Isaías 5:19 - CHUYA QELLQA La Biblia en Quechua de Ayacucho 2012

¹⁹ Paykunaqa ninkuraqmi: Diosqa apurawmanñayá ruwanankunata tukuchun qawananchikpaq, Israelpa Chuya Diosninqa tanteasqankunatayá chaylla cumplichun reqsinanchikpaq, nispa.

Quechua Ayacucho Bible 1987

¹⁹ Qamkunam ninkichik: Diosqa apurawmanñayá tukuchun ruranankunata qawananchikpaq, nispa. Israelpa chuya Diosninqa tanteasqankunatayá chaylla cumplichun reqsinanchikpaq, nispa.

Chuya Qellqa 1992

¹⁹ Paykunaqa ninkuraqmi: Diosqa apurawmanñayá ruwanankunata tukuchun qawananchikpaq, Israelpa Chuya Diosninqa tanteasqankunatayá chaylla cumplichun reqsinanchikpaq, nispa.

Isaías 5:19 Iomraidhean Croise

Isaías 30:11

Chay ñanta saqeychik, allin ruwaymanta rakikuychik, amaña Israelpa Chuya Diosninwan uyapurachiwaykuchu, nispanku.

Isaías 66:5

Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Jeremías 17:15

Runakunam kaynata niwachkanku: ¿Imataq pasarun Tayta Diospa nisqankunawan? Kunanyá cumplikuchun, nispanku.

Jeremías 23:18

Ichaqa ¿mayqannintaq paykunamanta Tayta Diospa qayllanpi kaspan palabranta uyarirqa? ¿Mayqannintaq simintapas sumaqta uyarispan kasukurqa?

Jeremías 23:36

Amañam ninkichikñachu: “Kaymi Tayta Diospa palabran” nispaqa. Pipas chaynata rimaptinqa kikinpa sasachakuyninpaqmi kanqa. Qamkunaqa yupaychasqanchik Tukuy Atiyniyuq Tayta Diospa nisqantam qewirunkichik.

Jeremías 36:23

Rollopi qellqasqa palabrakunata iskay-kimsa rayata Jehudí leeruptinmi reyqa cuchillowan kuchuparurqa, hinaspanmi qonikusqan sansaman wischuykurqa. Chaynata ruwaspanmi tukunankama chay rollota kañarurqa.

Ezequiel 12:22

Runapa churin, ¿ima ninantataq Israelpa mirayninkuna nichkanku: “Punchawkuna pasaptinpas profetapa rimasqanqa manam cumplikunchu”, nispankuqa?

Ezequiel 12:27

Runapa churin, Israelpa miray-ninkunam nichkanku: Profetapa rimas-qankunaqa haykapiraqya cumplikunqapas, nispanku.

Oseas 10:3

Hinaptinmi chayraq ninqaku: Tayta Diosta mana kasukusqanchikraykum mana reyniyuq rikurirunchik, reyniyuqraq kaptinchikpas ¿imatataq rey ñoqanchikpaq ruwanman? nispanku.

Malaquías 2:17

Tayta Diosqa amirunñam mañakusqaykichiktapas. Ichaqa qamkunam tapukunkichikraq: ¿Imatañataq nirunchik amiruwananchikpaqqa? nisparaq.