Isaías 5:17 - CHUYA QELLQA La Biblia en Quechua de Ayacucho 2012

¹⁷ Apukunapa purmasqa chakrankunapipas purunpi hinañam cabrakunawan ovejakunallaña mikunqaku.

Quechua Ayacucho Bible 1987

¹⁷ Hinaptinmi ovejakuna echaderonkupipas mikunqaku. Apukunapa purmasqa chakrankunapipas llutanpi puriq ovejakunañam mikunqaku.

Chuya Qellqa 1992

¹⁷ Apukunapa purmasqa chakrankunapipas purunpi hinañam cabrakunawan ovejakunallaña mikunqaku.

Isaías 5:17 Iomraidhean Croise

Nehemías 9:37

Allpapa achkallaña rurunkunapas reykunapañam rikurirun, huchaykuraykum paykunaña ñoqaykumantapas munaychakuchkanku, ñoqaykupipas chaynataq animalniykupipas paykunañam munasqankuta ruwachkanku; chayraykum hatun ñakariypi kachkaniku, nispanku.

Isaías 1:7

Nacionnikichikmi purmachkan, llaqtaykichikkunam ninawan rupachkan, qawasqaykichikpi hinam tarpusqaykichiktapas qayllaykichikpi huklaw runakuna mikuchkan, enemigoykichikkunapa purmachisqanraykum allpaykichikpas chunnichkan.

Isaías 10:16

Chayraykum Tukuy Atiyniyuq Diosqa kallpasapa runankunata eqoyachinqa, hatu-hatunllaña kaynintam lenwachkaq ninawan hina ruparachinqa.

Isaías 17:2

Aroer llaqtaqa mana runayuqñam chunninqa, animalkunapa mikunanñam kanqa, mana pipa manchachisqanmi chaypiqa animalkunallaña puñunqa.

Isaías 32:14

Palaciopas chunninqam, achkallaña runayuq llaqtapas chunninqam, mana yaykuy atina murallankunawan torrenkunapas wiñaypaq saqesqam kanqa; chaypiqa monte asnokunallañam kusisqa yachanqaku, uywakunallañam chaypiqa mikunqaku.

Isaías 40:11

Ovejankunata michinanpaqmi hamunqa, uñachankunatam marqayninpi apanqa, chayllaraq wachakuq ovejakunatam allillamanta pusanqa.

Isaías 65:10

Sarón pampapas ovejakunapa huntasqanñam kanqa, Acor qechwapas uywakunapa mikunanñam kanqa, maskaqniy runakunapaqmi chayna kanqa.

Isaías 7:25

Kichkasapa qorakunata manchakuspankum, azadonwan ñawpaqta llamkananku moqokunamanqa manañam pipas yaykunqachu. Chay chakrakunaqa servikunqa torokunata michinankupaq, hinaspa ovejakuna sarupanallanpaqñam.

Jeremías 5:28

Wirayaruspankum lluchkay-lluchkay uyayuqraq kachkanku, mana allinkuna ruwasqankupas manaña yupay atinam, mana tayta-mamayuqkunapaqpas manam allin arreglotaqa ruwankuchu, wakchakunatapas manam nanachikunkuchu.

Lamentaciones 5:2

Tukuy imayku kaqpas huklaw llaqtayuqkunapa makinpiñam, wasiykupas mana reqsisqayku runakunapañam.

Oseas 4:16

Israelpa mirayninkuqa, qamkunaqa manaraq mansasqa loca vaquilla hinam kankichik, chaynaqa, ¿imaynataq Tayta Diospas ovejakunata hina sumaq pastopiraq michisunkichikman?

Oseas 8:7

Paykunaqa wayratam tarpurunku ichaqa sinchi para wayratam cosechanqaku. Wiñaq trigonkupas manam rurunqachu chayraykum harinankupas manaña kanqachu, trigota cosecharuptinkupas huklaw llaqtayuq runakunam mikukunqaku.

Miqueas 2:12

Jacobpa mirayninkuna cheqaptapunim huñunasqaykichik, Israelmanta puchuqkunatam huñumusaq. Ovejakunata corralman huñuchkaq hinam huñusqaykichik, pastokunapi huñuchkaq hinam huñusqaykichik, hinaptinmi waranqantin-waranqantin runakuna hinaraq qaparinkichik.

Sofonías 2:14

Wasinpa qerunkunatapas hurqoruptinkum ovejakunawan purun animalkunallaña puñunqaku, pilarninkunapipas tukuwan erizollañam yachanqaku, ventanankunapiwan qawiñankunapipas pakpakakunallañam waqanqaku.

Sofonías 2:6

Lamar qochapa patanpi llaqtam sumaq pastopa kanan allpaman tikrasqa kanqa, oveja michiqkunam chaypi huñunakunqa, ovejakunapa kanchanñam kanqa,

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Deuteronomio 28:33

Chakraykimanta cosechasqaykikunatawan llamkaspa huñusqaykikunatapas mana reqsisqayki runakunam mikukunqaku. Sarutyasqa kaspam chaylla-chaylla ñakarinki.

Deuteronomio 32:15

Ichaqa Jesurunmi wirayaruspan haytakuqllaña rikurirurqa, wiranpas wiswirinankamam anchallataña poqorurqa; hinaspam unanchaqnin Tayta Diosta saqerurqa, waqaychaqnin qaqatam wischupakururqa.