Isaías 5:16 - CHUYA QELLQA La Biblia en Quechua de Ayacucho 2012

¹⁶ Tukuy Atiyniyuq Tayta Diosmi ichaqa allin arreglo ruwasqanmanta hatunchasqa kanqa. Chuya Diosmi allinkuna ruwasqanwan chuya kasqanta reqsichikunqa.

Quechua Ayacucho Bible 1987

¹⁶ Aswanqa Llapallan Kamachiq Tayta Diosmi allin arreglo rurasqanwan hatunchakunqa. Chuya Diosmi allinkuna rurasqanwan chuya kasqanta reqsichikunqa.

Chuya Qellqa 1992

¹⁶ Tukuy Atiyniyuq Tayta Diosmi ichaqa allin arreglo ruwasqanmanta hatunchasqa kanqa. Chuya Diosmi allinkuna ruwasqanwan chuya kasqanta reqsichikunqa.

Isaías 5:16 Iomraidhean Croise

1~Crónicas 29:11

Dios Taytalláy, mayna hatunmi qamqa kanki, mayna hatunmi atiynikipas, mayna sumaqmi kanki, mayna kuyayllapaqmi kanki, mayna munayniyuqmi kanki; cielopi kaqkunapas qamllapam, kay pachapi kaqkunpas qamllapam. Dios Taytalláy, qamllam tukuy imapi munaychakuqqa kanki.

Isaías 12:4

Chay punchawmi ninkichik: Graciasta qospa Tayta Diosman qaparispa takiychik, tukuy ima ruwasqankunata lliw llaqtakunaman reqsichiychik, sutin hatunchasqa kasqanta yuyariychik.

Isaías 2:11

Hatun tukuq runakunapas uchuychasqam kanqaku, hatunchakuqkunapas kumuykachisqam kanqaku. Chay tiempopiqa Tayta Diosllañam hatunchasqa kanqa.

Isaías 2:17

Hatun tukuq runakunam uchuychasqa kanqaku, hatunchakuq runakunam tuñichisqa kanqaku. Chay tiempopiqa Tayta Diosllañam hatunchasqa kanqa.

Isaías 2:9

Kayna penqaypim runakuna tarikun, kayna mana allintam ruwarunku, paykunataqa ama pampachayñachu.

Isaías 28:17

Plomadawan hinam allin arreglota ruwasaq, nivelwan hinam allin kawsakuyta ruwasaq. Llullakuy amparoykichiktapas runtu param tukurunqa, pakakunaykichiktapas yakum tuyturunqa.

Isaías 29:23

aswanqa mirayninkunam llaqtankupi imam ruwasqayta qawaspanku Chuya Dios kasqayta reqsinqaku, hinaspam ñoqata, Israelpa Diosninta manchakuwanqaku.

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Isaías 33:10

Tayta Diosmi kaynata nin: Kunanmi ñoqa hatarisaq, kunanmi ñoqa hatunchasqa kasaq, kunanmi ñoqa alabasqa kasaq.

Isaías 33:5

Hanaq pachapi yachakuq Tayta Diosmi hatunchasqa kachkan, Sión llaqtatam mana pimanpas sayapakuywan chaynataq allinkuna ruwaywan huntaykun.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 6:3

Paykunam qaparispa ninakurqaku: Chuyam, chuyam, chuyam Tukuy Atiyniyuq Tayta Diosqa. Llapallan kay pachapas atiyninwan huntasqam kachkan, nispanku.

Isaías 61:8

Ñoqa Tayta Diosqa allin ruwaytam kuyani, suwakuytawan mana allin ruwaykunatam ichaqa cheqnini. Hapipakunaykichik kasqayraykum imam kaqta pagapusqaykichik, hinaspaymi qamkunawan wiñaypaq pactota ruwasaq.

Isaías 8:13

Tukuy Atiyniyuq Tayta Diosllata chuyapaqqa hapiychik, payllata kasukuspa hatunchaychikpas.

Ezequiel 20:41

Qamkunatam nacionkunapi llaqtakunapi cheqesqa kasqaykichikmanta hurqomusqaykichik, hinaspam llapa nacionkunapa qayllanpi miski asnaq ofrendata hina chaskispay chuya kasqayta reqsichisqaykichik.

