Isaías 47:6 - CHUYA QELLQA La Biblia en Quechua de Ayacucho 2012

⁶ Runaykunawan piñasqa kaspaymi, penqaypi kanankupaq makikiman hapiykachirqayki. Ichaqa paykunatam mana llakipayarqankichu, yuyaqkunatapas llasaq qepita apachispam ñakarichirqanki.

Quechua Ayacucho Bible 1987

⁶ Runaykunawanmi piñasqa karqani. Penqaypi kanankupaqmi qanman qoykurqani. Mana llakipayakuqmi paykunawan karqanki. Yugoman watasqa bueyeskunawan hinam yuyaqkunawanpas servichikurqanki.

Chuya Qellqa 1992

⁶ Runaykunawan piñasqa kaspaymi, penqaypi kanankupaq makikiman hapiykachirqayki. Ichaqa paykunatam mana llakipayarqankichu, yuyaqkunatapas llasaq qepita apachispam ñakarichirqanki.

Isaías 47:6 Iomraidhean Croise

2~Samuel 24:14

Chaymi David nirqa: Hatun sasachakuypim rikuriruni. Runakunapa makinman wichiykuyman-taqa Tayta Diospa makinman wichiykuymi aswan allinqa, Diospa kuyapayakuyninqa hatu-hatunmi, nispa.

2~Crónicas 10:11

Taytayqa sasa llamkaykunapim llamkachisurqankichik, ñoqam ichaqa aswantaraq llamkachisqaykichik; taytayqa azotellawanmi castigasurqankichik, ñoqam ichaqa fierro puntayuq azotewanraq castigasqaykichik, nispayki.

2~Crónicas 28:9

Israel tropakuna Samaria llaqtaman kutichkaptinkum, profeta Obed taripaykuspan paykunata nirqa: Ñawpaq taytaykichikkunapa yupay-chasqan Tayta Diosmi Judá nacionpa contranpi piñakuspan makikichikman churaykurqa, ichaqa qamkunam piñakuyllawanña wañurachinkichik, chay ruwasqaykichiktaqa Tayta Diosqa qa-wachkanmi.

2~Crónicas 36:17

Paykunapa contranpim Caldea nacionpa reyninta Tayta Dios kachamurqa, hinaptinmi jovenkunata espadawan templo ukupi wañurachirqa, sipaskunatawan yuyaqkunata hinaspa eqoyasqakunatapas manam llakipayarqachu. Llapallankutam paypa makinman Tayta Dios churaykurqa.

2~Crónicas 36:20

Wañuymanta puchuqkunatañataqmi Babilonia nacionman presota aparqaku, hinaptinmi reypa chaynataq churinkunapa esclavonkunaña karqaku; chaynaqa karqaku Babilonia nacionpi Persia nación munaychakuyta qallarinankamam.

Esdras 5:12

Ichaqa ñawpaq taytayku hanaq pachapi munaychakuq Tayta Diosta piñachisqankuraykum paykunata Caldea lawpi Babilonia nacionpa reynin Nabucodonosorman qoykurqa. Chay reymi kay templota tuñirachispan paykunata Babiloniaman presota aparqa.

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 13:16

Qawachkaptinkum wawa-churinkutapas pampaman waqtaspa wañuchinqaku, wasinkutam suwanqaku, warminkutam abusanqaku.

Isaías 14:17

¿Paychu kay pachata chunnichispan llaqtakunatapas tuñichirqa? ¿Paychu presokunatapas wasinkuman kutinanta mana munaq runa karqa? nispanku.

Isaías 14:6

payqa piñakuyninpim mana hampiy atina heridakunawan llaqtakunata ñakarichirqa, sinchi piñakuywanmi nacionkunapi munaychakurqa, mana llakipayarispam nacionkunata qatikacharqa.

Isaías 43:28

Chayraykum temploypi kamachikuqkunata penqayman churarqani, Jacobpa miraynin Israel llaqtatapas, ñakarichisqa hinaspa usuchisqa kanankupaqmi saqerurqani.

