Isaías 5:2 - CHUYA QELLQA La Biblia en Quechua de Ayacucho 2012

² Rumicharuspanmi barbecharqa, miski ruruq uvaspa estacantam plantarqa. Cuidananpaqmi chakrapa chawpinpi chukllata ruwarqa, uvasta sarunapaqmi pozota ruwarqa. Miski uvasta rurunantam payqa suyarqa, ichaqa puchqo uvasllatam cosecharurqa.

Quechua Ayacucho Bible 1987

² Sumaqta barbecharuspanmi ruminkunata rumicharurqa. Miski ruruq uvas estacatam plantarurqa. Cuidananpaqmi chakrapa chawpinpi markayoq chukllata rurarachirqa. Uvas sarunapaq pozotam rurarurqa. Miski uvas rurunantam payqa suyarqa aswanqa puchqo uvasllatam rurururqa.

Chuya Qellqa 1992

² Rumicharuspanmi barbecharqa, miski ruruq uvaspa estacantam plantarqa. Cuidananpaqmi chakrapa chawpinpi chukllata ruwarqa, uvasta sarunapaqmi pozota ruwarqa. Miski uvasta rurunantam payqa suyarqa, ichaqa puchqo uvasllatam cosecharurqa.

Isaías 5:2 Iomraidhean Croise

2~Samuel 7:10

Israel runaykunapaqpas huk sitiotam akllaruniña, chaypim paykunata churasaq manaña pipapas kuyuchisqan kanankupaq; chaypiqa manañam pipas nitaq mana allin runakunapas ñakarichinqañachu,

Nehemías 13:15

Chay punchawkunapim Judá runakunata rikurqani, samana punchawpi vino ruwaqta, trigo qepiqta chaynataq vinota, uvasta, frutakunata, higosta hinaspa tukuy rikchaq qepikunata asnoman cargaspa Jerusalenman apamusqankuta. Chaymi tukuy imata samana punchawpi rantikusqankumanta qaqcharqani.

Éxodo 33:16

Ñoqaykuwan mana riptikiqa, ¿imay-nataq yachasaqku llaqtaykita chaynataq ñoqatapas yanapawasqaykikutaqa? ¿Imapitaq ñoqapas hinaspa runaykikunapas kay pachapi runakunamanta rakisqa kasaqku? nispa.

Isaías 1:8

Uvas chakrapi chuklla hinam Sión llaqtaqa sapallanña qeparun. Pepino chakrapa chawpinpi hatus hinam, enemigonpa muyurusqan llaqta hinam, sapallanña qeparun.

Isaías 5:7

Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Jeremías 11:17

Ñoqa Tukuy Atiyniyuq Tayta Diosmi sacha plantachkaq hina qamkunata plantarqaykichik. Israel nacionpi chay-nataq Judá nacionpi yachaqkuna, contraykichikpim castigokunata kachamusaq mana allinkunata ruwasqaykichikrayku. Qamkunam piñachiwarqankichik Baal idoloman inciensota kañapuspaykichik.

Jeremías 2:21

Allinnin akllasqa uvasta hinam plantarqayki, miski uvaspa kallmanta hinam tarpurqayki, ¿imanasqataq purun uvasmanqa tikrakurunki? ¿Imanasqataq manaña reqsipay uvas plantaqa rikurirunki?

Oseas 10:1

Israelqa sumaqllaña ruruq uvas hinam, ichaqa achkanpi rurusqanman hinam idolokunata aswanraq mirachispan sumaq altarkunata ruwakurqa.

Miqueas 4:8

Ancha kuyasqay Jerusalén llaqtayta waqaychaq Sión moqo, huktawanmi llaqtaypa capitalnin kanki, huktawanmi ñawpaqta hina kuyayllapaq kanki.

Números 23:9

Kay alto orqokunamantam paykunata qawarini, kay moqokunamantam paykunata rikuykuni. Paykunaqa wakin nacionkunamanta sapaqchakuspa yachaq runakunam.

Mateo 21:19

Chaymi ñanpa patanpi higosta rikuruspan asuykurqa. Ichaqa manam ima rurutapas tarirqachu aswanqa llaqellantam. Chayraykum chay higosta nirqa: ¡Kunanmantaqa manañam haykapipas rurunkiñachu! nispan. Hinaptinmi chaypunilla chay higos chakirurqa.

Mateo 21:33

Kay rikchanachiytawanyá uyariychik: Huk runam chakranpi uvasta plantaruspan muyuriqninta perqarachirqa, vinota ruwananpaqpas huk pozotam ruwachirqa, hinaspam cuidananpaq huk torreta ruwarurqa. Chaymantam chakra llamkaqkunaman arriendakuruspan illarurqa.

Mateo 21:34

Cosecha tiempo chayaramuptinmi chay arriendaqninkunamanta tupaqninta mañamunankupaq serviqninkunata kacharqa.

Marcos 11:13

chaymi karullamantaraq llaqesapallaña higosta rikururqa, hinaspam “icha ima rurullanpas kachkan” nispan asuykurqa, ichaqa manaraq tiempon kasqanraykum mana ima rurutapas tarirqachu, aswanqa llaqellantam.

Marcos 12:1

Rikchanachiykunawan yacha-chispanmi Jesús nirqa: Huk runam chakranpi uvasta plantaruspan muyuriqninta perqarachirqa, vino ruwananpaqpas huk pozotam ruwachirqa, hinaspam cuidanankupaq huk torretapas ruwachirqa. Chaymantam llamkaqkunaman chakranta arriendakuruspan karuta illarurqa.

Marcos 12:2

Cosecha tiempo chayaramup-tinmi, arriendaqninkunamanta tupaqnin-ta mañamunanpaq serviqninta kachar-qa.

Romanos 9:4

Paykunaqa Diospa churichakuykusqan Israelpa mirayninkunam. Diosmi hatu-hatun sumaq kayninta paykunaman qawachirqa, hinaspam pactota ruwarqa, leytawan promesankunata qospanmi imaynam yupaychanankupaq yachachirqa.

1~Corintios 9:7

¿Pitaq soldado kanman kikinmanta gastakuspan? ¿Pitaq uvasta tarpuspa mana rurunta mikunmanchu? ¿Pitaq ovejata uywachkaspan mana lechenta tomanmanchu?

Deuteronomio 32:6

Mana yuyayniyuq mana yachayniyuq runakuna, ¿chaynatachu Tayta Diosman pagapunkichik? ¿Manachum payqa taytaykichik karqa? ¿Manachum payqa unanchasuqnikichik karqa? Paymi unanchaspa takyachisurqankichik.

Jueces 16:4

Chaymantam Sansonqa, Sorec wayqopi yachaq Dalila sutiyuq warmitaña kuyarurqa.