Isaías 48:8 - CHUYA QELLQA La Biblia en Quechua de Ayacucho 2012

⁸ Mana uyarikuq kasqaykiraykum chaykunataqa mana uyarirqankichu, nitaq yacharqankichu, Reqsikim pasaypaq iskay uya kasqaykita, nacesqaykimantapuni mana kasukuq kasqaykita.

Quechua Ayacucho Bible 1987

⁸ Chaykunamantaqa manam uyarirqankichu. Nitaqmi chaykunamantaqa yacharqankichu. Ñawpaqmantapas rinrikiqa manam kichakurqachu. Reqsikim pasaypaq traicionaq kasqaykita. Yacharqanim mana kasukuqwan sutichasqa kasqaykita.

Chuya Qellqa 1992

⁸ Mana uyarikuq kasqaykiraykum chaykunataqa mana uyarirqankichu, nitaq yacharqankichu, Reqsikim pasaypaq iskay uya kasqaykita, nacesqaykimantapuni mana kasukuq kasqaykita.

Isaías 48:8 Iomraidhean Croise

Isaías 21:2

Llumpay manchakuypaqmi Diospa qawachiwasqanqa: Iskay uyakunam traicionachkanku, wichichiqkunam tuñichichkanku. ¡Elam llaqta hatariy! ¡Media runakuna, Babilonia llaqtata chinkachinaykichikpaq muyuriychik! Ñakariytam puchukachisaq.

Isaías 26:11

Dios Taytallayku, qamqa ñakarichinaykipaqmi chaylla kachkanki, paykunam ichaqa mana musyakunkuchu, llaqtaykita llumpay kuyasqaykita qawaspam penqaypi tarikunqaku. Contraykipi kaqkuna ninawan kañasqa kachunku.

Isaías 33:1

¡Ay, imaynaraq kankichik, purmachiq kachkaspa mana purmachisqakuna, traicionaq kachkaspa mana traicionasqakuna! Purmachiyta tukuruspam qampas purmachisqa kanki, traicionayta tukuruspam qampas traicionachikunki.

Isaías 42:25

Chayraykum piñakuspa paykunata ñakarichirqa, lenwachkaq ninata hinam paykunaman mancharikuypaq guerrata kachaykamurqa, chaywanpas paykunaqa manam kasukurqakuchu; chay ninam paykunata ruparurqa, chaywanpas paykunaqa manam kaqpaqpas hapirqakuchu.

Isaías 46:8

Yaw, mana kasukuqkuna, kayta yuyariychik: “Qamkunaqa rikchapakuspayá allinta yuyaymanariychik”.

Isaías 47:11

Ñakariymi chayamusunki, manam maymanta hamusqantapas yachankichu, chay llakimantaqa layqa kaynikipas manam harkasunkichu; qonqayllamantam tuñichisunki, chayna tarikuruytaqa manam yachakurqankichu.

Isaías 48:4

Llumpay rumi sonqo kasqaykita yachaspaymi, matankaykipas fierro hina kasqanta yachaspaymi, umaykipas bronce hina kasqanta qawaspaymi,

Isaías 48:7

Kunan punchawkunallapi unanchasqakunatam uyariykachiki, kunankama manaraq uyarisqayki kaqkunatam uyariykachiki. Chaynaqa, manam niwaqchu: “Yacharqaniñam” nispaqa.

Isaías 50:5

Tayta Diosmi kasukuq kanaypaq rinrillayta kichaykun, kasukuspaymi mana qepaman kutirqanichu.

Isaías 57:4

¿Pimantataq asikurqankichik? ¿Pitataq simikichikwan hatunmanta kutipakurqankichik? ¿Pitataq qallupayarqankichik? Qamkunaqa mana kasukuq llulla miraykunam kankichik.

Jeremías 3:20

Ichaqa qosanta saqeruq warmi hinam rakikuruwankichik. Israelpa mirayninkuna, ñoqa Tayta Diosmi chaynata nikichik.

Jeremías 5:11

Israel nacionwan Judá nacionmi qepancharuwanku. Ñoqa Tayta Diosmi chaynata nini.

Jeremías 5:21

Yaw, mana yachayniyuq runakuna, yaw, mana yuyaymanayniyuq runakuna, kayta uyariychik: Qawakuchkaspapas manam rikukunkichikchu, uyarichkaspapas manam kasukunkichikchu.

Jeremías 6:10

Chaymi nirqani: ¿Pitataq rimapayasaq? ¿Pimantaq willasaq? ¿Pitaq uyariwanman? Rinrinkum tapasqa kachkan, chayraykum paykunaqa uyariyta mana atinkuchu; palabraykimantapas penqakunkum, chayraykum mana uyariyta munankuchu.

Oseas 5:7

Mana reqsisqa runakunapa churinta wachakuspam ñoqa Tayta Diosta qepancharuwankichik; chayraykum qamkunapas kapuqnikichikkunapas huk killallapi tukusqa kankichik.

Oseas 6:7

Paykunaqa Adán hinam pacto ruwasqayta mana kasukunkuchu. Chaynapim ñoqata qepanchawanku.

Oseas 7:9

Huklaw nación runakunam paykunapa kallpanta tukurun, ichaqa manam musyakunkuchu; umankupas soqoyarunñam ichaqa manam musyakunkuchu.

Malaquías 2:11

Judá nacionmi Tayta Diosta qepanchakurun, Israel nacionpiwan Jerusalén llaqtapipas millakuypaq kaqkunallatam ruwachkanku. Judá nacionmi Diospa templonta millakuypaq huchata ruwaspan qachacharun, qarikunapas huklaw nacionkunapa diosninkunata yupaychaq warmikunawanmi casarakurunku.

Efesios 2:3

Ñawpaqtaqa lliwmi ñoqanchikpas kawsarqanchik mana allin piensasqanchikkunaman hina munasqallanchikpi purikuspa hinaspa aychapa munasqallanta ruwaspa, chayraykum llapa runakunawan kuska castigopaqña karqanchik.

Deuteronomio 31:16

Hinaptinmi Moisesta Tayta Dios nirqa: Qamqa wañukunkiñam, ichaqa kay runakunam maymi risqanku allpapi, hukwan tupakuruq casada warmi hina mana reqsisqanku dioskunata qatinqaku. Saqeruwaspankum paykunawan ruwasqay pactotapas yanqacharunqaku.

Deuteronomio 31:18

Chayna ñakariypi kaptinkum astawanraq paykunamanta karunchakurusaq, chaynataqa ruwasaq tukuy mana allinkunata ruwaspa idolokunataña yupaychasqankuraykum.