Isaías 47:2 - CHUYA QELLQA La Biblia en Quechua de Ayacucho 2012

² Rumimanta molinopi harinata kutay, veloykita hurqokuy, walikita qempikuy, mayukunata qala piernalla chimpay.

Quechua Ayacucho Bible 1987

² Sirvienta warmi hinayá maraynikita alistamuy. Harina kanankamayá kutamuy. Horqokuy uya tapaykita. Qempikuy walikita. Qala piernallayá chimpay mayukunata.

Chuya Qellqa 1992

² Rumimanta molinopi harinata kutay, veloykita hurqokuy, walikita qempikuy, mayukunata qala piernalla chimpay.

Isaías 47:2 Iomraidhean Croise

Génesis 24:65

Abrahampa serviqninta tapurqa: ¿Pitaq wak ñoqanchik lawman hamuq runaqa? nispa. Hinaptinmi chay sirviente nirqa: Patronniy Isaacmi, nispa. Chaymi Rebeca hatun velowan tapakuykurqa.

1~Crónicas 19:4

Chaymi rey Hanunqa, Davidpa ser-viqninkunata hapiruspa barbankuta ruturuspa pachankutapas siki patankama kuchururqa, chaymantañam kachaykurqaku.

Jobwan Sutichasqa Libro 31:10

warmiypuniyá hukpa criadanña kachun, mana reqsisqakunayá paywan puñukuchun.

Éxodo 11:5

Hinaptinmi Egipto nacionpi lliw piwi wawakuna wañunqa, tronopi tiyaq Faraonpa piwi churinmanta qallaykuspa maraypa waqtanpi tiyaq criadapa piwinkama, wañunqataqmi llapa animalpa piwi wawanpas.

Eclesiastés 12:4

Chay punchawpiqa hawa lawman qawaq punkukunapas wichqakurunqam, molinopa punrunyayninpas upallarunqam, urpikunapas manam takinqañachu, takikunapas manam uyarikunqañachu.

Isaías 20:4

Chaynatam Asiria nacionpa reyninpas Egipto nacionpi runakunatawan Etiopía nacionpi kaqkunata presota apanqa; joventapas, sipastapas mana pachayuqta, qala chakillata hinaspa qalallatam apanqa, chaynapi Egipto nacionqa penqaypi kananpaq.

Isaías 3:17

Ñoqa Tayta Dios castigaspaymi paykunapa uma puyukninta isuyachisaq, chay warmikunapa penqayninkutam runakunaman qawachisaq.

Isaías 3:23

espejokunata, linomanta fino pachakunata, uma wanki adornokunata, chaynataq mantillakunatapas. Tukuy chaykunatam chinkachinqa.

Isaías 32:11

Mana llakiyuq warmikuna katkatataychik, hawkallaña kakuq warmikuna manchakuymanta hukmanyaychik. Pachaykichikta lluschukuspa qachqa pachawan churakuychik.

Jeremías 13:22

Sichum sonqoykipi ninki: ¿Imanasqataq kaykuna chayaramuwan? nispa. Tukuy chaykunaqa mana allinkuna ruwasqaykiraykum chayaramusunki; chayraykum walikita qempispa abusasurqanki.

Jeremías 13:26

Chaynam ñoqapas walikita uyaykikama qempiruspay, penqaynikita qawachisaq.

Jeremías 25:10

Kusikuspanku fiestakunapi chaynataq casarakuykunapi takiyninkutapas qollurachisaqmi. Maraypa kunrunyayninpas, mecheropa achkiyninpas manañam kanqañachu.

Jeremías 27:7

Llapallan nacionkunam payta, churinta hinaspa willkanta servinqaku. Chaynaqa, kanqa Babilonia nacionpas hatun nacionkunapa chaynataq atiyniyuq reykunapa makinman wichinankamam.

Lamentaciones 5:13

Jovenkunatam molinopi kutanankupaq aparurqaku, warmakunapas llasaq yantakuna qepisqankupim eqoyarqaku.

Oseas 2:3

Yanqañataq tukuy imanta qechuruspay nacesqan punchawpi hina qalallata saqeruyman, mana imayuq chunniqta ruwaruyman, chaki allpaman tikraruyman, yakumanta wañurachiyman.

Miqueas 1:11

Safir llaqtapi yachaqkuna, penqakuypaq qalalla ayqeychik. Zaanán llaqtapi yachaqkunapas manam lloqsinqakuchu. Bet-esel llaqtapipas waqayllañam kachkan, chayraykum mana yanapasunkichikmanchu.

Mateo 24:41

Iskay warmikunam molinopi kutakuchkanqaku, hukninmi hoqarisqa kanqa, hukninñataqmi saqesqa.

Lucas 17:35

Iskay warmikunam kutakuchkanqaku. Hukninmi apasqa kanqa, hukninñataqmi saqesqa.

1~Corintios 11:5

Sichum huk warmi qala umalla Diosta mañakunqa otaq profetizanqa, hinaspaqa umantam penqayman churan, payqa uman kachiy-kachiy rutusqa hinam kachkan.

Jueces 16:21

Filisteokunañataqmi Sansonta hapiruspanku ñawinkunata hurqorurqaku, hinaspam Gaza llaqtaman aparqaku, chaypim broncemanta cadenawan wataruspanku carcelpi kaq molinopi kutachirqaku.