Isaías 49:8 - CHUYA QELLQA La Biblia en Quechua de Ayacucho 2012

⁸ Tayta Diosmi kaynata nin: Allin punchawkuna kachkaptillanraqmi uyariykuyki, salvanay punchawpim yanapaykuyki. Waqaychaspaymi llaqtakunawan qamnintakama pactota ruwanaypaq churasqayki, chaynapi tuñisqa llaqtakunata hatarichinaykipaq, purmachisqa allpakunata hapispa rakinaykipaq,

Quechua Ayacucho Bible 1987

⁸ Tayta Diosmi kaynata nin: Favorecenay tiempopim contestasqayki. Salvanay punchawpim yanapasqayki waqaychasqaykim hinaspam churasqayki contrato ruranaypaq. Churasqaykim qamnintakama runaykunawan contrato ruranaypaq. Chaynapim yapamanta hatarichinki nacionta. Huktawanmi dueñochachinki purmachisqa allpakunata.

Chuya Qellqa 1992

⁸ Tayta Diosmi kaynata nin: Allin punchawkuna kachkaptillanraqmi uyariykuyki, salvanay punchawpim yanapaykuyki. Waqaychaspaymi llaqtakunawan qamnintakama pactota ruwanaypaq churasqayki, chaynapi tuñisqa llaqtakunata hatarichinaykipaq, purmachisqa allpakunata hapispa rakinaykipaq,

Isaías 49:8 Iomraidhean Croise

2~Samuel 7:13

Paymi wasiytaqa ruwapuwanqa, ñoqañataqmi munaychakuyninta wiñaypaq takyachisaq.

Isaías 26:3

Dios Taytalláy, qamllapi tukuy sonqonwan hapipakuspa mana iskayrayaq runatam qamqa hawkallata waqaychanki.

Isaías 27:3

Ñoqa Tayta Diosmi chay uvas chakrata sapa kutilla parqopayaspa waqaychani. Mana imapas pasananpaqmi tuta punchaw waqaychani.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 42:1

Kayqaya akllakusqay serviqniyqa, ñoqam payta kallpanchasaq, payraykum kusisqa kachkani. Espirituytam payman huntani, mana pimanpas sayapakuspam nacionkunata kamachinqa.

Isaías 42:6

Ñoqa Tayta Diosmi qayarqayki, makikimantam hapisqayki, waqaychaspaymi runakunawan pacto ruwasqay kanaykipaq churasqayki, nacionkunata kanchanaykipaqmi churasqayki.

Isaías 44:26

Serviqniykunapa rimasqantam ichaqa cumplichini, kachasqaykunapa willakuyninkutapas allintam qespichini, chaymi ima ruwayninkupas allin lloqsin. Jerusalentam nini: Llaqtayankim nispay; Judatañataqmi nini: Kaqllamantam hatarichisqa kanki, tuñichisqa perqaykikunatam musoqmanta hatarichisaq, nispay.

Isaías 49:19

Llaqtaykiqa tuñichisqa, chunnichisqa hinaspa purmachisqa kachkaspapas, achkallaña runayuqmi kanqa, ñakarichisuqnikikunapas qanmanta karunchasqam kanqa.

Isaías 51:16

Cielokunatam mastarirqani, kay pachatam takyachirqani. Simikimanmi palabraykunata churarqani, makiypa llantuyninwanmi harkarqayki. Sionpi yachaqkunatam nini: “Llaqtaymi qamqa kanki”, nispay.

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Isaías 54:3

Alleqmanpas ichoqmanpas mastarikunkim, miraynikikunam achka nacionta hapikuykunqaku, purmachisqa llaqtakunapim yachakunqaku.

Isaías 55:6

Tarinapaqraq kachkaptinyá Tayta Diosta maskaychik, hichpallapiraq kachkaptinyá Tayta Diosta qayakuychik.

Isaías 57:13

Maynataña qayakuptikipas millakuypaq idoloykikunaqa manam librasunkichu, chaykunataqa sinchi wayram aparuspa chinkarachinqa. Ñoqapi hapipakuqkunam ichaqa herencianpaq allpata chaskinqaku, ñoqapaq sapaqchasqa orqopim yachanqaku.

Isaías 58:12

Miraynikikunam tuñisqa kaqkunata musoqmanta perqanqaku, ñawpaq cimientasqankutam takyachinqaku, hinaptinmi qamta sutichasunki: “Tuñichisqa perqakunata allichaq, purmasqa wasikunata musoqmanta hatarichiq”, nispa.

Isaías 58:5

Qamkunaqa tanteankichik ayunoqa ñakarispa totora hina kumurayana kasqantam, qachqa pachawan pachakuruspa chay punchaw uchpapi wischurayana kasqantam. ¿Chaykuna ruwaytachu qamkuna ayunom ninkichik? ¿Chaykunata ruwaspachu Tayta Diospa agradoypaq ayuno punchawmi ninkichik?

Isaías 61:2

Tayta Diospa kuyapayakuynin watamanta willakamunaypaq, enemigonchikmanta Diospa vengakunan punchawmanta willakamunaypaq, llapallan llakisqakunata consuelamunaypaq.

Isaías 61:4

Ñawpaqmantaraq tuñichisqa llaqtakunatam musoqmanta hatarichinqaku, ñawpaq watakunapi purmachisqakunatam musoqmanta tiyarichinqaku, ñawpaq miraykunapa purmachisqankunatam musoqyachinqaku.

Isaías 65:9

Jacobpa churinkunatam mirachisaq, Judapa mirayninkunam orqoykunata hapikuykuspanku chaypi yachanqaku, akllakusqaykunam chay allpata chaskinqaku, serviqniykunam chaypi yachanqaku.

Mateo 26:28

Kayqa musoq pactota ruwasqay yawarniymi. Kay yawarmi achkaqpa rantinpi chaqchusqa kanqa, chaynapi huchanku pampachasqa kananpaq.

2~Corintios 6:2

Paymi nin: “Chaskina tiempopim uyarirqayki, salvanay punchawpim yanaparqayki”, nispa. Kunanqa chaskina tiempoñam, kunanqa salvanan punchawñam.

Efesios 1:6

Kaytaqa ruwarqa hatu-hatun kuya-payakuyninwan Churinrayku bendeciwasqanchikmanta Diosta sapa kuti yupaychananchikpaqmi.

Hebreos 12:24

musoq pactoman pusawaqninchik Jesusmanpas chaynataq chaqchusqan yawarninmanpas. Paypa yawarninqa Abelpa yawarninmantapas aswanraqmi yachachiwanchik.

Hebreos 5:7

Cristoqa kay pachapi kawsaspanmi qaparispan hinaspa waqaspan ruegakuyllawanña wañuymanta libray atiqnin Diosta mañakurqa, chaymi Diosqa payman sonqo kasqanrayku uyariykurqa.

Hebreos 8:6

Sumo sacerdotenchik Cristom ichaqa Diospa churasqanman hina, aswan allin llamkayta chaskirqa, paynintakamam aswan allin pactota chaskinchik. Chay pactopim aswan allin promesakunata qowarqanchik.