Ezequiel 28:22

Ñoqa Tayta Diospa nisqayta kaynata niy: Sidón llaqta contraykipim kachkani, qampa chawpikipim hatunchasqa kasaq. Contraykipi sentenciaspa castigaptiymi chuya kasqayta reqsiwanki. Chaynapim Tayta Dios kasqayta yachanqaku.

Ezequiel 28:25

Ñoqa Tayta Diosmi kaynata nini: Cheqechisqa kasqanku nacionkunamanta Israelpa mirayninkunata huñumuspaymi, nacionkunapa qawasqanta chuya kasqayta paykunaman qawachikusaq, chaynapim Israelpa mirayninkunaqa serviqniy Jacobman qosqay allpapi yachanqaku.

Ezequiel 36:23

Llapa nacionkunapa chawpinpi penqayman churasqaykichik sutiytam paykuna qawasqanta chuyanchasaq. Chaynapim Tayta Dios kasqayta yachanqaku. Ñoqa Tayta Diosmi chaynata nini.

Ezequiel 38:16

hinaspam Israel llaqtayta atacanki. Yaw Gog, allpatapas puyu hinaraqmi tapaykunki. Chay tukupay punchawkunapim llaqtaypa contranpi pusamusqayki, chaynapim qamnintakama paykunapa qayllanpi chuya kasqayta qawachikuptiy wakin nacionkuna, pim kasqayta reqsiwanqaku.

Ezequiel 38:23

Chaykunawanmi atiyniytawan chuya kayniyta achka nacionkunaman qawachisaq, hinaptinmi Tayta Dios kasqayta yachanqaku.

Daniel 4:37

Chayraykum ñoqa Nabucodonosor hanaq pachapi Reyta alabaspay hatunchani, paytam yupaychanipas, paypaqqa tukuy ima ruwasqankunapas cheqapmi, payqa allinkuna ruwaqmi, hatun tukuqkunatapas payqa uchuychanmi.

Levítico 10:3

Hinaptinmi Tayta Diospa imam nisqanta Aaronman Moisés kaynata nirqa: Pipas asuykamuwaqniymanqa chuya kasqaytam qawachisaq, llapallan runakunapa qayllanpitaqmi yupaychasqa kasaq, nispa. Chaymi Aaronqa upallalla karqa.

Números 20:13

Chay yakutam Meriba nispa suticharqaku. Chaypim Israelpa mirayninkuna Tayta Dioswan atipanakurqaku, chaypitaqmi chuya kasqanta paykunaman qawachirqa.

Romanos 2:5

Ichaqa rumi sonqo kaspayki hinaspa mana wanakuyta munaspaykim, juicio punchawpi castigasqa kanaykipaq Diospa piñakuyninta kikillayki huñukuchkanki. Chay punchawpim cheqap kaqman hina juzgasqanta Dios qawaykachikunqa.

1~Pedro 1:16

Qellqasqam kachkan: “Chuyayá kaychik, imaynam ñoqapas chuya kasqayrayku”, niq.

1~Pedro 2:15

Kaymi Diospa munayninqa: Allin kaqta ruwaspa, mana yachayniyuq runakunapa rimasqanta upallachiymi.

1~Pedro 3:15

Aswanqa Señorninchik Cristotayá sonqoykichikpi hatunchaychik, hinaspayá tukuy tiempo chaylla kaychik imam iñisqaykichikmanta haykam tapusuqnikichikta tupaqninpi kutichikunaykichikpaq, chaytaqa uchuy-chakuspa hinaspa respetowan ruwaychik.

Apocalipsis 3:7

Filadelfia llaqtapi iglesiapa angelninman kaynata qellqay: Chuya kaqmi, Cheqap kaqmi, Davidpa llaven hatalliqmi chaynataq kichaptiyqa manam pipas wichqanmanchu, wichqaptiyqa manam pipas kichanmanchu niqmi, kaynata nin:

Apocalipsis 4:8

Chay tawantin kawsaqkunaqa kasqa soqta raprayuqkamam, raprankunañataqmi kasqa hawanpipas ukunpipas ñawikunawan huntasqa, paykunam tuta punchaw mana samaykuspa nirqaku: “¡Chuyam, chuyam, chuyam Tukuy Atiyniyuq Señor Diosqa, payllam ñawpaq kaqpas, kunan kaqpas chaynataq hamuq kaqpas!” nispanku.