Isaías 48:22 - CHUYA QELLQA La Biblia en Quechua de Ayacucho 2012

²² Mana allin ruwaqkunapaqmi ichaqa mana hawkayay kanchu. Tayta Diosmi chaynata nin.

Quechua Ayacucho Bible 1987

²² Manam hawkayay kanchu mana allin ruraqkunapaqqa, chaynatam nin Tayta Diosqa.

Chuya Qellqa 1992

²² Mana allin ruwaqkunapaqmi ichaqa mana hawkayay kanchu, Tayta Diosmi chaynata nin.

Isaías 48:22 Iomraidhean Croise

2~Reyes 9:18

Chay silladam taripaykuspan ta-puykurqa: Reymi munan imamanmi hamusqayki yachaykuyta, nispa. Jehuñataqmi nirqa: ¿Imataq qamtaqa qokusunki? Qepayman churakuspayki ñoqaykuwan riy, nispa. Llaqta waqaychaqñataqmi willakurqa: Kachasqanchik soldadom paykunaman chayarun ichaqa manam kutimunchu, nispa.

2~Reyes 9:19

Hinaptinmi reyqa yapamanta huk silladata kacharqa, chaymi paypas chayaruspan tapurqa: Reymi munan imamanmi hamusqayki yachaykuyta, nispa. Chaymi Jehú nirqa: ¿Imataq qamtaqa qokusunki? Qepayman churakuspayki ñoqaykuwan riy, nispa.

Isaías 49:1

Lamar qochapa patanpi nacionkuna, karu llaqtapi kaq runakuna uyariychik: Tayta Diosqa manaraqpas nacechkaptiymi qayawarqa, mamaypa wiksanpi kachkaptiymi sutiyta rimarirqa.

Isaías 57:20

Mana allin ruwaq runakunam ichaqa sinchi wayrapa pukusqan lamar qocha hina, manam hawkalla kaytaqa atinkuchu, yakunkunapas mitutawan qachankunata wischumuq hinaraqmi.

Isaías 57:21

Mana allin runakunapaqqa manam haykapipas hawkayay kanchu. Ñoqa Tayta Diosmi chaynata nini.

Isaías 66:24

Lloqsimuspankum contraypi hoqarikuq runakunapa ayankunata qawanqaku. Aychankuta mikuq urukunapas manam wañunqachu, cuerponkuta rupaq ninapas manam tukunqachu. Chaykunaqa llapallan runakunapa millakusqanmi kanqa, nispa. Ñoqa Tayta Diosmi chaynata nini.

Lucas 19:42

¡Ima allinraq kanman kay punchawpi hawkayaynikipaq kaqta entiendeptikiqa! Kunanmi ichaqa qanmanta pakasqaraq kachkan.

Romanos 3:17

Hawkayay ñantapas manam reqsinkuchu.