Isaías 48:6 - CHUYA QELLQA La Biblia en Quechua de Ayacucho 2012

⁶ Tukuy chaykunata uyarichkaspa chaynataq rikuchkaspachu, ¿chaykunaqa cheqap kasqanta mana willakunki? Kunanmi musoq kaqkunata uyariykachiki, mana yachasqayki pakasqa kaqkunatam uyariykachiki.

Quechua Ayacucho Bible 1987

⁶ Uyarirqankim chaykunata. Chaynaqa qawarikuy sumaqta. ¿Manachum willakunki chaykuna cheqap kasqanta? Kunanmi ichaqa uyarichisqayki mosoq asuntokunata. Willasqaykim mana yachasqayki pakasqa kaqkunata.

Chuya Qellqa 1992

⁶ Tukuy chaykunata uyarichkaspa chaynataq rikuchkaspachu, ¿chaykunaqa cheqap kasqanta mana willakunki? Kunanmi musoq kaqkunata uyariykachiki, mana yachasqayki pakasqa kaqkunatam uyariykachiki.

Isaías 48:6 Iomraidhean Croise

Isaías 21:10

Erapi trillasqa trigo hina llaqtalláy, Israel llaqtapa Diosninmanta, Tukuy Atiyniyuq Tayta Diosmanta uyarisqaytam willaykichik.

Isaías 42:20

Tukuy imata qawachkaspapas mana kaqpaqpas hapiqmi, rinrinwan uyarichkaspapas mana imapas qokuqmi.

Isaías 42:8

Ñoqam kani Tayta Dios, chaymi sutiy. Hukkuna hatunchanankutaqa manam munanichu, ñoqallatam yupaychawanankuqa, manam idolokunatachu.

Isaías 42:9

Ñawpaqmantaraq rimasqaykunam cumplikurunña, kunanñataqmi musoq kaqkunataña willasqaykichik; manaraq rikurimuchkaptinmi willasqaykichikña.

Isaías 43:19

Ñoqam musoq kaqta ruwasaq, hichpallañam kachkan rikurimunanpaq ¿manachu musyankichik? Chunniqpim ñanta kichasaq, chaki allpakunapim mayukunata kallpachisaq.

Isaías 48:7

Kunan punchawkunallapi unanchasqakunatam uyariykachiki, kunankama manaraq uyarisqayki kaqkunatam uyariykachiki. Chaynaqa, manam niwaqchu: “Yacharqaniñam” nispaqa.

Jeremías 2:31

¡Yaw, kunan miraykuna! Ñoqa Tayta Diospa nisqayta uyariychik: ¿Chunniq allpachu qamkunapaq karqani? ¿Mana imapa kanan tutayaq allpachu qamkunapaq karqani? ¿Imanasqataq niwankichik: Manam qanmanqa asuykamusaykikuñachu, munasqaykuman hinañam kawsakusaqku, nispaqa?

Jeremías 33:3

Mañakuwaptikiqa contestasqaykim, hinaspaymi hatun kaqkunatawan mana reqsisqayki kaqkunata yachachisqayki.

Jeremías 50:2

Llapallan nacionkunaman willakamuychik, banderata hoqarispa qapariychik, mana imata pakaspa kaynata niychik: “Babilonia nacionmi vencesqa rikurirun, Bel sutiyuq idolonkum penqaypi rikurirun, Marduc sutiyuq idolonkupas ñutupasqam kachkan, tukuy rikchaq idolonkunapas penqakuypaqmi ñutupasqa kachkan”, nispaykichik.

Amós 3:6

¿Yaqachu trompetata llaqtapi tocaptinku runakuna hawka kakunmanku? ¿Yaqachu llaqtapi ima sasachakuypas hatarinman Tayta Dios mana kacharimuchkaptin?

Miqueas 6:9

Tayta Diosmi llaqtata qayachkan, payta uyariyqa allin yachayniyuq kaymi. Llapa runakuna uyariychik, kamachikuqkuna uyariychik:

Mateo 10:27

Qamkunaman tutayaypi willasqaytaqa achkiy punchawpiyá willakuychik, rinrillaykichikpi willasqaytapas wasipa hawankunamantayá qayaykachakuychik.

Juan 15:15

Manañam serviqniykuna nisqaykichikñachu, sirvienteqa manam yachanchu patronninpa ruwasqankunataqa. Qamkunaqa amistadniyñam kankichik, chaymi Taytapa niwasqankunata yachachirqaykichik.

Hechos 1:8

Ichaqa Chuya Espíritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalén llaqtapi, lliw Judea lawpi, Samaria lawpi hinaspa kay pachapa patankunakama.

1~Corintios 2:9

Imaynam Qellqapa kayna nisqanman hina: “Diosmi kuyaqninkunapaq prepararqa, mana pipapas rikusqanta, mana pipapas uyarisqanta, mana pipapas piensasqanta”.

Apocalipsis 1:19

Chaynaqa, rikusqaykikunatayá qellqay, kunan kaqtapas chaynataq qepa punchawkunapi kaqkunatapas.

Apocalipsis 4:1

Chaymantam rikurqani hanaq pachapi punku kicharayachkaqta. Punta qayakuy uyarisqaymi trompetapa waqaynin hina karqa, ñoqawan rimaspanmi kaynata nirqa: ¡Kayman qespimuy, kaykunapa qepanman imakunam pasakunantaqa ñoqam qawachisqayki! nispa.