Isaías 47:3 - CHUYA QELLQA La Biblia en Quechua de Ayacucho 2012

³ Lliwpa qawasqanmi qalalla purinki, penqaynikim qawakunqa; chayna kanaykikamam vengakusqayki, manam pipas librasunkichu.

Quechua Ayacucho Bible 1987

³ Pachaykita chustukuptikim rikunqaku. Chayna kaptikim penqaynikita qawanqaku. Chayna kanaykipaqmi vengakusaq. Pitapas mana llakipayaspaymi vengakusaq.

Chuya Qellqa 1992

³ Lliwpa qawasqanmi qalalla purinki, penqaynikim qawakunqa; chayna kanaykikamam vengakusqayki, manam pipas librasunkichu.

Isaías 47:3 Iomraidhean Croise

Génesis 3:7

Hinaptinmi ñawinku kicharikuruptin qalalla kasqankuta qawakuykuspanku higospa rapinta siraruspanku chaywan tapakurqaku.

Isaías 20:4

Chaynatam Asiria nacionpa reyninpas Egipto nacionpi runakunatawan Etiopía nacionpi kaqkunata presota apanqa; joventapas, sipastapas mana pachayuqta, qala chakillata hinaspa qalallatam apanqa, chaynapi Egipto nacionqa penqaypi kananpaq.

Isaías 3:17

Ñoqa Tayta Dios castigaspaymi paykunapa uma puyukninta isuyachisaq, chay warmikunapa penqayninkutam runakunaman qawachisaq.

Isaías 35:4

Hukmanyasqa sonqoyuqkunatayá niychik: Kallpanchakuspa ama manchakuychikchu, Diosnikichikmi salvasunaykichikpaq kaypi kachkan, enemigoykichikkunatam imam ruwasqankuman hina castiganqa, nispa.

Jeremías 13:22

Sichum sonqoykipi ninki: ¿Imanasqataq kaykuna chayaramuwan? nispa. Tukuy chaykunaqa mana allinkuna ruwasqaykiraykum chayaramusunki; chayraykum walikita qempispa abusasurqanki.

Jeremías 13:26

Chaynam ñoqapas walikita uyaykikama qempiruspay, penqaynikita qawachisaq.

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Jeremías 51:4

Lliw Caldea nacionpim wañuchisqa kanqaku, lanzawan wañuchisqakunam callenkunapi wischurayanqaku.

Jeremías 51:56

Babiloniata tuñichiqkunam hamurunku, tropankunatam presocharunku, flechananku arcotam pakiparunku. Tayta Diosqa imam ruwasqankuman hinam pimanpas pagapun.

Ezequiel 16:37

Chayraykum qanrakusqayki waynaykikunata llapallanta huñurusaq, huñurusaqtaqmi kuyasqayki kaqkunatapas chaynataq cheqnisqayki kaqkunatapas. Muyuriqnikiman huñuruspaymi qayllankupi llatanarusqayki, hinaptinmi llapallanku qalalla cuerpoykita qawanqaku.

Nahúm 3:5

Tukuy Atiyniyuq Tayta Diosmi nin: Qampa contraykipim kachkani, pachaykita uyaykikama qempiruspaymi nacionkunaman hinaspa munaychakuqkunaman penqaynikita qawachisaq.

Romanos 12:19

Kuyasqay wawqe-panillaykuna, ama pitapas vengakuychikchu aswanqa Señorpa makinman churaychik payña castigananpaq. Chuya Qellqapim kaynata nin: “Mana allin ruwaqkunataqa kikiypunim vengakusaq, mana allin ruwasqanman hinam pagapusaq”, nispa.

Deuteronomio 32:35

Mana allin ruwaqkunatam castigasaq, mana allin ruwasqankuman hinam pagapusaq. Wichinanku punchawmi chayamuchkanña, chinkachisqa kananku punchawmi hichpaykamuchkanña, purmachisqa kananku punchawmi utqaykamuchkanña”, nispa.

Apocalipsis 16:19

Hinaptinmi chay hatun llaqta kimsaman chitqakururqa, tuñirurqataqmi kay pachapi llaqtakunapas. Diosmi yuyarirurqa hatu-hatun Babilonia llaqtamanta vino upyachichkaq hina piñakuyninwan castigananta.

Apocalipsis 18:20

Hanaq pachapi kaqkunapas kusikuychikyá, Diosllapaqña kawsaqkunapas kusikuychikyá, apostolkunawan profetakunapas kusikuychikyá, chay llaqtata Dios castigasqanmanta kusikuychik. Qamkunapaq allin arreglota Diospa ruwasqanmanta kusikuychik”, nispanku.