Isaías 5:13 - CHUYA QELLQA La Biblia en Quechua de Ayacucho 2012

¹³ Chaynaqa, mana yachayniyuq kasqanraykum llaqtayqa huklaw nacionman presochasqa rinqa. Paykunamanta reqsisqa runakunam yarqaymanta wañunqaku, llapallankum yakumanta chakinqaku.

Quechua Ayacucho Bible 1987

¹³ Chayna runaykunam huklaw nacionman presochasqa rinqaku. Paykunamanta reqsisqa runakunam yarqaymanta wañunqaku. Llapallan runakunam yakumanta chakirunqaku.

Chuya Qellqa 1992

¹³ Chaynaqa, mana yachayniyuq kasqanraykum llaqtayqa huklaw nacionman presochasqa rinqa. Paykunamanta reqsisqa runakunam yarqaymanta wañunqaku, llapallankum yakumanta chakinqaku.

Isaías 5:13 Iomraidhean Croise

2~Reyes 17:6

Isqon wataña rey Oseas munaychakuchkaptinmi, Asiria nacionpa reyninqa Samaria llaqtata venceruspan Israel runakunata presocharuspan Asiria nacionman aparqa, hinaspam Halah llaqtapi, Habor mayupa patanpi kaq Gozán llaqtapi chaynataq Media nacionpa llaqtankunapi churarqa, chaypiña yachanankupaq.

Proverbios 10:21

Allin runapa siminqa achkaqtam yachachin, mana yachayniyuqñataqmi mana yachayniyuq kayninpi wañun.

Isaías 1:3

Toropas dueñontaqa reqsinmi, asnopas dueñompa ruwapusqan corraltaqa reqsinmi. Israel llaqtaymi ichaqa mana reqsikuq hinaspa mana uyarikuq rikurirun.

Isaías 1:7

Nacionnikichikmi purmachkan, llaqtaykichikkunam ninawan rupachkan, qawasqaykichikpi hinam tarpusqaykichiktapas qayllaykichikpi huklaw runakuna mikuchkan, enemigoykichikkunapa purmachisqanraykum allpaykichikpas chunnichkan.

Isaías 23:9

Tukuy Atiyniyuq Tayta Diosmi chaynata tantearqa, chaypi llapallan hatunchakuqkunata penqayman churananpaq, kay pachapi llapallan hatun tukuqkunata mana kaqman churananpaq.

Isaías 27:11

Sachapa kallmanpas chakiruspaqa pakirunmi, warmikunam chaykunata huñuruspa ninata ratachinku. Mana yachayniyuqmi kay llaqtaqa, chayraykum unanchaqninpas mana llakipayanqachu, nitaqmi paykunataqa kuyapayanqachu.

Isaías 3:1

¡Allinta qawarikuychik! Tukuy Atiyniyuq Tayta Diosmi Jerusalén llaqtamanta chaynataq Judá nacionmanta, mikuy apamuqninkunata qechunqa; qechunqataqmi tantatawan yakutapas.

Isaías 3:3

capitankunatawan ancha reqsisqa runakunata, consejaqkunatawan sumaq obra ruwakunata, suerte tikraqkunatawan layqakunatapas.

Isaías 44:19

Manam yachankuchu nitaqmi yuyaymanankuchu. “Kay kullupa partenta rupachispaymi tantata sansanpi ruwarqani, aychatapas kankaruspaymi mikurqani. Parten kullumantañataqmi kay millakuypaq idolota ruwaruni. Kay yupaychasqayqa kullumanta ruwasqallam”, nispa ninankupaqqa.

Isaías 49:21

Chaymi sonqoykipi kaynata ninki: “¿Pitaq ñoqapaq kaykunata wachakurqa? Ñoqaqa mana wawayuq qolluqmi karqani, qarqosqa hinaspa preso apasqam karqani. ¿Pitaq kaykunata qespichirqa? Ñoqaqa sapallayñam qeparurqani, ¿maypitaq paykunaqa karqaku?”, nispa.

Isaías 65:13

Chayraykum ñoqa Tayta Dios kaynata nini: Serviqniykunaqa mikusqam kanqaku, qamkunañataqmi yarqaymanta kankichik; serviqniykunam yakuta tomanqaku, qamkunañataqmi yakumanta ñakarinkichik; serviqniykunaqa kusisqam kanqaku, qamkunañataqmi penqaypi tarikurunkichik.

Jeremías 14:18

Chakrakunaman lloqsispaymi espadawan wañuchisqakunata tarini, llaqtaman yaykuspaymi yarqaymanta wañuqkunata tarini, profetakunawan sacerdotekunam mana reqsisqa nacionkunaman pasakunku.

Jeremías 14:3

Apukunam criadonkuta yakuman kachanku, qochakunamanmi kallpanku, ichaqa manam yakuta tarimunkuchu; vacío puyñu aysarisqam kutimunku. Mana tarimuspankum penqakuymanta uyankuta tapakunku.

Jeremías 8:7

Alton pawaq cigüeñapas yachanmi haykapim kutimuyta, kullkupas, wayanakuypas, chiwakupas yachanmi huklawman astakuyta. Runaykunam ichaqa ñoqa Tayta Diospa kamachikuyniykunata mana yachankuchu.

Lamentaciones 4:9

Yarqaymanta wañuqkunamantaqa guerrapi wañuqkunaraqmi aswan allinqa, kaykunaqa mikunankupaq kawsay manaña kaptinmi allimanta wañurqaku.

Ezequiel 7:12

Tiempom chayaramunña, chay punchawmi hichparamunña. Imapas rantiqqa ama kusikuchunchu, rantikuqpas ama llakikuchunchu. Israelpa hatun tukuynintam piñakuyniywan castigasaq.

Oseas 4:6

Mana yachayniyuq kasqanraykum llaqtayqa chinkachisqa karqa. Yachachikuyniyta wischupakusqaykiraykum sacerdote kaynikimantapas qarqorusqayki; Diosnikipa kamachikuyninkunata qonqarusqaykiraykum ñoqapas miraynikikunata qonqarusaq.

Amós 8:13

Kuyayllapaq sipaskunam, kallpanpi jovenkunam, chay punchawqa yakumanta wañunayanqaku.

Lucas 19:44

Pasaypaq tuñichisqam kanki, runaykikunatapas lliwtam wañuchinqaku. Rumikikunapas manam chullapas perqasqaqa puchunqachu, salvaqniki Diosta mana reqsikusqaykirayku, nispan.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.

2~Pedro 3:5

Paykunaqa llullankutam mana yachayta munankuchu, Diospa rimariy-llanwan hanaq pachaqa ñawpaq tiem-popi unanchasqa kasqanta chaynataq kay pachapas yakullamanta rikurichisqanta hinaspa yakupa chawpinpi takyachisqantapas.