Isaías 48:4 - CHUYA QELLQA La Biblia en Quechua de Ayacucho 2012

⁴ Llumpay rumi sonqo kasqaykita yachaspaymi, matankaykipas fierro hina kasqanta yachaspaymi, umaykipas bronce hina kasqanta qawaspaymi,

Quechua Ayacucho Bible 1987

⁴ Ancha rumi sonqo kasqaykita yachaspaymi, kunkaykipas fierro hina kasqanta yachaspaymi, uyaykipas broncemanta hina kasqanta qawaspaymi

Chuya Qellqa 1992

⁴ Llumpay rumi sonqo kasqaykita yachaspaymi, matankaykipas fierro hina kasqanta yachaspaymi, umaykipas bronce hina kasqanta qawaspaymi,

Isaías 48:4 Iomraidhean Croise

2~Reyes 17:14

Paykunam ichaqa mana kasukurqakuchu, aswanqa Tayta Diospi mana hapipakuq ñawpaq taytanku hinam rumi sonqo karqaku.

2~Crónicas 30:8

Chaynaqa, amayá ñawpaq taytay-kichikkuna hina rumi sonqoqa kaychikchu. Tayta Diosman kutirikuspayá chuyanchasqan santuarionman hamuspa yupaychasqanchik Tayta Diosta serviychik, hinaptinqa piñakuyninmi qamkunamanta asurinqa.

2~Crónicas 36:13

Rey Nabucodonosormi Sedequiasta Diospa sutinpi jurachirqa payta kasunanpaq, ichaqa Sedequiasmi paypa contranpi hatarirurqa. Sonqonta rumiyarachispanmi Israelpa yupaychasqan Tayta Diosmanpas mana kutirikurqachu.

Nehemías 9:28

Ichaqa hawkayayta tariruspankum kaqmanta mana allinkunata ñawpaqnikipi ruwarqaku, chaynapim enemigonkupa makinpi saqerurqanki, ñakariyninkupi kaqmanta qayakamusuptikim hanaq pachamanta uyariykamurqanki, kuyapayakuynikiman hinam achka kutipi libraykurqanki.

Éxodo 32:9

Huktawanmi Moisesta Tayta Dios nirqa: Kay runakunata qawaspaymi yacharuni cheqaptapuni rumi sonqo kasqankuta.

Éxodo 33:3

Llapa imakunapa kanan chaynataq lliw kawsaykunapa qespinan allpaman riychik. Ñoqam ichaqa manaña qamkunawan riymanñachu, yanqam rumi sonqo kasqaykichikrayku risqaykichikpi wañurachikichikman”, nispa.

Éxodo 33:5

Tayta Diosmi Moisesta nirqa, Israelpa mirayninkunata kaynata ninanpaq: Qamkunaqa rumi sonqo runakunam kankichik, chawpikichikman qonqayta chayaramuspayqa wañurachikichik-manmi. Kunanyá alhajaykichikkunata hurqokuychik, chayñam yachasaq qamkunawan imam ruwanaytapas, nispa.

Éxodo 9:7

Faraon-ñataqmi Israel miraykunapa animalninkuta qawachimurqa, hinaptinmi chullallapas mana wañusqachu. Chaywanpas sonqon rumiyaruptinmi Faraonqa Israelpa mirayninkunata mana kachariyta munarqachu.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Isaías 30:9

Kay runakunaqa mana kasukuq kullukunam, iskay uya llulla miraykunam, Tayta Diospa yachachikuyninta mana uyariy munaqkunam.

Isaías 46:12

Rumi sonqo runakuna uyariychik, allin ruwaymanta karunchasqakuna uyariychik:

Jeremías 19:15

Israelpa yupaychasqan Tukuy Atiyniyuq Tayta Diosmi kaynata nin: Sonqoykichikta rumiyarachispa nisqaykunata mana kasukusqaykichikraykum, kay llaqtapa chaynataq muyuriqninpi llaqtakunapa contranpi rimasqay sasachakuykunata kachamusaq, nispa.

Jeremías 3:3

Chayraykum tarpuy parawan poqoy parapas manaña chayamurqachu. Penqakunayki kachkaptinpas, chuchumika hina mana penqakuqñam rikurirunki.

Jeremías 5:3

Dios Taytalláy, qamqa cheqap ruwaqtam maskanki. Castigoykipas manam paykunataqa nanarqachu, ñakarichiptikipas manam corregikuyta munarqakuchu; rumi hinaña rikuriruspankum mana wanakuyta munarqakuchu.

Jeremías 7:26

Qamkunam ichaqa mana uyariwarqankichikchu, nitaqmi kasuwar-qankichikchu. Aswanqa sonqoykichikta rumiyarachispam taytaykichikkunamantapas astawanraq tukuy mana allinkunata ruwarqankichik.

Ezequiel 2:4

Ñoqaqa kachachkayki mana kasukuq rumi sonqo runakunamanmi. Paykunamanmi ñoqa Tayta Diospa imam nisqayta nimunki.

Daniel 5:20

Aswanqa hatun tukuruspa sonqonpi hoqarikuruptinmi rey kayninmantapas wischururqa, qechururqataqmi reqsisqa kaynintapas.

Hechos 7:51

Qamkunaqa mana kasukuq runakunam kankichik. Rinrikichikpas chaynataq sonqoykichikpas wichqasqam kachkan. Qamkunaqa Chuya Espiritupa contranpim kachkankichik, ñawpa taytaykichikkuna hinapunim qamkunapas kankichik.

Romanos 2:5

Ichaqa rumi sonqo kaspayki hinaspa mana wanakuyta munaspaykim, juicio punchawpi castigasqa kanaykipaq Diospa piñakuyninta kikillayki huñukuchkanki. Chay punchawpim cheqap kaqman hina juzgasqanta Dios qawaykachikunqa.

Deuteronomio 10:16

Sonqoykichikpi millakuypaq kaqkunata wischuspa chuyanchakuychik, amañayá rumi sonqoqa kaychikchu.

Deuteronomio 31:27

Ñoqaqa yachanim qamkunaqa mana kasukuq hinaspa rumi sonqo runakuna kasqaykichikta. Qamkunawanraq kachkaptiypas Tayta Diosta mana kasukuspaqa, imaynaraq wañukuptiy kankichik.

Hebreos 3:13

Aswanqa huknikichikmanta-huknichikkamayá sapa punchaw kallpanchanakuychik, chaynapi manaraq Qellqapa “kunan” nisqan tukuruchkaptin, mayqannikichiktapas hucha engañaptin sonqoykichik ama rumiyarunanpaq.