Jeremías 50:42

Flechana arcokunawan lanzakunawan armasqam hamuchkanku, pasaypaq mana llakipayakuq runakunam hamuchkanku, Lamar qocha hinaraqmi qaparinkupas, Caballopi silladam hamuchkanku, Babiloniata atacanankupaqmi hamuchkanku.

Lamentaciones 1:14

Diosmi huchaykunata yugota hina wataruwarqa, matankayman yugota wataruwaptinmi kallpay tukurun; enemigoykunaman Tayta Dios qoykuwaptinmi manaña hatariytapas atiniñachu.

Lamentaciones 1:21

Runakunam ñakakusqayta uyarinku, ichaqa manam pipas sonqollayta tiyaykachiq kanchu. Enemigoykunam ñakarisqayta yacharurqaku, chay ruwasqaykimantam paykuna kusikurqaku. Nisqayki punchawta chayachimuyña, ñoqa hina paykunapas ñakarinankupaq.

Lamentaciones 2:2

Señorqa mana llakipayarispam Jacobpa wasinkunata tuñirachin, piñakuywanmi Judá nacionpa sumaq perqankunata tuñirachin, kamachikuqkunapa munaychakuynintam penqayman churarun.

Lamentaciones 4:16

Tayta Diosmi paykunata cheqerachirqa, manañam paykunataqa qawarirqañachu, sacerdotekunapas manaña respetasqam karqaku, yuyaqkunapas manaña llakipayasqam karqaku.

Lamentaciones 5:12

Kamachikuqkunatam makinkumanta warkurqaku, yuyaqkunatapas manam respetarqakuchu.

Ezequiel 24:21

Israelpa mirayninkunata kaynata niy: Ñoqa Tayta Diosmi kaynata nini: Qamkunapa anchallaña kuyasqaykichik hinaspa qawapayanaykichik temploytam millakuypaqta ruwarusaq. Chay templom qamkunapa kallpaykichik hinaspa hatunchakunaykichik karqa. Jerusalenpi saqemusqaykichik wawa-churikichikpas wañuchisqam kanqaku.

Ezequiel 28:16

Qamqa llapa negocio ruwasqaykiwanmi mana allin ruwaykunawan chaynataq huchawan huntarachikurqanki. Chayraykum qayllaymanta wischururqayki, Diospa chuya orqonmantam qarqorurqayki, waqaychasuqniki querubinpas llipipipiq rumikunapa chawpinmantam wischurusurqanki.

Abdías 1:10

Wawqeki Jacobpa mirayninkunata ñakarichisqaykimantam penqaypi kanki, hinaspam pasaypaqta chinkanki.

Abdías 1:16

Imaynam sapaqchakusqay orqopi llaqtay ñakarirqa, chaynam llapa nacionkunapas mana samaykuspa ñakarinqaku, ñakariyninkuta millpuypaq-millpuspam pasaypaqta chinkarunqaku.

Zacarías 1:12

Chaymi Tayta Diospa angelnin qaparirqa kaynata: ¡Tukuy Atiyniyuq Tayta Dios, qanchis chunka watañam Jerusalenpaqwan Judá nacionpaq piñakurunki! ¿Hayka unayraqtaq pasanqa paykunata llakipayarinaykipaq? nispa.

Zacarías 1:15

Ichaqa mana imapas qokuq nacionkunapaqmi llumpayta piñakuruni. Tumpallataraq piñakusqayraykum paykuna aswanraq mana allinta ruwarqaku.

Mateo 7:2

Imaynam juzgas-qaykichikman hinam Diospas juzga-sunkichik, imaynam ruwasqaykichikman hinataqmi Diospas qamkunawan ruwanqa.

Deuteronomio 28:50

Paykunaqa manchakuypaq rikchayniyuq runakunam. Yuyaqkunatapas chaynataq wawakunatapas mana llakipayaq runa-kunam.

Santiago 2:13

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.