Isaías 48:18 - CHUYA QELLQA La Biblia en Quechua de Ayacucho 2012

¹⁸ Sichum kamachikuyniykunata uyariptikiqa, hawkayaynikipas mayu hinaraqmi kanman karqa, allin ruwaynikipas lamar qochapa olankuna hinaraqmi kanman karqa.

Quechua Ayacucho Bible 1987

¹⁸ Amalaya kamachisqaykunata entiendewaq karqa, hinaptinqa hawkayaynikim mayu hinaraq kanman karqa. Allin ruraynikim lamar qochapi olakuna hinaraq kanman karqa.

Chuya Qellqa 1992

¹⁸ Sichum kamachikuyniykunata uyariptikiqa, hawkayaynikipas mayu hinaraqmi kanman karqa, allin ruwaynikipas lamar qochapa olankuna hinaraqmi kanman karqa.

Isaías 48:18 Iomraidhean Croise

Isaías 33:21

Llimparistin kallpaq ancho mayukunapa huntarisqanmi kanqa, kaspimanta qachinayuq barcokunapas manam chaynintaqa rinqachu, hatun barcokunapas manam chaynintaqa riyta atinqachu. Chaypim Tukuy Atiyniyuq Tayta Dios ñoqanchikwan kanqa.

Isaías 42:24

¿Pitaq Israelta suwakunapa hinaspa ñakarichiqkunapa makinman qoykurqa? ¿Manachum Tayta Diosqa huchanchikrayku chaykunaman qoykurqa? Manam paypa munasqanman hina kawsayta munarqakuchu, kamachikuyninkunatapas manam kasukurqakuchu.

Isaías 45:8

Tayta Diosyá allin ruwayta hanaq pachamanta chayachimuchun, allin ruwaytayá sullata hinaraq hanaq pachamanta uraykachimuchun, puyukunamantayá parata hina chayachimuchun, allin ruwayá kay pachapi kachun, Tayta Diosyá salvacionta chayachimuchun.

Isaías 54:13

Churikikunatapas ñoqa Tayta Diosmi yachachisaq, paykunaqa hawkayaypim mana tukuyta kawsakunqaku.

Isaías 61:10

Isaiasmi kaynata nirqa: Tayta Diospim llumpayta kusikuni, Diosniypim sonqomanta kusikuni. Salvakunapaq pachawanmi pachaykachiwan, allin ruway capawanmi churaykachiwan, noviota hinam coronaykachiwan, alhajakunawan adornasqa noviata hinam adornaykuwan.

Isaías 61:11

Imaynam muhukuna allpamanta wiñan, imaynam plantakuna huertapi ikllimuspa wiñan, chaynatam Tayta Diospas allin ruwaykunata wiñachinqa, hinaptinmi lliw nacionkuna Tayta Diosta yupaychanqaku.

Isaías 62:1

Sión llaqtata kuyasqayraykum mana upallasaqchu, Jerusalenta kuyasqayraykum mana samaykusaqchu, tutapay inti hina allin ruwaykuna kancharinankama, ratachkaq mechero hina salvasqa kayniki achkrinankama.

Isaías 66:12

Ñoqa Tayta Diosmi nini: Hawkayaytam mayuta hina Jerusalenman kacharimusaq, nacionkunapa tukuy ima kapuqnintam lloqllata hina chayachimusaq. Paymi qamkunata mikuchisunkichik, marqayninpi apakachasqam kankichik, wawanta moqonpi tusuchichkaq mama hinam kuyasunkichik.

Oseas 10:12

Qamkunaqa allin kawsakuytayá tarpuychik, kuyakuypa rurunta cosechaychik, mana yapusqa chakrakunatayá yapuychik. Tayta Diosta maskanaykichik punchawmi chayaramunqa, hinaptinqa Tayta Diospas para hinaraqmi hamunqa, qamkunaman kutirimuspan salvaykusunkichik.

Amós 5:24

Allin juzgasqaykichikpas kallpachkaq mayu hinayá kachun. Justicia ruwasqaykichikpas mana chakiq pukyu hinayá kachun.

Mateo 23:37

¡Jerusalén, Jerusalén! ¡Profetakunata wañuchispam qanman kachamusqakunata rumiwan chamqapanki! ¡Hayka kutitataq wawaykikunata huñuykuyta munarqani! imaynam chiwchinkunata wallpa rapran ukupi oqllaykuq hina, ichaqa manam munarqankichu

Romanos 14:17

Diospa munaychakuyninqa manam mikukuyllachu nitaq upyakuyllachu, aswanqa Chuya Espiritupa yanapakuyninwan allinta ruwaspa hawkalla kusisqa kawsakuymi.

Deuteronomio 32:29

Yachayniyuq kaspaqa musyakunmankuchá imapim tukurunankutapas.

Deuteronomio 5:29

Amalaya chayna sonqoyuqlla kanmanku, kasuwaspanku llapallan kamachikuyniykunata sapa punchaw ruwayman churanankupaq, chaynapi paykunapas chaynataq mirayninkupas allin kanankupaq.