Isaías 48:2 - CHUYA QELLQA La Biblia en Quechua de Ayacucho 2012

² “Tayta Diospa sapaqchasqa llaqtanmi kaniku” niqkuna, Israelpa Tukuy Atiyniyuq Diosninpi hapipakuq tukuqkuna, kayta uyariychik:

Quechua Ayacucho Bible 1987

² “Tayta Diospaq sapaqchasqa llaqtamantam kaniku” nispam ninkichik. Qamkunam Israelpa yupaychasqan Diospi amparakunkichik. Llapallan Kamachiq Tayta Dios sutiyoqpim amparakunkichik.

Chuya Qellqa 1992

² “Tayta Diospa sapaqchasqa llaqtanmi kaniku” niqkuna, Israelpa Tukuy Atiyniyuq Diosninpi hapipakuq tukuqkuna, kayta uyariychik:

Isaías 48:2 Iomraidhean Croise

Nehemías 11:1

Llapa runakunapa kamachiqninkunam Jerusalén llaqtapiña yacharqaku, wakin runakunañataqmi sortearqaku sapa chunka ayllumanta hukta akllanankupaq, chay akllasqa aylluñataq Jerusalén chuya llaqtapi yachananpaq, wakin puchuq isqon ayllukunañataqmi qeparqaku huklaw llaqtakunapi yachanankupaq.

Nehemías 11:18

Chuya llaqtapi yachanankupaq qepaq levitakunam karqaku iskay pachak pusaq chunka tawayuq runakuna.

Isaías 10:20

Chay tiempopiqa, Israel castakunamanta puchuqkunapas, Jacobpa mirayninkunamanta lluptiqkunapas wichichiqninkupiqa manañam hapipakunqakuñachu, aswanqa Señorllapiñam hapipakunqaku, Israelpa Chuya Diosllanpiñam hapipakunqaku.

Isaías 47:4

Israelta libraq Chuya Diosmi, Tukuy Atiyniyuq Tayta Diosmi nin:

Isaías 51:13

¿Hanaq pachata mastarispa kay pachatapas takyachiq unanchasuqniki Tayta Diostachu qonqarunki? ¿Hinallachu ñakarichisuqnikipa piñakuyninta sapa punchaw manchakunki? ¿Maypitaq ñakarichisuqnikipa piñakuynin kachkan?

Isaías 51:15

Ñoqa Tayta Diosmi lamar qochata kuyurichini, olankunatapas qaparichini. Ñoqaqa Tukuy Atiyniyuq Tayta Dioswan sutichasqam kani.

Isaías 52:1

¡Sión llaqta rikchariy! ¡Atiywan pachakuy! ¡Chuyanchasqa Jerusalén llaqta, suma-sumaq pachaykiwan churakuy! Manañam haykapipas mana iñiq huchasapa runakunaqa yaykumusunkiñachu.

Jeremías 10:16

Jacobpa Diosninmi ichaqa mana chaynachu, payqa tukuy ima unanchaqmi, Israelpa mirayninkunatam llaqtanpaq akllakurqa. Sutinpas Tukuy Atiyniyuq Tayta Diosmi.

Jeremías 21:2

Ama hina kaspaykiyá ñoqanchikpaq Tayta Diosta tapuykuy. Babilonia nacionpa reynin Nabucodonosormi atacamuwachkanchik, ichapas Tayta Diosqa ñawpaq tiempopi hina admirakuypaq kaqkunata ruwaspan Nabucodonosorta ñoqanchikmanta asurachinman, nispa.

Jeremías 44:26

Chaynaqa, Egipto nacionpi yachaq Judá nacionniyuq runakuna, ñoqa Tayta Diosmi sutiyrayku juraspay kaynata nini: Kunanmantaqa manañam mayqannikichikpas kay Egipto nacionpiqa sutiyta rimaspa ninkichikñachu: “Israelpa yupaychasqan Tayta Diosraykum jurani”, nispaykichiqa.

Daniel 9:24

Qanchis chunka semanam tanteasqa kachkan nacionnikipaqpas chaynataq chuya llaqtaykipaqpas, mana kasukuyninkuwan huchallikuyninkupas tukunanpaq, huchapas puchukachisqa kananpaq, mana allin ruwayta pampachananpaq; allin ruwayta wiñaypaq takyachinanpaq, visionpas profeciapas cumplikunanpaq, Chuyay-chuyay lugarpas Diosllapaqña sapaqchasqa kananpaq.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Mateo 27:53

Paykunam Jesuspa kawsarimusqanpa qepanta sepulturankumanta lloqsimurqaku, hinaspam chuya Jerusalén llaqtaman yaykurqaku, chaytaqa achkaq runakunam rikurqaku.

Mateo 4:5

Chaymantam diablo aparurqa Jeru-salén chuya llaqtaman, hinaspam templopa hawanpi sayaykachispan

Romanos 2:17

Qanmi “judiom kani” ninki, Moisespa leyninpim hapipakunki, hinaspam Diosmanta alabakunki;

Apocalipsis 11:2

Ichaqa amam templopa pationtaqa tupumunkichu, chayqa kachkan mana judío kaqkunaman qosqam. Paykunam chay chuya llaqtataqa tawa chunka iskayniyuq killa sarutyaspa munaychakunqaku.

Apocalipsis 21:2

Rikurqanitaqmi Diospa musoq chuya Jerusalén llaqtantapas, chayqa hanaq pacha Diospa qayllanmantam uraykamuchkasqa, chay llaqtaqa novionwan casarakunanpaq sumaqllaña pachasqa novia hinam kachkasqa.

Apocalipsis 22:19

Sichum pipas kay libropi qellqasqa profeciakunamanta qechuptinqa, chay qechuqpa tupaqnintam Diospas qechunqa kawsay qokuq sachamanta, chuya llaqtamanta hinaspa kay libropi qellqasqa kaqkunamanta, nispa.

Jueces 17:13

Sacerdotenpaq churaruspanmi Micaiaqa tantearqa: Kunanqa Tayta Diosmi bendeciwanqa, Leví casta sacerdotey kapuwasqanrayku, nispa.