Isaías 49:1 - CHUYA QELLQA La Biblia en Quechua de Ayacucho 2012

¹ Lamar qochapa patanpi nacionkuna, karu llaqtapi kaq runakuna uyariychik: Tayta Diosqa manaraqpas nacechkaptiymi qayawarqa, mamaypa wiksanpi kachkaptiymi sutiyta rimarirqa.

Quechua Ayacucho Bible 1987

¹ Tayta Diospa serviqnin Israel castam kaynata nin: Uyariychik lamar qochapa patanpi nacionkuna. Atiendeychik karu llaqtapi kaq runakuna: Manaraqpas nacechkaptiymi Tayta Dios qayawarqa. Mamaypa wiksanpi kachkaptiymi sutiyta rimarirqa.

Chuya Qellqa 1992

¹ Lamar qochapa patanpi nacionkuna, karu llaqtapi kaq runakuna uyariychik: Tayta Diosqa manaraqpas nacechkaptiymi qayawarqa, mamaypa wiksanpi kachkaptiymi sutiyta rimarirqa.

Isaías 49:1 Iomraidhean Croise

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 24:15

Chayraykuyá intipa qespimunan lawpi kaqkunapas Tayta Diosta hatunchaychik, lamar qocha patanpi kaqkunapas, Israelpa yupaychasqan Tayta Diospa sutinmantam rimarinku.

Isaías 33:13

Karupi kaqkuna, imam ruwasqaymanta uyariychik. Hichpapi kaqkuna, Tukuy Atiyniyuq kasqayta reqsiychik, nispa.

Isaías 41:1

Tayta Diosmi kaynata nin: Lamar qochapa patanpi nacionkuna qayllaypi upallaychik, llapa llaqtakuna kallpanchakuychik, huñunakamuychik allinta rimananchikpaq, chaynapi pim cheqap kasqanta yachananchikpaq.

Isaías 42:12

Tayta Diosta hatunchaychik, hatunchasqa kasqanta lamar qochapa patankunapi willakuychik.

Isaías 44:2

Mamaykipa wiksanpi paqarichisuqnikim, unanchasuspayki yanapaqniki Tayta Diosmi kaynata nin: Serviqniy Jacobpa mirayninkuna, akllakusqay Jesurún llaqta, ama manchakuychu.

Isaías 44:24

Reclamaqniki Tayta Diosmi, manaraqpas nacechkaptiki unanchasuqnikim kaynata nin: Ñoqaqa tukuy imapas unanchaq Tayta Diosmi kani, ñoqam cielokunata mastarirqani, mana pipapas yanapasqanmi kay pachata takyachirqani.

Isaías 45:22

Tukuy hinastinpi yachaqkuna ñoqaman hamuwaychik, ñoqam lliw runakuna salvaq Diosqa kani, manam sapaq Diosqa kanchu.

Isaías 45:3

Pakasqa qori-qollqekunatam qosqayki, Israelpa Tayta Diosnin kasqayta yachanaykipaq; pakaspa waqaychasqa kaqkunatam qosqayki, sutikimanta qayaqniki kasqayta yachanaykipaq.

Isaías 46:3

Jacobpa mirayninkuna uyariwaychik, Israel nacionmanta puchuqkuna uyariwaychik: Manaraq nacechkaptikichikmi ñoqa qepikacharqaykichik, nacesqaykichik punchawmantam marqakacharqaykichik.

Isaías 49:12

Qawariychik, karukunamantaraqmi hamuchkanku: Wakinmi norte lawmanta, wakinmi intipa seqaykunan lawmanta, wakinkunañataqmi Sinim lawmanta.

Isaías 49:5

Unanchawaqniy Tayta Diosmi manaraq nacechkaptiy payta servinaypaq qayawarqa, Jacobta payman kutirichinaypaqmi churawarqa, Israel llaqtata payman huñunaypaqmi akllawarqa. Tayta Diosmi hatunchaqniyqa, Tayta Diosmi kallpanchaqniyqa.

