Isaías 49:5 - CHUYA QELLQA La Biblia en Quechua de Ayacucho 2012

⁵ Unanchawaqniy Tayta Diosmi manaraq nacechkaptiy payta servinaypaq qayawarqa, Jacobta payman kutirichinaypaqmi churawarqa, Israel llaqtata payman huñunaypaqmi akllawarqa. Tayta Diosmi hatunchaqniyqa, Tayta Diosmi kallpanchaqniyqa.

Quechua Ayacucho Bible 1987

⁵ Tayta Diosmi unanchawarqa payta servinaypaq. Mamaypa ukunpim unanchawarqa payta servinaypaq. Jacob castata payman kutirichinaypaqmi churawarqa. Israel castata payman huñunaypaqmi churawarqa. Tayta Diospa qayllanpim alabasqa karqani. Diospa kallpanchasqanmi karqani. Chaymi Tayta Dios kaynata nin:

Chuya Qellqa 1992

⁵ Unanchawaqniy Tayta Diosmi manaraq nacechkaptiy payta servinaypaq qayawarqa, Jacobta payman kutirichinaypaqmi churawarqa, Israel llaqtata payman huñunaypaqmi akllawarqa. Tayta Diosmi hatunchaqniyqa, Tayta Diosmi kallpanchaqniyqa.

Isaías 49:5 Iomraidhean Croise

Nehemías 8:10

Chaymantam Esdras nirqa: Rispaykichikyá allinnin mikuykunata mikuspa miskin vinota tomamuychik, hinaspayá mana mikunayuq kaqkunamanpas apachiychik. Kunan punchawqa Señorninchikpaq sapaqchasqa punchawmi. Ama llakikuychikchu, Tayta Diospa kusikuyninmi kallpanchikqa, nispa.

Isaías 11:12

Banderatam nacionkunapaq sayachinqa, huklaw nacionkunaman apasqa kasqankumantam Israel runakunata huñumunqa. Judá nacionmanta cheqechisqakunatam lliw kay allpa pachapa patanmanta huñumunqa.

Isaías 12:2

Diosnilláy, qanmi kanki salvaqniyqa, qamllapim hapipakusaq, ñoqallayqa manañam manchakusaqchu, amparoypas takiypas qamllam kanki, qamllam salvaqniyqa kanki, nispa.

Isaías 25:1

Dios Taytalláy, Diosniymi kanki; sutikita hatunchaspam yupaychayki, ñawpaqmanta admirakuypaq prometesqayki kaqkunatam ruwayman churarunki.

Isaías 27:12

Chay punchawmi Tayta Diosqa, Eufrates mayumanta Egipto wayqopi mayukama, trigota saruchkaq hina sarunqa, qamkunam ichaqa chulla-chullamanta akllasqa kankichis.

Isaías 43:4

Qamtaqa allinpaqmi qawayki ancha kuyasqaymi kanki, rantikipim runakunata pagarqani, vidaykiraykum nacionkunata qoykurqani.

Isaías 44:2

Mamaykipa wiksanpi paqarichisuqnikim, unanchasuspayki yanapaqniki Tayta Diosmi kaynata nin: Serviqniy Jacobpa mirayninkuna, akllakusqay Jesurún llaqta, ama manchakuychu.

Isaías 49:1

Lamar qochapa patanpi nacionkuna, karu llaqtapi kaq runakuna uyariychik: Tayta Diosqa manaraqpas nacechkaptiymi qayawarqa, mamaypa wiksanpi kachkaptiymi sutiyta rimarirqa.

Isaías 50:4

Tayta Diosmi yachachiwarqa, pisipasqakunata sumaq rimaykunawan kallpanchanaypaq, sapa tutapaytam rinrillayta kichaykun, imam rimasqanta allinta uyarinaypaq.

Isaías 52:13

Serviqniyqa ima ruwasqanpipas vencenqam, payqa ancha hatunchasqam kanqa, payqa ancha reqsisqam kanqa, altoman hoqarisqam kanqa.

Isaías 56:8

Israel runakunata preso kasqankumanta kutichimuq Tayta Diosmi kaynata nin: Chay kutichimusqay llaqtamanmi huk runakunatawanraq huñumusaq, nispa.

Jeremías 1:5

Mamaykipa wiksanpi manaraqpas unanchachkaspaymi reqsirqaykiña, manaraqpas nacechkaptikim qamtaqa sapaqcharqaykiña; nacionkunapa profetan kanaykipaqmi akllarqaykiña.

Zacarías 6:13

Tayta Diospa templonta musoqmanta hatarirachispanmi Rey kanqa, hatunchasqa kaspam trononmanta kamachikunqa, sacerdotepas trononpa waqtanpim tiyanqa, hinaspam iskayninku hawkalla kawsakunqaku, nispa.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Mateo 15:24

Chaymi Jesús nirqa: Taytayqa kachamuwan Israelpa mirayninkunamanta kaq chinkasqa ovejakunallamanmi, nispan.

Mateo 17:5

Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa: Paymi kuyasqay Churiy, payraykum kusisqa kachkani. Payta uyariychik, nispa.

Mateo 23:37

¡Jerusalén, Jerusalén! ¡Profetakunata wañuchispam qanman kachamusqakunata rumiwan chamqapanki! ¡Hayka kutitataq wawaykikunata huñuykuyta munarqani! imaynam chiwchinkunata wallpa rapran ukupi oqllaykuq hina, ichaqa manam munarqankichu

Mateo 28:18

Chaymi Jesusñataq paykunaman asuykuspan nirqa: Diosmi tukuy atiyta qoykuwan hanaq pa-chapipas chaynataq kay pachapipas.

Mateo 3:17

Hinaptinmi hanaq pachamanta huk rimariy uyarikurqa: “Paymi kuyasqay Churiy, payraykum kusisqa kachkani”, nispa.

Lucas 19:42

¡Ima allinraq kanman kay punchawpi hawkayaynikipaq kaqta entiendeptikiqa! Kunanmi ichaqa qanmanta pakasqaraq kachkan.

Juan 3:35

Taytaqa Churinta kuyaspanmi tukuy imatapas makinman churaykun.

Hechos 10:36

Diosmi Israelpa mirayninkunaman allin noticiata willa-chirqa, Jesucristontakama Dioswan allinyanakunankupaq; Jesucristoqa llapallanchikpa Señorninchikmi.

Romanos 15:8

Kaywanqa nichkaykichik Cristoqa judiokunata servinanpaqmi hamurqa hinaspa Diosqa cheqap kasqanta qawachinanpaqmi. Payqa hamurqa ñawpaq taytanchikkunaman Diospa promesan qosqanta cumplinanpaqmi.

Gálatas 1:15

Aswanqa manaraq nacechkaptiymi munasqanman hina Dios sapaqchawarqa hinaspam llumpay kuyakuyninwan qayaykuwarqa.

1~Pedro 3:22

Paymi hanaq pachaman wicharispan Diospa alleqninpi kachkan, paytam kasunku angelkunapas, autoridadkunapas chaynataq atiyniyuqkunapas.