Isaías 5:12 - CHUYA QELLQA La Biblia en Quechua de Ayacucho 2012

¹² Convido ruwasqaykichikpipas arpakunata, bombokunata, qenakunatam tocankichik, vinopas puchu-puchum; Tayta Diospa ruwasqantam ichaqa mana qawarinkichikpaschu, Diospa tukuy ima ruwasqantaqa manam kaqpaqpas hapinkichikchu.

Quechua Ayacucho Bible 1987

¹² Taksa arpawan, hatun arpawan fiesta ruraqkunaqa, tinyawan, qenawan, achka vinowan fiesta ruraqkunaqa manam qawarinkuchu Tayta Diospa rurasqanta. Manam cuentata qokunkuchu paypa unanchasqankunamanta.

Chuya Qellqa 1992

¹² Convido ruwasqaykichikpipas arpakunata, bombokunata, qenakunatam tocankichik, vinopas puchu-puchum; Tayta Diospa ruwasqantam ichaqa mana qawarinkichikpaschu, Diospa tukuy ima ruwasqantaqa manam kaqpaqpas hapinkichikchu.

Isaías 5:12 Iomraidhean Croise

Génesis 31:27

¿Imanasqataq upallalla ayqeramurqanki? kaywanqa engañaruwankim. Willawankimanchiki karqa chaynapi takiwan, tinyawan, arpawan fiestata ruwaspa aviamunaypaq.

2~Samuel 19:35

Pusaq chunka watayuqñam kani, mikusqaypa tomasqaypa gustontapas manañam musyaniñachu, qaripa otaq warmipa takisqan uyariytapas manañam atiniñachu, yanqañachá ñoqataqa nanachikuwankimanpas.

Jobwan Sutichasqa Libro 34:27

Chaytaqa ruwan paymanta rakikurusqankuraykum, kamachikuyninkunata mana kasukusqankuraykum.

Isaías 22:13

Ichaqa kusikuyllawanñam fiestakunataraq ruwakunkichik, torokunatawan carnerokunata nakakuspam aycha mikukuypi hinaspa vino upyakuypi kakunkichik. Chaywanpas ninkichikraqmi: “Mikukusun, upyakusun, paqarinmi wañukusun” nisparaq.

Isaías 24:8

Tamborwan kusikuyninkum qollurun, kusikuyllapiña chaqwakuyninkum tukurun, arpakunapa miskillaña waqayninmi upallarun.

Isaías 29:1

Ay, Ariel, Ariel llaqta, Davidpa samarinan llaqta, fiestaykikunapas hinaraqyá iskay-kimsa watakunakama qatinaslla kachun.

Isaías 5:19

Paykunaqa ninkuraqmi: Diosqa apurawmanñayá ruwanankunata tukuchun qawananchikpaq, Israelpa Chuya Diosninqa tanteasqankunatayá chaylla cumplichun reqsinanchikpaq, nispa.

Isaías 56:12

Paykunam ninku: “Hamuychik vinota upyakusun, poqosqa aqata sinkananchikkama upyakusun; paqarinpas kunan punchaw hinam kanqa, kunanmantapas aswan allin punchawraqmi kanqa”, nispanku.

Ezequiel 26:13

Suma-sumaq takikikunatapas qollurachisaqmi, arpaykikunapa waqayninpas manam uyarikunqañachu.

Daniel 5:23

Aswanraqmi qamqa hanaq pachapi kaq Diospa contranpi hoqarikurqanki. Templonpi vasokunata aparachimuspaykim ancha reqsisqa runaykikunawan, warmikikunawan hinaspa churiwachaykikunawan, chay vasokunapi vinota upyakuchkankichik. Hinaspam qollqemanta, qorimanta, broncemanta, fierromanta, kullumanta, rumimanta idolokunata yupaycharqanki. Chay idolokunaqa mana qawakuqmi, mana uyarikuqmi hinaspa mana ima musyaqmi. Kawsachisuspayki tukuy ruwasqaykita nanachikuq Diostam ichaqa mana yupaycharqankichu.

Lucas 16:19

Huk apu runam karqa, paymi ancha preciopa chanin fino pachakunawan churakuq, paymi sapa punchaw munayllapaqña convidokunata ruwachiq.

1~Corintios 14:7

Sichum tocanakunamanta qenapa, arpapa waqayninku huk tonolla kaptinqa, ¿imaynatataq yachachwan arpa kasqanta otaq qena kasqantapas?

Judas 1:12

Paykunaqa kuyanakuy fiestapi convidoykichiktapas qanrachanmi, qamkunawan kuska mikuspankupas mana penqarikuspam mikunku. Mana allin michiq hinam kikillankuta michikunku. Paykunaqa kanku, kayman chayman wayrapa apaykachasqan mana yakuyuq puyu hinam. Paykunaqa chirawpi mana ruruyuq sapinmanta chutasqa sacha hina iskaykama wañusqam kachkanku.

1~Samuel 12:24

Kayllatam nikichik: Tayta Diosllata cheqaptapuni tukuy sonqowan serviychik. Amayá qonqaruychikchu qamkunapaq imapas tukuy allinkuna ruwasqantaqa.