Isaías 51:5

Allin ruwanay punchawmi hichpamuchkanña, salvanay punchawmi chayamuchkanña, atiyniywanmi llaqtakunapi munaychakusaq. Lamar qochapa patanpi llaqtakunam ñoqamanta suyanqaku, atiyniypim hapipakunqaku.

Isaías 52:13

Serviqniyqa ima ruwasqanpipas vencenqam, payqa ancha hatunchasqam kanqa, payqa ancha reqsisqam kanqa, altoman hoqarisqam kanqa.

Isaías 55:3

Ñoqaman asuykamuspa uyariwaychik, uyariwaspaykichikqa kawsankichikmi. Qamkunawanmi pactota wiñaypaq ruwasaq, rey Davidta kuyasqayraykum payman prometesqaykunata cumplisaq.

Isaías 57:19

Ñoqa Tayta Diosmi llapallankuta rimachisaq: “Karupi kaqkunapas, hichpapi kaqkunapas hawkallayá kachunku”, nispa. Llaqtaytaqa ñoqam hampisaq.

Isaías 60:9

Lamar qochapa patanpi nacionkunam ñoqapi hapipakuspa hamuchkanku, Tarsis lawmanta barcokunam ñawpamuchkanku, miraynikikunata karumanta apamuspam hamuchkanku, qori-qollqenkutawan kuskatam apamuchkanku. Ñoqa Tayta Diosta yupaychaqmi hamuchkanku, reqsisqataña ruwasuqniki Israelpa Chuya Diosninraykum hamuchkanku.

Isaías 66:19

Paykunamanmi huk señalta qosaq. Wañuymanta lluptiqkunatam kay nacionkunaman kachasaq: Tarsis llaqtaman, Libia llaqtaman, flechana arma manejaq Lidia llaqtaman, Tubal llaqtaman Grecia llaqtaman, hinaspa lamar qochapa patankunapi karu nacionkunamanpas. Chaypi kaq runakunaqa manam haykapipas ñoqamanta uyarirqakuchu, nitaqmi atiyniytapas reqsinkuchu. Paykunam chay nacionkunaman atiyniymanta willamunqaku.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Jeremías 1:5

Mamaykipa wiksanpi manaraqpas unanchachkaspaymi reqsirqaykiña, manaraqpas nacechkaptikim qamtaqa sapaqcharqaykiña; nacionkunapa profetan kanaykipaqmi akllarqaykiña.

Sofonías 2:11

Tayta Diosmi paykunapa contranpi manchakuypaqta hatarinqa, kay pachapi llapallan idolokunatam chinkarachinqa, hinaspanmi tukuy hinastinpi payllaña yupaychasqa kanqa, lamar qochapa chawpinpi llaqtakunapas paytam yupaychanqaku.

Lucas 1:15

Payqa Diospa qayllanpipas llumpay hatunchasqam kanqa. Manam vinotapas nitaq ima sinkachikuqtapas tomanqachu. Manaraq nacechkaspanmi Chuya Espiritupa huntasqanña kanqa.

Lucas 1:31

Ku-nanmi wiksayakuspayki qari wawata wachakunki, paytam Jesuswan sutichanki.

Juan 10:36

Taytam sapaqchawaspan ñoqata kay pachaman kachamuwarqa, chaynaqa, ¿imaynataq ninkichik qamkunaqa: “Diostam kamichkan” nispaykichikqa, “Diospa Churinmi kani” nisqayraykuqa?

Gálatas 1:15

Aswanqa manaraq nacechkaptiymi munasqanman hina Dios sapaqchawarqa hinaspam llumpay kuyakuyninwan qayaykuwarqa.

Efesios 2:17

Cristom hamuspan hawkayay allin noticiata willasurqankichik, Diosmanta karupi kaqkunamanpas chaynataq hichpapi kaqkunamanpas.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

1~Pedro 1:20

Chaynata wañunanpaqqa manaraqpas kay pacha unanchasqa kachkaptinmi citasqaña karqa, ichaqa kay tukupay tiempokunapim kuyasusqaykichikrayku rikurimurqa.