Isaías 47:10 - CHUYA QELLQA La Biblia en Quechua de Ayacucho 2012

¹⁰ Mana allin ruwasqaykikunapi hapipakuspam nirqanki: “Manam pipas rikuwanchu”, nispayki. Yuyaysapa hinaspa yachaysapa kaynikim pantarachisunki. “Ñoqallam kani, ñoqa hinaqa manam pipas kanchu”, nispam nirqanki.

Quechua Ayacucho Bible 1987

¹⁰ Mana allin rurasqaykikunapim confiakurqanki. Hinaspam: “Manam pipas rikuwanchu” nispa nirqanki. Yuyaysapa hinaspa yachaysapa kaynikim pantarachisunki. “Ñoqallam kani, ñoqa hinaqa manam hukqa kanchu” nispam nirqanki.

Chuya Qellqa 1992

¹⁰ Mana allin ruwasqaykikunapi hapipakuspam nirqanki: “Manam pipas rikuwanchu”, nispayki. Yuyaysapa hinaspa yachaysapa kaynikim pantarachisunki. “Ñoqallam kani, ñoqa hinaqa manam pipas kanchu”, nispam nirqanki.

Isaías 47:10 Iomraidhean Croise

Eclesiastés 8:8

Manam pipapas kawsakuyninqa rantisqachu kawsakuyninta takyachinanpaqqa, wañuytaqa manam pipas harkanmanchu. Wañuymantaqa manam pipas lluptinmanchu, qari tukuqtaqa, qari tukuq kayninpas manam libranqachu.

Isaías 28:15

Qamkunam ninkichik: “Contratotam wañuywan ruwaruniku, wañusqakunapa kasqanwanpas contratotam ruwaruniku, sasachakuy hamuspa mana haypawanankupaq; llulla rimaykunapim amparakuruniku, engaño ruwaykunapim pakakuruniku”, nispaykichik.

Isaías 29:15

¡Ay, imaynaraq kanqaku! Tayta Diosmanta mana allin tanteasqankuta pakaqkuna tutayayllapi mana allin ruwaqkuna, paykunam ninku: “Manam pipas rikuwanchikchu, manataqmi pipas musyawanchu”, nispanku.

Isaías 44:20

Cheqaptapunipas, chayna runaqa uchpallatam mikun, mana allin ruwayninmi sonqonta pantarachin. Chayna ruwaqkunaqa manam salvakuyta atinqakuchu, paykunaqa manam ninkuchu: Alleq makiypi kaqqa ¿manachum pantay? nispaqa.

Isaías 47:8

Mana allin kawsayta kuyaq warmi uyariy, munaychakuspa hawkallaña kakuq warmi, sonqoykipim ninki: “Ñoqallam kani, ñoqa hinaqa manam pipas kanchu, manam haykapipas viudayasaqchu, nitaqmi haykapipas wawaykunaqa wañunqachu”, nispayki.

Isaías 5:21

¡Ay, imaynaraq kanqaku yachaysapa tukuqkuna chaynataq kikillankumanta yuyaysapa tukuqkuna!

Isaías 59:4

Juzgadomanmi llullakuspa quejakuq rinkichik, juezkunamanpas manam cheqap kaqwanchu rinkichik. Aswanqa yanqakunallapim hapipakunkichik, yanqakunallatam rimankichik, mana allin ruwaykunapa huntasqanmi kachkankichik, chayraykum millakuypaq kaqkunallata rikurichinkichik.

Jeremías 23:24

¿Pitaq qayllaymanta pakakurunman? ¿Manachu ñoqaqa hanaq pachapipas kay pachapipas kachkani?

Jeremías 9:23

Tayta Diosmi kaynata nin: Yachaysapapas, amayá yachaysapa kayninmantaqa alabakuchunchu, allin qaripas, amayá allinnin qari-qari kayninmantaqa alabakuchunchu, apupas, amayá apu kayninmantaqa alabakuchunchu.

Ezequiel 8:12

Hinaptinmi niwarqa: Runapa churin, ¿qawachkankichum Israelpa mirayninmanta kaq ancianonkunapa pakasqallapi imam ruwasqankuta? Sapakamam idolonkupa capillanpi chaykunata ruwachkanku. Paykunam ninku: “Tayta Diosqa manam rikuwanchikchu, llaqtanchiktapas payqa saqerunñam”, nispanku.

Ezequiel 9:9

Hinaptinmi Tayta Dios kaynata niwarqa: Israel runakunapa mana allin ruwasqankuqa hatu-hatunmi. Kay nacionmi yawarpa pampaykusqan rikurirun, kay llaqtapas llumpay mana allin ruwaykunapa huntasqanmi kachkan. Paykunam kaynata nirqaku: “Tayta Diosmi kay nacionmanta karunchakurun, imam ruwasqanchiktapas manam rikunchu”, nispanku.

Daniel 4:27

Chaynaqa reynilláy, kay consejasqayta uyariykuway: Ama huchallikuspa allin kaqkunataña ruway, mana allinta amaña ruwaspa wakchakunamanta llakipayarikuy, ichapas qamqa hina hawkalla unayta kawsakuwaq, nispa.

Sofonías 2:15

Chaynatam chay hatun tukuspa hawka kawsakuq llaqta tukunqa. Runankunapas chay llaqtamantaqa kaynataraqmi niqku: “Llaqtanchik hinaqa manam kay pachapi ima llaqtapas kanchu”, nispankuraq. ¡Imaynamá tuñichisqa, purun animalkunapa uchkunñaqa rikurirun! Pipas chayninta pasaqqa burlakuspam umantapas aywinqaraq.

Romanos 1:22

Yachaysapapaq hapikuchkaspankupas mana yachayniyuqmi rikurirunku.

1~Corintios 3:19

Kay pachapi yachaykunaqa Diospa qayllanpiqa mana valeqmi. Imaynam Qellqapa kayna nisqanman hina: “Diosmi trampawan hapichkaq hina yachaysapakunataqa kikinpa sakri kaynillanpi hapirun”, nispa.