchu, viudakunapa quejantapas manam allichankuchu.

Isaías 10:1

¡Ay, imaynaraq kankichik, mana allin kamachikuykuna decretaqkuna, ñakarichinaykichikpaq kamachikuykunata qellqaqkuna!

Isaías 10:2

Qamkunaqa wakchakunatapas manam nanachikunkichikchu, llaqtaypi ñakariqkunapaqpas manam allin arreglotaqa ruwankichikchu, viudakunapa kapuqnintam suwakunkichik, mana tayta-mamayuqkunapa kapuqnintam qechunkichik.

Isaías 28:7

Ichaqa paykunam vinota upyasqankurayku pantarunku, poqosqa aqata upyaspam tamsakachanku. Sacerdotewan profetapas poqosqa aqawan machaspam tampikachanku, paykunaqa visión rikusqankutam qewirunku, quejapi sentenciaspam pantarunku.

Isaías 29:21

Runamasinta yanqamanta cargochaqkunaqa tukurunqam, cortepi nanachikuqman trampa churaqkunaqa chinkarunqam, mana huchayuq runata allin arreglota mana ruwaspa engañaqkunaqa puchukarunqam.

Isaías 32:7

Millay runaqa mana allinkunallatam ruwan, payqa mana allinkunallatam tantean, chaykunawanmi wakchakunata astawan tuñichin; mana piniyuq runapa allin arreglo mañakusqantam llullakunawan hukmanyachin.

Isaías 59:15

Cheqap rimaymi chinkarun, mana allinmanta rakikuqpatam tukuy imanta suwarunku. Allin ruway manaña kasqanta rikuspanmi Tayta Dios piñakurun.

Amós 5:12

Yachanim millakuypaq huchaykichikkunatawan mana kasukuspa tukuy mana allin ruwasqaykichikkunatapas, yachanitaqmi allin kawsakuq runata ñakarichispa Juezpa ñawpaqninpi wakchakunata juiciopi pierdechinaykichikpaq qollqe chaskikusqaykichiktapas.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Miqueas 7:3

Mana allin ruwaymanmi amañarunku, kamachikuqkunapas pagotam mañakunku, juezkunapas sobornotam chaskikunku, atiyniyuqkuna munasqanta rimaptinkum “allinmi” nispa sayapakunku.

Mateo 23:35

Chaynapim qamkunaman chayasunkichik llapallan allin ruwaq runakunapa yawarnin, allin ruwaq Abelpa yawarninmanta qallaykuspa Berequiaspa churin Zacariaspa yawarninkama. Paytam templomanta altarman rinapi wañurachirqankichik.

Deuteronomio 16:19

Allin arreglo ruwaytaqa amam qewirunkichikchu. Wakin runakunallamanqa amataqmi imaraykupas sayapakunkichikchu. Juez kaspaykichikqa amam sobornotaqa chaskikunkichikchu. Sobornoqa yachayniyuqkunatapas ñawsayachinmi, pantachintaqmi allin ruwaqkunapa rimaynintapas.

Santiago 5:6

Qamkunam mana huchayuq runakunata acusaspaykichik mana harkakuy atichkaqta wañuchirqankichik.