Isaías 48:12 - CHUYA QELLQA La Biblia en Quechua de Ayacucho 2012

¹² Jacobpa mirayninkuna uyariwaychik, akllakusqay Israel llaqta, uyariway: Ñoqa sapallaymi Diosqa kani, ñoqallam kani punta kaqpas, qepa kaqpas.

Quechua Ayacucho Bible 1987

¹² Uyariwaychik Jacob castakuna. Uyariwaychik Israel castakuna. Uyariwaychik qayasqay runakuna. Ñoqaqa sapallaymi Dios kani. Punta kaqpas, qepa kaqpas ñoqallam kani.

Chuya Qellqa 1992

¹² Jacobpa mirayninkuna uyariwaychik, akllakusqay Israel llaqta, uyariway: Ñoqa sapallaymi Diosqa kani, ñoqallam kani punta kaqpas, qepa kaqpas.

Isaías 48:12 Iomraidhean Croise

Proverbios 7:24

Chaynaqa, churillaykuna uyariwaychik, rimasqaykunata allinta uyariychik.

Proverbios 8:32

Chaynaqa, warmakuna uyariwaychik: ¡Mayna kusisqam yachachisqayman hina kawsakuqkunaqa!

Isaías 34:1

Nacionkuna, asuykamuspa uyariychik, llaqtakuna, qamkunapas uyariychik. Kay pachapas, chaypi kaqkunapas uyariychik, kay allpapi, chaypi ruruqkunapas uyariychik.

Isaías 40:26

Hanaq pachata qawariychik, ¿Pitaq wakkunata unancharqa? Chaskakunata tropata hina yupaspa hurqomuqmi, sapakamata sutinmanta qayaqmi, chulla chaskapas mana chinkachiqmi. Paypaqqa atiyninpas kallpanpas ancha hatunmi.

Isaías 41:4

¿Pitaq kaykunata ruwarqa? ¿Pitaq qallariyninmanta llapa miraykunata qayamurqa? Ñoqa Tayta Diosmi qallariyninmanta tukupayninkama ruwarqani.

Isaías 43:10

Tayta Diosmi kaynata nin: Qamkunam testigoykuna kankichik, serviwanaykichikpaq akllakusqaykunam kankichik, reqsiwaspaykichik ñoqapi hapipakunaykichikpaq, ñoqalla Dios kasqayta yachanaykichikpaq. Ñoqamanta huk diosqa manam haykapipas kanqachu.

Isaías 43:11

Ñoqallam Tayta Diosqa kani, ñoqamanta hukqa manam pipas salvakuqqa kanchu.

Isaías 44:1

Serviqniy Jacob, akllakusqay Israel llaqta, kunan uyariway.

Isaías 44:6

Israelta reclamaq reymi, Tukuy Atiyniyuq Tayta Diosmi kaynata nin: Ñoqam kani ñawpaq kaqpas chaynataq qepa kaqpas, ñoqamanta huk Diosqa manam kanchu.

Isaías 46:3

Jacobpa mirayninkuna uyariwaychik, Israel nacionmanta puchuqkuna uyariwaychik: Manaraq nacechkaptikichikmi ñoqa qepikacharqaykichik, nacesqaykichik punchawmantam marqakacharqaykichik.

Isaías 46:4

Yuyaqña kanaykichikkamapas ñoqaqa hina kaqllam kasaq, soqo umaña kachkaptikichikpas nanachikusqaykichikmi; unanchaqnikichik kasqayraykum apasqaykichik, nanachikuspaymi waqaychasqaykichik.

Isaías 49:1

Lamar qochapa patanpi nacionkuna, karu llaqtapi kaq runakuna uyariychik: Tayta Diosqa manaraqpas nacechkaptiymi qayawarqa, mamaypa wiksanpi kachkaptiymi sutiyta rimarirqa.

Isaías 51:1

Tayta Diosmi nin: Allin ruwayta munaqkuna, Tayta Diosta maskaqkuna, uyariychik. Mayqan qaqamanta pakimusqa kasqaykichiktayá yuyariychik, mayqan rumimanta hurqomusqa kasqaykichiktayá qawariychik.

Isaías 51:4

Llaqtalláy chaylla uyariway, runaykuna allinta uyariwaychik: Yachachikuykunam ñoqamanta lloqsimunqa, kamachikuyniymi runakunata kancharinqa.

Isaías 51:7

Allin ruwayta yachaqkuna, yachachikuyniyta sonqoykichikpi hatalliqkuna uyariwaychik: Runakuna kamisuptikichikpas ama hukmanyaychikchu, usuchisuptikichikpas ama llakikuychikchu.

Isaías 55:3

Ñoqaman asuykamuspa uyariwaychik, uyariwaspaykichikqa kawsankichikmi. Qamkunawanmi pactota wiñaypaq ruwasaq, rey Davidta kuyasqayraykum payman prometesqaykunata cumplisaq.

Mateo 20:16

Chay rikchanachiyta tukuykuspam Jesús nirqa: Puntapi kaqkunam qepapi kanqaku, qepapi kaqkunañataqmi puntapi kanqaku. (Achkallañam qayasqakunaqa, akllasqakunam ichaqa aslla) nispan.

Romanos 1:6

Chay runakuna hinam qamkunapas Jesucristopaq akllasqaña kachkankichik.

Romanos 8:28

Ñoqanchikqa yachanchikmi, Dios kuyaqkunataqa tukuy imapas allinninpaqmi yanapan, chaykunaqa yanapan haykam munasqanman hina qayasqankunatam.

1~Corintios 1:24

Diospa qayasqakunapaqmi ichaqa judío kaptinpas, mana judío kaptinpas, Cristoqa Diospa atiyninwan hinaspa Diospa yachaynin.

Deuteronomio 32:39

Kayta yachaychik: Ñoqallam Diosqa kani, ñoqamanta hukqa manam kanchu. Ñoqallam wañuchinipas ñoqallataqmi kawsachinipas, ñoqallam kirinipas ñoqallataqmi hampinipas, makiymantaqa manam pipas librakunmanchu.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

Apocalipsis 1:11

kayna niqta: Ñoqam kani Qallariypas Tukupaypas. Kay qawasqaykitayá huk libropi qellqaspa Asia lawpi kaq qanchisnintin llaqtakunapi iglesiakunaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman hinaspa Laodiceaman, nispa.

Apocalipsis 1:8

Tukuy Atiyniyuq Señor Diosmi nin: “Ñoqam kani Qallariypas Tukupaypas. Ñoqataqmi kani Ñawpaq kaqpas, Kunan kaqpas, Hamuq kaqpas”, nispa.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 2:8

Esmirna llaqtapi iglesiapa angelninman kaynata qellqay: Punta kaqmi, Qepa kaqmi, wañus-qanmanta kawsarimuqmi kaynata nin:

Apocalipsis 22:13

Ñoqam kani Qallariypas, Tukupaypas, Punta kaqpas chaynataq Qepa kaqpas.